NEHEMIA 13:17 - ASII LAKDAP Bible (BSI)

¹⁷ Kra ningkhan, ngi raq Jehudinok welabi ka ason riikang. Lata tsü ka akha chongkuqkang, “Liirong laq, namshiq raq, ara abi ngarai tang tlan! Namshiq raq asii Asii Niitiitsak Ranaiq ranaiq ka ashe ma tiija baiqholan.

Hawa Naga Bible 2001

¹⁷ Ngaz rueq Yuda walaungx bix muex httonx tauk kuex, “Nuimshiq rueq shuimc vshuinx vyaq mvrax kuex lawc shuinz! Nuimshiq rueq Vguilc Raungnuiyq kuex tvshuy shac vshuinx.

NEHEMIA 13:17 Referencias Cruzadas

NEHEMIA 13:11

Kra tai lata, ngi raq Shomjam thaq na aliiwanti welabi ka, Shomjam wa jaqsham ka tsapkap mak kha na, tsangshiq ka asea nai ason riikang. Lata, ngi raq ashi wanti nai Lewinok kra, tsangshiq maiqmii hiqshong wa, tiihea wa nong lata, Shomjam na tsangshiq jaqsham kra sham wan nong miitu arang kuq nong kang.

NEHEMIA 13:16

Tajar chela wa aki, maiq wiijamti laopanbi ka Jerusalem na siraüta piikiiti asi riito. Tsangshiq raq ngiq, kiimaq laihin hupsam phanphan kra, Jerusalem na hoholili raüta, naishiqnok ma Asii Niitiitsak Ranaiq ranaiq na shakuqho tlo.

NEHEMIA 13:25

Kra ningkhan, ngi raq tsangshiq awere thun ka, phanrap ma tsat son kang. Lata, tsangshiq khuthaq na manson kiqsü she riikang. Lata sintsang maq tsat kang, kiimaq tsangkhushü maq hit-hihi hitkang. Latiishe, ngi raq, tsangshiq ka Shiikeawe mang na, tsangshiq riilo, riimak la, tsangsetiim jiimin, pongmung maiqse rai khesea riija klo wan maimak she nguta, tsangshiq ma tumkham tiinyang kang.

NEHEMIA 5:7

Kiimaq arthun khü akha arka, atritsi photsiimke chang nguta, thapthi wan kang. Krai mren, ngi raq welabi nai mung shiilangbi ka tiishut wan kang. Lata, “Namshiq raq maiqmiinok ata jehin nore ka jaram wa nanshan tlan!” nguta tsangshiq ka son kang. Latiishe, ara mungkha ara phoke miitu, ngongthung wan miitu mungmaiqse ka tiihea kang.

TAKSU LAK 28:4

Jurwa thungtri raü jin tlaq, kriiti ka ashutti rai pongti; shatmaq jurwa tri wokhong na sitlaq, kriiti ka ajiq kiimungti kra ngengtlo.

ISAIA 1:10

Jerusalem lei, ümmung pengti tuwebi nai ümsengi mungmaiqse ka Sodom nai Gommora chelati ikha. Tati raq ümniima jamlai bom wa chongtlaq kra tailaq. Nashiq Shiikeawe raq ümniima jamlai wa shrinkuqtlaq kra samheawiq tiitsang tailaq.

JEREMIA 13:18

Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

JEREMIA 5:5

Ngi ka ajong alabi phana mikiha, lata tsangshiq rai mirbom kiha. Tengteng, tsangshiq raq jamlai jaqsham raüwa Shiikeawe raq miro kriika asap ahiq na, Tatiwe raq tsangshiq ma jamlai jaq tiisham rowa kriika asap ahiq.” Shatmaq tsangshiq tarü ka Tatiwe wokhong na simak, kiimaq apaiq aming ka langmak.

EJEKIEL 20:13

Shatmaq tsangshiq riika kra kumtsaiphii rumnyangkhi mung miimin lanlaqlaq ikiq khü wanto. Tsangshiq raq ithungtri raütu thun kra jin wanto. Kiimaq Ngi raq akuqha iming raütu jurwa langtlaq kriiti ma rilung tsitsü keti thun kra wiita shishe baiq wanto. Tsangshiq raq Asii Niitiitsak Ranaiq tri ka tiisiirai tiisheshi baiq wanto. Ngi raq tsangshiq ma itsankhiq walü heng kra kumtsaiphii mung kiijaq tiichhi kuqla lata tsangshiq ka tiisiirai tiijiimbaiqla nguta tiima kang.

LEWI 19:17

“Maiq ka jumin naqshuliikiq. Shatmaq namnai liipan na jamlai no riikhiilea tlan kriika riichong lanta ari aram ronglaq. Kra rii haü jiitiq ümniiraq apaiq ningkhan na ngarai tang maü mirhaü.

Mikha 3:1

Israilnok tuwebi lei tairong laq! Namshiq raq tri raütu ka tingting shamchang riimak shea?

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.