NEHEMIA 3:4 - ASII LAKDAP Bible (BSI)

⁴ Uria se Meremoth, apaiq ka Hakkos ma asaü, riika Hassenaa sengi raq haitaq jaqtho maq tiichap pha raüta, long khetuk kra tiihea haito. Kiimaq Berekhia se Meshullam, apaiq ka Moshejabel ma asaü, kra riika Meremoth raq tiihea haitaq jaqtho maq tiichap pha wan raüta, long khetuk ka tiihea haito. Baana se Jadok riika, Meshullam raq haitaq jaqtho maq pha wan raüta, long khetuk ka tiihea haito.

Hawa Naga Bible 2001

⁴ Kvmaq tvhttoarc vtueq Hakko suiuz, Uria saz Meremot rueq tvhvlc ruk tueq. Kvruex tvhttoarc kuex Meshezabel suiuz, Berekia saz Meshulam rueq tvhvlc ruk tueq. Kvruex tvhttoarc kuex Baana saz Zadok rueq tvhvlc ruk tueq.

NEHEMIA 3:4 Referencias Cruzadas

EJRA 2:61

Kiimaq arthun ramwebi raq tsangshiq ata awii weraü manphan ka riikhaqli sap lot mak riito. Tsangshiq ka arthun ara riito: Habaiah, Hakkoj, kiimaq Barjillai riito. (Barjillai ma ati ramwe riika, Gilead na siti ramwe Barjillai se lamto. Raüta ahuchhiwe ta mang pon kriimaq tiihong raüta siwanto.) Tsangshiq raq maiqmii ata awii manphan kra rit wan lot mak riito. Kriikha maq, tsangshiq ma ramwe jaqsham ka kuqmak riito.

EJRA 8:33

Kra ranaiqtsam hailai tiishe, rablai ngo ranaiq niishe, naishiq ka Jerusalem Shomjam na wakai. Laita kampho, chaq kiimaq tak apin thun kra ahea wiq ma ashin riinong kai. Laita kiijaq siti Uria se ramwe Meremoth jaq niishe kiinong kuq kai. Kiitiikaq apaiq rai ka Phinehas se Eleajar, kiimaq Lewinok wa wenai Jeshua se Jojabad, kiimaq Binnui se Noadia min asi riito.

NEHEMIA 3:21

Kra jaqtho miika, Hakkoj ma asaü lam Uria se Meremoth raq haito. Apaiq riika, Eliashib jam rinkea sup wan tlaq kiijaq saüli tiihea haito.

NEHEMIA 3:3

Hassenaa weraü sengi riika, Ngiq Kilamchong ba tiihea haito. Tsangshiq raq kilam da chong pumpat kiimaq kilam chong tipi pum thun kra, kiimaq kilam chong thun kra wiita samheawiq tiihong raüta haito. Raütiishe kra tiipha tüchang jinpan khili maq tüto. Kiimaq kilüla chang pepan tiihongto.

NEHEMIA 3:30

Kra jaqtho miika, Shelemia se Hanania kiimaq Jalaph setiim phongwa wetrok ngojawe, ase Hanun raq tiihea haito. Arka tsangshiq raq banai ngoja she tiihea haito. Kra jaqtho miika, Berekhia se Moshullam raq tiihea haito. Apaiq riika, apaiq jamkea tiithi ba tiihea haito.

NEHEMIA 3:5

Kiimahali, Tekoa chela na siti nokmaiqse riika, Jadok raq haitaq kra jaqtho maq tiichap wan raüta, long khetuk kra tiihea haito. Shatmaq tiina, kra chela na siti tsangshiq welabi riika, tsangshiq rii jaqsham apheakuq kra, tsangshiq jaq miika shamki mai nguta jaqsham liiketi ashun asheatibi bom ka taimak akhü riito.

NEHEMIA 6:18

Jehudinok phong wa mung welabi apako ka Tobia rai pongti siisaq riito. Jamkhano ngukla, Tobia ma ahuchhiwe Shekania ka Jehudi phan. Shekania ka Ara se. Kriithaq niimin, Tobia se Jehohanan riika Meshullam se lamto. Meshullam ka Berekia se.

NEHEMIA 7:63

Kiimaq arjaq chongtiikai ramwe weraübi riika, tsangshiq takhan weraü manphan saqse tiichhikuq lotmak riito. Tsangshiq ka arthun ara: Hobaia, Hakkoj, kiimaq Barjillai weraü thun riito. (Riita ara chongtiikai ramwe Barjillai riika Gilead chela na siti maiq weshi Barjillai weraü phan sitlaq kriiwe se lamto. Krai mren apaiq raq ahuchhiwe ta weraü mang khü miishe tiihong raüta siwanto). Riita, tsangshiq raq tsangtitiim weraü manphan saqse kra tiichhikuq lot mak kha maq, tsangshiq ka anunphan ashe miishe jakito. Kriikha maq, tsangshiq ka ramwe ma jawan lotmak she riito.