NEHEMIA 13:17 - Hawa Naga Bible 2001

¹⁷ Ngaz rueq Yuda walaungx bix muex httonx tauk kuex, “Nuimshiq rueq shuimc vshuinx vyaq mvrax kuex lawc shuinz! Nuimshiq rueq Vguilc Raungnuiyq kuex tvshuy shac vshuinx.

ASII LAKDAP Bible (BSI)

¹⁷ Kra ningkhan, ngi raq Jehudinok welabi ka ason riikang. Lata tsü ka akha chongkuqkang, “Liirong laq, namshiq raq, ara abi ngarai tang tlan! Namshiq raq asii Asii Niitiitsak Ranaiq ranaiq ka ashe ma tiija baiqholan.

NEHEMIA 13:17 Referencias Cruzadas

NEHEMIA 13:11

Shomc Yuimx kuex tuip gay shec tueq ningkhvnc nuex ngaz rueq vlawc jix vyungx vlaungx bix kuex httonx tauk. Ngaz rueq Lewi miqsaz nuiyc vtuimc vtvlc jix hez kuex Shomc Yuimx nuex tvyez gvl yek vtueq, yauk tvshuimc yek tauk.

NEHEMIA 13:16

Yerusalem nuex httaz jix Tire ghaq jix wvyvmc rueq ngac nuiyc vhvlx phvnx taungx vwawx lotlaz kuex nuiyshiq miq muex Vguilc Raungnuiyq shaungc kuy tvkoc lvmz wvnc wuez tueq.

NEHEMIA 13:25

Kvkhoc ningkhvnc nuex ngaz rueq kvruex waz hez kuex ngoz ngax httonx tauk, thvt tauk, tsuingshiq khux mul muinz phiz gay tauk. Kvruex yimaq ngaz rueq tsuingshiq nuiyc tsuingshiq sahez muex mkaq muinz pungnuk shvlx rulc kuex lvmz miq shex, ngoz tueq Tishox muingc jungx vtueq tvtuemc tvkhvmc wuez tauk.

NEHEMIA 5:7

kvruex shuimc tvkoc thuinz maq htvp htaz gay tauk. Ngaz rueq walaungx bix nuiyc mungx miqsaz vyungx vlaungx bix muex, “Nuimshiq rueq miqmac phuz vnox htenc kuex tuinghtuing wuez vshuinx!” ngoz tueq ngoz tauk. Ngaz rueq kvruex tvrungx raz tvkoc mungx miqsaz lotlaz gvl vtueq

TAKSU LAK 28:4

Tvrac kuex mnoz rueq tvtsanc muq ngoz ruiux yuq, mnoz kuex layx bac jix miqsaz kox nuex httax vtuiux; yuq muinz tvrac kuex mnoz rueq phvnx vshuiux ngoz ruiux yuq tsuingshiq kuex mnoz rueq khawx vshuiux.

ISAIA 1:10

Yerusalem lex, mmungx walaungx bix htenc nuiyc mmiqsaz htenc kuex Sodom nuiyc Gomorra miqsaz ikhoc yaungx yaq. Yehowa rueq mnoz muex jungx yaq kuex tay shuiuz. Naungshiq Tishox rueq mnoz muex tvluing kuq yaq kuex tay tvtsuingc shuiuz.

JEREMIA 13:18

Yehowa rueq ngaz muex jungx phuex, “Hokhvmx waz nuiyc vnyuiuz tsuingnueyc khushec svp hvlc htenc kuex tsuingnueyc khux wawc tvy kaz shex ningkhvnc nuex tsuingshiq hoc daungraungc maq svt tvkoc jungx shuiuz.

JEREMIA 5:5

Ngaz kuex luimc vkawc vhttax jix miq kox nuex kaz vtueq tsuingshiq muex jungx shaungx. Tsuingshiq rueq vsuing Yehowa thuinroc kuex tuiuz yaq, Tishox tvrac lvmz muinz tsuingshiq rueq tuiuz yaq,” ngoz tueq jungx tauk. Yuq muinz tsuingshiq lotlaz rueq Yehowa vpiq vrangx vpangx kuex tvdux gay ruiux vpiq muex tvlvlc gay tueq.

EJEKIEL 20:13

Yuq muinz tsuingshiq rueq kumtsvy tvnx maq ngaz kuex khawx wuez phuex. Tsuingshiq rueq ngvy tvrac htenc kuex tvbac gay ruiux ngaz rueq nvr tauk htenc kuex tvdux gay tueq, kvruex htenc phvnx ruiux yuq kuex ukhaq yuq muinz thuiuzthuic tvraungx lvp khvmx tueq. Tsuingshiq rueq Vguilc Raungnuiyq kuex tvshuy shac gay tueq. Tsuingshiq kuex tvbac gay tvkoc kumtsvy tvnx maq ngvy thuinkhvy hungc tvrvhumc tvkoc ngaz rueq tvyoalc taq tauk.

LEWI 19:17

“Miq rulc thaungthoz juing nauk taq kaz, piq ningkhvnc nuex mnoz mvrax yaq muq tvkoc piq rulc rungx raz muq lvmx htenc kuex jungphvnx kuq shuiuz.

Mikha 3:1

Israel nuimshiq guimz lawc jix bix lex, tay shuinz! Nuimshiq kuex tvrac vlvmz shuimc jix rvtuit rvhvt maq,

Mikha 3:9

Tvrac vlvmz kuex shuiuc pac vtueq vlvmz wawc vyaq nuex kvroz wvnc jix Israel nuimshiq guimz lawc bix lex, ngvy kvjaz kuex tay shuinz.