NEHEMIA 4:21 - Hawa Naga Bible 2001

²¹ Kvkhoc rvtueq wvraungx nuiyq tek, raungnvp shalx dung yaq maq raungyac ruiysuiyq dungc nuex httuiuc laz naungshiq miq wvyvmc rueq yauk shuimx ruiux, wvyvmc rueq paq shuimx vtueq bvmc wuez tiq.

ASII LAKDAP Bible (BSI)

²¹ Krai mren, wranaiqtek ranap chu maq chap wan laita, raji ranyaq na, raiqsaiq dong wantlaq akhing na saülili, naishiq phong wa maiq khoko riika, ruk tiihea hai jaqsham, kiimaq khoko riika, sontri tsong, piq doraq maq kongti jaqshamti kra khe chap wan tiikai.

NEHEMIA 4:21 Referencias Cruzadas

NEHEMIA 4:20

Mkhoc shoc maq bolic thuic tay ruiux kuex ngvy kox nuex rvtuimx kaz luit. Naungshiq Tishox rueq naungshiq kox maq khvt naungx phuex,” ngoz tueq jungx tauk.

NEHEMIA 4:22

Naunghez rueq raungwvrx nuex ghaqyungx kuex bvmc ruiux, raungnuiyq nuex yauk shuimx lvp laz juing tsuingshiq nuiyc tsuingshiq muex romc kuy jix htenc kuex raungwvrx nuex Yerusalem nuex httaz rax tuex lvmz vshunc vshvlc jix hez muex ngaz rueq jungx tauk.

1 Corinthians 15:10

Yuq muinz Tishox kejux ningkhvnc nuex ngaz kuex ngaz doc rvtauk, ngaz muex vpiq rueq vkuq kejux muinz khuec guez muex yaungx muq maq; vganc kamx waz bix htauk nuex muinz ngaz kuex jvnc vtueq yauk shuimx vshaungx. Kvkhoc shuimx kaz vshaungx kuex ngvy hungc maq rvmuq, ngaz rulc vdvmz nuex shuimx naungx yaq Tishox kejux ningkhvnc nuex rvtueq.

1 Corinthians 15:58

Kvkhoc rvtueq ngaz rueq lungwawc vphaungx phunox bix lex, phaungx duingduing maq jvp wuez kuinz. Taungjix yauk shuimc gurc pic lvmx kuex mkaq muinz khuec guez yaungx kaz muq kuex nuimshiq tuiuz wvnc vtueq, Taungjix yauk shuimc nuex mkaq muinz shuimx kaz wuez shuinz.

Galatians 6:9

Kvkhoc rvtueq vhvlx yauk shuimc nuex naungshiq kuex thuinz tvyomx tvruinc miq maq shuimx wuez ix, kvkhoc thuinz tvruinc thuinz tvyomx miq ngoz ruiux kuex vkhing httuiuc wvnc tuex nuex naungshiq rueq tvjomx gvnz wvnc wuez shix.

Colossians 1:29

Vruex yauk shuimc kuex ngaz rueq laungc maq shuimx kaz yaq nuex Christu rueq ngaz muex yunghvlc hungc vlaungc kuex kuq phuex, kvruex hungc vlaungc kuex ngvy shauk mungx nuex shuimx kaz yaq.