NEHEMIA 3:3 - ASII LAKDAP Bible (BSI)

³ Hassenaa weraü sengi riika, Ngiq Kilamchong ba tiihea haito. Tsangshiq raq kilam da chong pumpat kiimaq kilam chong tipi pum thun kra, kiimaq kilam chong thun kra wiita samheawiq tiihong raüta haito. Raütiishe kra tiipha tüchang jinpan khili maq tüto. Kiimaq kilüla chang pepan tiihongto.

Hawa Naga Bible 2001

³ Hasena taungx hez rueq Ngaq Palx kaluix kuex guirx tueq. Tsuinghez rueq kaluix koalc htenc, kaluix daungx htenc, kaluix kvr juing pumz htenc, kaluix taung juing htenc kuex tvhungx taq tueq.

NEHEMIA 3:3 Referencias Cruzadas

2 KAÜWA WERAÜ 33:14

Arjai miishe Manase raq Dawit Chela tro kiitelong ruk kinphai rukti adü ka atlu hai riito. Ara tlu haitaq ba ka Dawit Chela shedong nü siim wa jüwii thung ba na Gihon tsiimse rai se tho kiimaq phaho raüta Ngiq Kilamchong maq hiq khü nü siim kiina haito. Kriimaq riitea chela wa hiqshong bashi Ophel hiq ngutlaq kriiba na saüli haito. Kiimaq apaiq raq Juda mung na kiitelong maq trotam maq rukje chela thun kiijaq phentu weshi shi wokhong na phenlabi phung ka phoqto.

NEHEMIA 12:39

Kiimaq, kriiba miishe ka, Ephraim Kilamchong, kiimaq Jeshana Kilamchong, kiimaq Ngiq Kilamchong, Hananel Kongmong Chong, kiimaq, laita Shishi Kongmong Chong, kiimaq riitiishe Sku Kilamchong nü kiiniishe khum wan kai. Laitiishe, naishiq raq chela ruk tro na khum wankai kriika, Shomjam tiinap tho na Kilamchong ashi, kra jiishe tiisup wan kai.

NEHEMIA 2:8

Kiimaq hali, ngi raq hokhamwe jaq wa, rum wa pe kra liiwantiwe Asaph ma, rum na pe sitlaq kiiwa pehü pan ma lam raüta, Shomjam tro na long peruk kiijaq kilam chong thun kra hai wan miitu, kiimaq chela khetuk thun kra tiihea wan miitu kiimaq ngi miitu jamhai wan tiikang kiijaq lang miitu, pe raa tlaq kra, Asaph raq michom kuq laq nguta, aming kewan lak ashi kri waiqkuq haü jaq ahea nguta, bom ka tiitai kang. Shiikeawe ka ngi rai asi. Kiimaq, ngi raq ümchuwa jaü kang kra, hokhamwe raq ngi ma kunkun tiihong kuqto.

NEHEMIA 3:4

Uria se Meremoth, apaiq ka Hakkos ma asaü, riika Hassenaa sengi raq haitaq jaqtho maq tiichap pha raüta, long khetuk kra tiihea haito. Kiimaq Berekhia se Meshullam, apaiq ka Moshejabel ma asaü, kra riika Meremoth raq tiihea haitaq jaqtho maq tiichap pha wan raüta, long khetuk ka tiihea haito. Baana se Jadok riika, Meshullam raq haitaq jaqtho maq pha wan raüta, long khetuk ka tiihea haito.

NEHEMIA 3:6

Pasea se Joiada nai Besodeia se Meshullam riika, long khetuk ka Jeshana Kilamchong ba maq tiichap phaho raüta tiihea haito. Tsangshiq raq Kilamchong wa pumpat nai kilüda tipi kra wiita tiihongto. Raüta jinpan khili nai jinpan maq kilü lachang kra tiihongto.

NEHEMIA 6:1

Riita, naishiq raq ruk tiihea hai ka wiitashe lotkai. Kiimaq apu apot kiimin wiita she tiitang sukbaiqto nguta, Sanballat nai Tobia, kiimaq Geshem kiimaq nanok maiq ahinti, naishiq ma chiqse rewebi raq tsütsa ka taito. Riita kra akhing niika, naishiq raq kilü thun ka kilam chong na mitiihong hai shaqli riito.

NEHEMIA 7:1

Jerusalem peruk ka tiihea lot kai she. Kilam thun wa kilü kriimin wiita atiikop lot wishe. Kiimaq Shomjam kheti hokranok, Shomjam na asii shingeti khojabi, kiimaq Lewinok wiijamti ma maiqmiirii jaqsham thun ka aphea kekun she.

Tvtsvmc 147:13

Apaiq raq üm chela kilü thun nganghea thütlo; apaiq raq üm senginok ma ramram kuqtlo.

JEPHANIA 1:10

Tatiwe raq ngutlo, “Kra ranaiq namshiq raq, Jerusalem na Ngiq Kilamchong na, agi asii maiqho trang mitai han. Kiimaq namshiq raq anye atei han, chela ba kiijaq, maiqhotrang mitai han. Kiimaq kin thun kiijaq atham wan trang, jonghea mitai han.