Mikha 7:14 - ASII LAKDAP Bible (BSI)

¹⁴ O Tatiwe lei, ümsengi ümniiraq atsea wan haü, skukong ikha rüm laq. Tsangshiq ka kumtsai phü binjü na sitlo. Li jiimin, tsangshiq sichang hiqtro ka, hiqpo hiqwin jonghea asi. Man na rathup rapha na tsangshiq, Shong chang dongdii, Bashan wang nai Gilead wang binjü na, nyamse dung chang, nyiimlung ram kiijaq, tiishong wan nong laq.

Hawa Naga Bible 2001

¹⁴ Yehowa lex, mnoz rueq thvl wvnc toq mmiqsaz htenc kuex khelbuenx remc jix waz rueq ikhoc tvkhup wungx shuiuz. Tsuingshiq kuex khumz vrumz nuex pungpanc rvpanc httax ruiux muinz, kvruex baung kvyuq ghaq vbur vhvlx ghaq rueq tsuingshiq kuex tvkomc tuimz rvyaq. Bashan nuiyc Gilead mungx nuex shuimx lvmz phauk saq wvnc tueq ikhoc majuiuc muinz mungtan nuex tvhttax shuiuz.

Mikha 7:14 Referencias Cruzadas

Tvtsvmc 100:3

Saprong laq Tatiwe kiidea nashiq Shiikeawe. Apaiq ka nashiq tiiqti, kiimaq nashiq ka apaiq rii; nashiq ka apaiq sengi, nashiq ka askusekong.

Tvtsvmc 143:5

Ngi raq man na lea wan kang akhing ka tsan na shiwea tiikang; ümniiraq ümtinkhan wa jaqsham kuqlaü thun kra tiima tiikang. Ümniiraq jaqshamlaü thun kra tsan na tiitsang nong tiikang.

Tvtsvmc 28:9

Ümsenginok kra chhiilaq, Tatiwe lei, kiimaq ümwokhong na siti ka shiimanlaq. Tsangshiq ka ümskusekong ümniika tsangshiq rümti; kiimaq tsangshiq ka pattup miitu shiikum panlaq.

Tvtsvmc 95:7

Apaiq ka nashiq Shiikeawe; nashiq ka apaiq sengi awokhong na rümtlo, askusekong, apaiq raq nashiq dunghiqtlo. Taironglaq ümchaü ranaiq apaiq raq jamlai wa chongtlaq kra:

DUNGWVNC 33:16

Ümniika naishiq rai wadam maü riihaü ka, ümniika ümsenginok rai kiimaq ngi rai tsan wa maq sitlaü ngutiika, juro jamkho misap? Ümniika naishiq rai adam sitlaü kriiraqli naishiq ka mangjong maiqse phong wa pong na traishat tiisapkitlo.”

ASHICHONG 4:1

Ümshamhea wa pinthum atsom! ilungwii junse lei! Ümkhu jopchang khea mong na, ümmak haütaü maksi ikha, ümkhudap janjangjang hea. Gilead wang kinhong na, chhechhisekong doqtrang ikha.

ISAIA 27:13

Kra ranaiq akhing she saüwa raüla, nüchhong lerong tsü raüta, Israilnok ka tlotli Asiria mung wa nai Ejip mung wa munglu shumwi ma atsuq wan kra mihea. Kiimaq tsangshiq ka miwa. Raüta asii hiqlam Jerusalem maq Tatiwe ka mishomnoq wan.

ISAIA 35:2

Kumtsaiphii wang chojong chise hongraüta mishinge wan; kra binjü ka Lebanon pum thun tsomwa ikha tsomhea miraq, kiimaq Karmel wak ram thun nai Sharon tan wiinai ikha hiqpo hiqwin miraq. Maiq loweatek raq Tatiwe khushü chhai nyii michhi wan, kiimaq apaiq jonglu nai apaiq ningkun kra michhi.

ISAIA 37:24

Ümniiraq ümjaqshisetiim tiiki laüta ümkumrang leng phong ningkun maq ümniiraq Lebanon pum kaütiim diiluhea thun ka wiitashe khat wan laüta jiiwan laü nguta ikhaki na jarap jirap tiitsaki tiichong tlaü. Ümniiraq kra binjü wa maisak pero achong diiluhea pinthum thun nai pinthum ahea awa sidar pechong thun ka daqbaiq wan laü nguta tiishom rasiq tlaü. Kiimaq ümniika bintang jüngi tsaühea mong na phoili she nyap wan laü nguta tiitsaki tlaü.

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

ISAIA 49:10

Tsangshiq ka ümtiikiimin aramtsi riimakla khamnyangtsi chamchao mak she miraq. Rashekiitsi nai kumtsaiphii hiqke raq tiichamchao mak she miraq. Jamkhano ngukla tsangshiq lungwiitiwe riishe tsangshiq ka miriim wan. Apaiq raq tsangshiq ka tsiimse raisetiim na misheaho.

ISAIA 65:10

Tsangshiq raq Ngi mishomnoq wan. Raüta tsangshiq skukong nai minsaü kong thun kra shenyap nü na Sharon Tan na nyiim lung tan na midung wan. Kiimaq Shedong nü na Chamchao Tan kiijaq midung wan.

JEREMIA 49:31

‘Warong ra! Nashiq raq maiq mung ümtum ümmai hansang maq sitlaqnok kra longki rong i! Tsangshiq chela thun ka kilü maq shaqmak. Riimakla kilü thun ka tala maq keahü. Jeriiqriiq hea, linliilii akhat kai ma jeriiqriiq li,’ nguta riichongto.

AJONJÜ 1:7

Jerusalem ka apaiq laqlaqse hiqmiq changkhü she, man niiwa jonglu kra tiimatlo, apaiq re jaq na saütaq akhing na, apaiq khrumti jumin ahü she, Ajaqtinok raq apaiq then jen ka, sunghea she slailiito.

AJONJÜ 5:21

O, Tatiwe lei, naishiq ümwokhong na, jangshi ri shea wan nong laq! Richüpat wa lüwa khushü ka, naishiq ma jangkuq nong laq.

EJEKIEL 36:11

Ngi raq maiq nai jam nyamse kong ka pahea mitiipuchi kuqha. Namshiq ka man na lea wantaq pat wa kriithaq na pahea she mitiipu kuq wan ha. Kiimaq namsetiim ka pahea mipu wan. Ngi raq namshiq ka, man na jamkho siwan lan kiikha mitiishong wanha. Kiimaq namshiq ka pattup miitu pinthum chiithe lüwanok ma mitiija wan ha. Kiijiishetiq namshiq raq, Ngi ardea Tatiwe nguta misap han.

LEWI 27:32

Jam nyamse kong wa roqshi khu wa ashi ka Tatiwe rii. Ümtiikiiwa jam nyamse kong ka awea riitlaq, roqshi khuwa ashi ka Tatiwe rii.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

Obadia 1:19

“Juda mung wa shemai nüti raq, Edom munghiq jiiwan raüta misiq wan. Shenyap nü wangti kinjiji na shongti raq, Philistainnok hiq mijii wan. Raüta misiq wan. Israilnok riika Ephraimnok wang nai Samaria wang kra, jiiwan raüta misiq wan. Benjamin phan riika Gilead wang kra jii, raüta misiq wan.

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEKERIA 10:10

Ngi raq tsangshiq ka Ejip mung nai Asiria mung wa, Jam niishe mitsuq wan ha. Lata tsangshiq shongchang hiqchü rachü niishe, mitiishong nga wan ha. Ngi raq tsangshiq ka, Gilead wang nai Lebanon wang niishe mitiishong wan ha. Tsangmung tlotli na maiqhiq tonglong lishe miraq.

JEKERIA 11:7

Sku piikiitinok raq ngi ka sku rüm ma amaq kham na thüto. Krai mren, ngi ka ataphaq chang sku rümti ma jakang. Ngi raq sku rüm chang nyeakii anai lam kang: kiishi mang ka “Akhrumti,” kiimaq kiishiti ka, “Aram ari,” nguta mang kang. Kra latiishe, skukong ka rüm kang.

MALAKI 3:4

Kiijiishetiq, Juda mung na siti mungmaiqse nai Jerusalem chela na siti nokmaiqse raq Tatiwe ma honglu kuq wan tlaq kriika, man na richüpat na kuq tlaq ikha athuk atsom tsan tiiheali chang she miraq.

WEAWEA 23:9

Diiluhea longraq khu maq ngi raq tsangshiq chhitiikang; Ngi raq tsangshiq ka kin thun maq liitiikang. Tsangshiq ka maiq mung ashi tsangshiq hon hon li siti; Tsangshiq raq asap tsangshiq ka nanok mung ahin thun thaq na shiiman mung.

WEAWEA 32:1

Reuben phan nai Gad phan jaq niika jam nyamse kong pahea. Krai mren tsangshiq raq Jajer wang nai Gilead wang binjü ka nyamse rüm ma hiqshong ka thep chhito.

Matthew 2:6

‘Judia wang wa Bethlehem chela lei, ümniika Judia wang na chela phong na akhek ashi; ümchela wa munglangti wela ashi michii, Apaiq raq i sengi Israil mung ka mirüm wan.’ ”

John 17:16

Ngi ka mangjong hiq rii riimang. Krai mren, tsangshiq kiimin mangjong hiq rii ka riimak.

TRI CHONGKE 33:28

Krai mren, Jakob saüsetiim ka hansang maq shong wanto, tsam nai spiqtai chamtraq mung na khusang maq shong nga wanto, kiijaq ra wa bang rok raüta hiq ka traptlo.