NEHEMIA 13:19 - Hawa Naga Bible 2001

¹⁹ Kvkhoc rvtueq ngaz rueq Vguilc Raungnuiyq ruip rawx kvkhoc raungnuiyq httuiuc vtueq raungx buirx wvnc ruiux yuq Vguilc Raungnuiyq htumx nuex httuiuc laz, palx kaluix htenc kuex shuiuz tvkoc nvr tauk. Vguilc Raungnuiyq taungshaungc jix ukhaq muinz ghaqyungx nuex nyuip muq tvkoc ngaz rueq miq wvyvmc muex palx kaluix htenc kuex tvbvmc tauk.

ASII LAKDAP Bible (BSI)

¹⁹ Arkha niishe, ngi raq Asii Niitiitsak Ranaiq ranaiq pha wan tlaq, raji rashe nyap wan tlaq akhing na, Jerusalem chela kilamchong thun kilü ka, wiita shaqbaiq raa tlo. Raüta Asii Niitiitsak Ranaiq ranaiq mithum shaq wiiwii, kilü thun ka dike raamak, nguta aming she tat kang. Lata, Asii Niitiitsak Ranaiq ranaiq na jurmin kinphai wa chela mong na hupho samho, nyapwa mak chang miitu, kilam chong thun kiijaq kilü kheti sontri tsongti maiq thükang.

NEHEMIA 13:19 Referencias Cruzadas

NEHEMIA 13:20

Taungx vwawx phvnx ruip saz shaungc jix bix palx ruk yix kox nuex raungx bv-ngac raungyac laukshiz, lauknueyc shaung kaz ruiux yaq.

NEHEMIA 7:3

Ngaz rueq tsuinghez muex ngoc raungnvp kox nuex shalx shvmhvlx max dung shauk nuex Yerusalem ghaq palx kaluix htenc kuex nauk dauz kaz shauk, shalx nyuip jauz kaluix bvmc jix hez rueq yauk shuimc max lot wawwawx kaluix htenc kuex shauk vtueq vtaung juing pumz htenc maq taung shec shuinz, ngoz tueq jungx tauk. Yerusalem nuex httaz jix hez wawc vbvmc jix miq htenc taq ruiux, kvruex hez wawc miq wvyvmc muex jvp juing khauk khauk nuex tvbvmc ruiux, wvyvmc kuex miqmac yuimx tvroz maq bvmc tvkoc jungx kuq tauk.

LEWI 23:22

Nuimshiq wuik vnac wawc tuiz vtsvmz gvnz tvjomx wvnc shuinx nuex, wuik shuk wawc tsvmz jungx htenc kuex nauk gvnz kaz, kvjungx vruex kaz tsvmz nyvmx kvmuinz laukshiz gvnc kay mvy muq; kvjungx yaq htenc kuex htemc saz jix nuiyc pungnuk miqsaz tvkoc tvjungx taq shuinz. Yehowa kuex nuimshiq Tishox rvtueq.

LEWI 23:32

Kvruex yapix raungx tvkuiuz raungyac maq phaungc vtueq, raungx rokshiz raungyac nuex httuiuc laz htep nyec tvkuiyq raungnuiyq rvtueq, kvkaq yvmx muinz phuiuz svy mvy muq.

John 5:10

Kvkhoc rvtueq vthuiuz hvlc kay jix waz kvmac Yuda miqsaz htenc rueq, “Majuiuc raungnuiyq kuex Vguilc Raungnuiyq rvtueq, mnoz kuex khoz vkhvy phawc pix vshuiux kuex naungshiq Tvrac muex yaq vtuiux,” ngoz kuq tueq.