NEHEMIA 13:19 - ASII LAKDAP Bible (BSI)

¹⁹ Arkha niishe, ngi raq Asii Niitiitsak Ranaiq ranaiq pha wan tlaq, raji rashe nyap wan tlaq akhing na, Jerusalem chela kilamchong thun kilü ka, wiita shaqbaiq raa tlo. Raüta Asii Niitiitsak Ranaiq ranaiq mithum shaq wiiwii, kilü thun ka dike raamak, nguta aming she tat kang. Lata, Asii Niitiitsak Ranaiq ranaiq na jurmin kinphai wa chela mong na hupho samho, nyapwa mak chang miitu, kilam chong thun kiijaq kilü kheti sontri tsongti maiq thükang.

Hawa Naga Bible 2001

¹⁹ Kvkhoc rvtueq ngaz rueq Vguilc Raungnuiyq ruip rawx kvkhoc raungnuiyq httuiuc vtueq raungx buirx wvnc ruiux yuq Vguilc Raungnuiyq htumx nuex httuiuc laz, palx kaluix htenc kuex shuiuz tvkoc nvr tauk. Vguilc Raungnuiyq taungshaungc jix ukhaq muinz ghaqyungx nuex nyuip muq tvkoc ngaz rueq miq wvyvmc muex palx kaluix htenc kuex tvbvmc tauk.

NEHEMIA 13:19 Referencias Cruzadas

NEHEMIA 13:20

Lakshi shea laknai wiika, laopanbi ka, phanrap hupsam shata wanti, liipan rabiingi angu rawa na, Jerusalem chela kin phai kiijaq japto.

NEHEMIA 7:3

Ngi raq tsangshiq ma, Jerusalem chela kilü thun ka, ranap rashe dong jai maq ashaqpuq siraütiq dirong laq nguta aming kuqkang. Kiimaq raji nü niimin, sontribi thun kra miwa wan shaq niili, rashe minyap shaq niili shaq raüta, la rong laq nguta, aming kuq kang. Kra thaq niimin, ngi raq tsangshiq ma Jerusalem chela mong na siti nokwe phong kiiwa, maiq wiijamti tsea lanta, tsangshiq ma jaqsham atiitsang khaqkhaq pheakuq lanta, tiisham rong laq nguta, tsii chongkuq kang. Kiimaq maiq wiijamti miika, tsangshiq jam tro thun kra khe miitu, sontri tsong lanta thü ronglaq nguta chongkuqkang.

LEWI 23:22

Namshiq raq ümtiikiiwa bunwong hantlan, wakphe phe wiika naqhan wan rongkiq. Kiimaq aso nyam atiichongki thun kriika naq hanki nong rongkiq she. Kra tsamso ka miitsan maiqsetiim nai wanshawe pongmungti sitlaq kra miitu tiichong kuq ronglaq. Tatiwe ka namshiq Shiikeawe.

LEWI 23:32

Jipi jiha ratiikaü raji rashe nyap jai maq pha wan raüta jipi jiha raroqshi raji rashe nyap na saüli ara khuliiq poi ara klo wan ratlo. Arka akhek atiitsang niitiitsak ranaiq ma lang ratlo. Ara ranaiq na jamlai phan phaq sea min maimak.

John 5:10

Kra ningkhan, “Ümchaü ranaiq ka Asii Niitiitsak ranaiq. Ümniiraq ümdamsii kom pi wan ka raa mak. Arka nashiq Thungtri na apii,” nguta Jehudinok welabi raq atsi wa aheaki we kra, sonto.