NEHEMIA 13:25 - ASII LAKDAP Bible (BSI)

²⁵ Kra ningkhan, ngi raq tsangshiq awere thun ka, phanrap ma tsat son kang. Lata, tsangshiq khuthaq na manson kiqsü she riikang. Lata sintsang maq tsat kang, kiimaq tsangkhushü maq hit-hihi hitkang. Latiishe, ngi raq, tsangshiq ka Shiikeawe mang na, tsangshiq riilo, riimak la, tsangsetiim jiimin, pongmung maiqse rai khesea riija klo wan maimak she nguta, tsangshiq ma tumkham tiinyang kang.

Hawa Naga Bible 2001

²⁵ Kvkhoc ningkhvnc nuex ngaz rueq kvruex waz hez kuex ngoz ngax httonx tauk, thvt tauk, tsuingshiq khux mul muinz phiz gay tauk. Kvruex yimaq ngaz rueq tsuingshiq nuiyc tsuingshiq sahez muex mkaq muinz pungnuk shvlx rulc kuex lvmz miq shex, ngoz tueq Tishox muingc jungx vtueq tvtuemc tvkhvmc wuez tauk.

NEHEMIA 13:25 Referencias Cruzadas

2 HOKHVMX 2:24

Elisha raq jainü na trosaq riito, raüta tsangshiq ka makbi maq tiqtiq liito. Raüta tsangshiq ka Tatiwe mang maq sonto. Kiijiishe rummong wa chapbi kaü nai dongkito. Raüta kra nosere maiqwesere kong roqblai ri wenai ka bunlak buncha kaqbaiqto.

EJRA 10:5

Kra chongtaq krai mren she, Ejra raq ramwebi wa ashun sheati maiqlare kra, kiimaq Lewinok kra, kiimaq mungmaiqse angu wiita riishe, chap raüta Shekania raq tri raütsi tiidea chongtaq kriidea miklo rong i ngutiishe, mungmaiqse ka atiitum she riito.

EJRA 7:26

Kiimaq, ju riiwa, ümniiraq shomnoq tlaü Shiikeawe thungtri ka jin tlaq, lo ngi raq mung lang tiikang arwa, jin tlaq, kriiti ka jaqlo thit li rung na tiichap chang. Raüta tri atsin maq apaiq kha ka phoke wan chang. Raüta apaiq miisaq kra tiithum baiq ratlo. Riimakla, apaiq ka pongmung na shumwi ma tiiwa baiq ratlo, riimak la, apaiq huk asam ka wiita nyeaho ratlo. Riimakla, apaiq ka thong na shaqbaiq ratlo.”

NEHEMIA 13:11

Kra tai lata, ngi raq Shomjam thaq na aliiwanti welabi ka, Shomjam wa jaqsham ka tsapkap mak kha na, tsangshiq ka asea nai ason riikang. Lata, ngi raq ashi wanti nai Lewinok kra, tsangshiq maiqmii hiqshong wa, tiihea wa nong lata, Shomjam na tsangshiq jaqsham kra sham wan nong miitu arang kuq nong kang.

NEHEMIA 13:17

Kra ningkhan, ngi raq Jehudinok welabi ka ason riikang. Lata tsü ka akha chongkuqkang, “Liirong laq, namshiq raq, ara abi ngarai tang tlan! Namshiq raq asii Asii Niitiitsak Ranaiq ranaiq ka ashe ma tiija baiqholan.

NEHEMIA 13:24

Tsangsetiim phong wa khoko riika, Ashdoknok bom kli bomtlo. Riimak la, maiqnok maiqhiq nokhin phan bom miili riibom tlo. Tsangshiq raq nashiqnok, Jehudinok bom ka tsin mak.

NEHEMIA 5:13

Kra lot laitiishe, ngi raq ichhü na pa tiikang kheachü shinket kra chhut lata, naüshaüshaü naübaiq kang. Kra naü baiq lam maq, “Ikhii jiila, ümchaü armiiphat, namshiq phong wa jurwa, ara kiqkham raüpot lang mak riijiiq, Shiikeawe raq kriiti jamkun nai kriiti tachong kra hutjok, minaü baiq laq. Raüta namshiq ka kheahü kealok she mitiichamchao laq,” nguta tsangshiq ma tumkham tiinyang kang. Krai mren, kiijaq ngati tarü raq, “Amen!” nguto. Kiimaq Tatiwe ka tiitsamto. Krai mren welabi raq tsangshiq kiqkham ka riikhaqli maq lang wanto.

NEHEMIA 5:6

Tsangshiq raq kha shoktaq kra tai lata, ngi ka kai khiq kang.

Tvtsvmc 119:53

Ümtiikiiwa ngi raq abi maiqse raq ümtri jin wan kra chhihala, itsankhiq ka hengtlo.

Tvtsvmc 15:4

Shiikeawe raq juwa shiithoq baiqtaq thun ka apaiq raq saisitlo, shatmaq Tatiwe aming langti ka shrengtlo. Apaiq raq akiq khamkuqtaq miiphat wranaiqshe tiipoi mak shamkuqtlo, ümtinkhan athii atsinwiq jiimin shamkuq wan ruq riitlo.

DUNGWVNC 34:16

Kiimaq namsetiim raq pong mung maiqse sheare kra molam wan she moraq miraq. Raüla kra nyungre raq tsangwesetiim ka Ngi miimthü raüta lamjiq niishe misheaho. Raüta tsangshiq thatsang phra kong kriishe mitiishomnoqho.

TAKSU LAK 28:4

Jurwa thungtri raü jin tlaq, kriiti ka ashutti rai pongti; shatmaq jurwa tri wokhong na sitlaq, kriiti ka ajiq kiimungti kra ngengtlo.

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

TRI CHONGKE 7:3

Namshiq raq tsangnok sheare ashi min lam maimak. Kiimaq namsetiim miimin tsangshiqnok sheare ka ashi ra min lamke maimak.

JOSHUA 23:12

Shatmaq namshiq ka Tatiwe wokhong na phaqchii nichii maq shonga man riihan la kiimaq namshiq rai pongnok phan maiqse tiichong kitaq thun krai, namshiq ka adam na riishot riishaq sihanla, lanta tsangshiqnok rai sikhe sirü riija hanla,