Mikha 7:13 - ASII LAKDAP Bible (BSI)

¹³ Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

Hawa Naga Bible 2001

¹³ Yuq muinz kvruex mungx miqsaz htenc tharc vbac ningkhvnc nuex tsuingshiq httaz juing baung htenc kuex kumtsvy tvnx muex yaungx wvnc tuex.

Mikha 7:13 Referencias Cruzadas

YOBA 4:8

Ngi raq maiq ka abi wak jaqsham nithe rea chhikang, abi tsamlai ka wan wanto; ümchaü ka tsangshiq raq ashut tsi nai abi tsi she jutlo.

TAKSU LAK 1:31

Kra ningkhan ümniiraq jamlai phan lapchang wa, kra phan kli milap wan haü, Ümniiraq jamlai jaq wa sham laü, kra tsingo ka phaqsiq laütli she mibii haü.

TAKSU LAK 31:31

Apaiq raq ümchuwa jaqsham tlaq, kra miitu anato laq, apaiq ka tarü raq tiitsam kamchang.

TAKSU LAK 5:22

Ngarai maiqse ngarai tang tlaq kriika, apaiq minrai chang chiiq. Apaiq ka apaiq ngarai chiiq niili minraitlo.

ISAIA 17:9

Kra ranaiq akhing she saüwa raüla, chela trotam maq kiitelong maq peruk weshaü raüta ahai chela thun sitlaq kriika, hiqmiq changkhü miishe mijaki. Kriika Hiwaiqnok nai Amoraiqnok raq Israilnok ma haima tsang chela thun miimbaiq thütaq ikhiishe miraq.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 25:11

Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.

JEREMIA 32:19

Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.

EJEKIEL 12:19

Laüta Israil mung tlotli ma arka Tati Rakaü Hiqwe raq Jerusalem na ümchaü niitaq sishatti miitu maji binriim chongtlo nguta tsangshiq ma chonglaq. Tsangshiq ka dungsea lam maq atiikhai miraq kiimaq kham nyang lam miimin atiikhai raüta minyang. Tsangmung ka wiita hiqmiq changkhü miishe mitiijabaiq wan. Jamkhano ngukla kiijaq siti maiqse tarü kunli ka thungtri shiithen wanti siisaq.

EJEKIEL 33:28

Ngi raq mung ka hiqmiq changkhü ma mitiijabaiqha. Kiimaq tsangshiq raq ningkun jonghea hotiikai nguta ümtinkhan wa shiikong wantaq thun ka wiita athum she mirki. Kiimaq Israil mung wa pum thun ka rum nyamse ngamthaiq pahea sikha maq maiq khumkai maimak she miraq.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

Mikha 3:4

Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Mikha 6:13

Namshiq shutphit ngarai kha na, ümchaü ngi raq namshiq, shiithen baiq phawan kang she.