NEHEMIA 13:25 - Hawa Naga Bible 2001

²⁵ Kvkhoc ningkhvnc nuex ngaz rueq kvruex waz hez kuex ngoz ngax httonx tauk, thvt tauk, tsuingshiq khux mul muinz phiz gay tauk. Kvruex yimaq ngaz rueq tsuingshiq nuiyc tsuingshiq sahez muex mkaq muinz pungnuk shvlx rulc kuex lvmz miq shex, ngoz tueq Tishox muingc jungx vtueq tvtuemc tvkhvmc wuez tauk.

ASII LAKDAP Bible (BSI)

²⁵ Kra ningkhan, ngi raq tsangshiq awere thun ka, phanrap ma tsat son kang. Lata, tsangshiq khuthaq na manson kiqsü she riikang. Lata sintsang maq tsat kang, kiimaq tsangkhushü maq hit-hihi hitkang. Latiishe, ngi raq, tsangshiq ka Shiikeawe mang na, tsangshiq riilo, riimak la, tsangsetiim jiimin, pongmung maiqse rai khesea riija klo wan maimak she nguta, tsangshiq ma tumkham tiinyang kang.

NEHEMIA 13:25 Referencias Cruzadas

2 HOKHVMX 2:24

Piq kuex kvroz vtueq tsuinghez kox nuex tiq lawc ruiux, Yehowa muingc jungx vtueq tsuinghez kuex httonx tueq. Kvkaq rumz wawc jvpbawx kuiux nueyc dung kaz vtueq, nosaz rulx waz 42 kuex puinthuing puinthaung kauk gay tsuiyc tueq.

EJRA 10:5

Kvkhoc rvtueq Shekania rueq tharc jungx tueq rulc rv-ngvlc, tsuinghez rueq shuimx lvp laz juing ngoz tueq Ezra rueq shomc waz walaungx bix, Lewi miqsaz htenc nuiyc kvjungx yaq miqsaz htenc muex tvtuemc phaungc wvnc tueq.

EJRA 7:26

M-Tishox Tvrac htenc nuiyc honoc mungtan tvrac htenc kuex yaq gay jix waz ukhaq yuq muinz vthueyc murx, mungtan vganc nuex yurc gay murx, piq tsak vnyvmx tvjomx lvmz gay murx, rvmuq ngoz ruiux khoktep nuex lvmz lvy htawc shauk gay murx kuex htat mrvhumc kueq,” ngoz tueq httax tueq.

NEHEMIA 13:11

Shomc Yuimx kuex tuip gay shec tueq ningkhvnc nuex ngaz rueq vlawc jix vyungx vlaungx bix kuex httonx tauk. Ngaz rueq Lewi miqsaz nuiyc vtuimc vtvlc jix hez kuex Shomc Yuimx nuex tvyez gvl yek vtueq, yauk tvshuimc yek tauk.

NEHEMIA 13:17

Ngaz rueq Yuda walaungx bix muex httonx tauk kuex, “Nuimshiq rueq shuimc vshuinx vyaq mvrax kuex lawc shuinz! Nuimshiq rueq Vguilc Raungnuiyq kuex tvshuy shac vshuinx.

NEHEMIA 13:24

Tsuingshiq sahez wvyvmc rueq nuiyshiq kvjaz kuex kvjak thenc muq, Ashdod kvjaz kvjak yaq, wvyvmc kuex vganc phvnx kvjaz kvjak wuez yaq.

NEHEMIA 5:13

Kvruex yimaq ngaz rueq ngvy khemenc kuex lvmz vtueq nuiuc ruiux raz tueq, “Miqmac bomkhvmc phvnx muq waz kuex Tishox rueq vkhoc nuiuc gay shuex. Nuimshiq yuimx htenc nuiyc taungx vwawx phvnx ruip saz kuex Tishox rueq lvmz gay shuex ningkhvnc nuex nuimshiq tvkoc yvmx muinz kvjungx tuex rvmuq,” ngoz kuq tueq. Kvruex yuq httax yaq miq htenc rueq, “Amen!” ngoz tueq tvralc wuez ruiux Yehowa muex tvtsvmc wuez tueq. Walaungx bix rueq muinz miqmac bomkhvmc rulc rv-ngvlc shuimx wuez tueq.

NEHEMIA 5:6

Tsuingshiq kvbot nyvnx yaq kuex tay vtueq, ngvy thuinkhaq hvlc ningkhvnc nuex

Tvtsvmc 119:53

Layx bac jix htenc rueq mtvrac kuex phvnx muq maq tvbac gay yaq kuex ngaz rueq khiz tauk nuex ngvy thuinkhaq tueq.

Tvtsvmc 15:4

Tishox vtvdux gay jix htenc kuex piq rueq suirsac yaq, yuq muinz Yehowa kvjaz tay jix muex tvtsanc nganc kuy rvyaq. Bomkhvmc tvhungx tvkoc mtanc dvyx gvrx ruiux muinz, vpiq bomkhvmc htenc kuex mkaq muinz shuimx kaz yaq.

DUNGWVNC 34:16

Nuimshiq suiuz vsaz htenc rueq kvruex mungx wawc miq kuex lvmz wuez vtueq, ngaz nuex tvmtuing tvhttax muq maq nuiyc tsuingshiq tishox htenc kuex tvnawk palx kv-phuinx.

TAKSU LAK 28:4

Tvrac kuex mnoz rueq tvtsanc muq ngoz ruiux yuq, mnoz kuex layx bac jix miqsaz kox nuex httax vtuiux; yuq muinz tvrac kuex mnoz rueq phvnx vshuiux ngoz ruiux yuq tsuingshiq kuex mnoz rueq khawx vshuiux.

ISAIA 50:6

Ngaz rueq ngvy wungc jix waz muex rawx htungx kuex jungc kuq tauk. Tsuingshiq rueq ngaz kuex yomnamc vtueq, Ngvy kaq mul htenc kuex phiz gay ruiux ngvy htvlx nuex htoz maq htoz phuex nuex, ngaz rueq tsuingshiq kuex tvgawx gay mauk.

TRI CHONGKE 6:13

Yehowa nuimshiq Tishox muex tvtsanc nganc wuez shuinz, vpiq muex dvyx nawk palx wuez shuinz, vpiq muingc kuex ruingc vtueq bomkhvmc taq wuez shuinz.

TRI CHONGKE 7:3

Tsuingshiq wawc miq lvmc mvy muq, nuimshiq suiuz vsaz muinz tsuingshiq kox nuex tvwaungc mvy muq,

JOSHUA 23:12

Nuimshiq tvmtuing wawc kv-phelc wvnc vtueq nuimshiq rulc kvjungx httax yaq vganc phvnx miqsaz rulc khoalx ruix rvyaungc ruiux yuq kuex,