Mikha 7:13 - Hawa Naga Bible 2001

¹³ Yuq muinz kvruex mungx miqsaz htenc tharc vbac ningkhvnc nuex tsuingshiq httaz juing baung htenc kuex kumtsvy tvnx muex yaungx wvnc tuex.

ASII LAKDAP Bible (BSI)

¹³ Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

Mikha 7:13 Referencias Cruzadas

YOBA 4:8

Ngarvyx kuex htuz vtueq vlix ikhoc layx vbac wuinc jix miqsaz htenc kuex ngaz rueq khiz tauk; majuiuc kuex layx vbac nuiyc ngarvyx kuex tsuingshiq rueq yut wvnc tueq.

TAKSU LAK 1:31

Kvkhoc rvtueq mnoz rueq shuimx wvnc toq rulc rv-ngvlc mnoz rueq lvp wvnc shuiux ningkhvnc nuex, mnoz rueq shuimx shuiux kvraq mnoz muex tvthuiuz sac kv-phux.

TAKSU LAK 31:31

Piq rueq shuimx wvnc tueq lotlaz htawz vrawz kuex tvtsuingc taq shuiuz. Miq ruip rawx rueq piq muex tvtsanc nganc aungx yaq. 2

TAKSU LAK 5:22

Layx bac jix waz mvrax kuex bix vtsvnc rvtueq, piq kuex piq mvrax jak nuex kvlvp rvhumc tueq.

ISAIA 17:9

Kvruex raungnuiyq httuiuc wvnc tuex nuex, Israel miqsaz kox wawc yuz wvnc vtueq tuip gay shex tueq Hiwi nuiyc Amori ghaqyungx htenc ikhoc, phaungx duingduing hvlc ghaqyungx htenc kuex kuiyqshuik kuiyq khvmx baung muex yaungx vtueq kvhttak bac wvnc tuex.

JEREMIA 17:10

Ngaz Yehowa rueq miq thuinz nuex kvmungx yaq kuex thuiyx konx vtueq miqsaz thuinz vmungx htenc kuex taruiyx lawc vshaungx. Ngaz rueq miq tek vtueq tsuingshiq honc vyaungc nuiyc tsuingshiq rueq shuimx lvmz yaq kuex tv-phvnc vmauk kuq shaungx,” ngoz tueq jungx tueq.

JEREMIA 21:14

Yuq muinz mnoz rueq shuimx wvnc toq rulc rv-ngvlc ngaz rueq mnoz muex murx tvgurc phaungx. Mhoc kuex wvr maq jauk gay shaungx, kvmaq wvr kvraq tvroz tuimz kuex khamc gay shuex. Ngaz, Yehowa rueq jungx vshaungx.”

JEREMIA 25:11

Vruex mungtan kuex ghaqkuiyq ghaqkhvmx yaungx wvnc vtueq, vkawc yawc juing ikhoc baung muex yaungx wvnc tuex, kvkhoc raz tueq tvroz wawc mungtan lotlaz rueq Babelon hokhvmx waz muex wawc rok mvshix tup shuimx kaz kuq wuez shuex.

JEREMIA 32:19

Mnoz kvmungx tharc kuex vwangc juing nuiyc shuimx vshuiux yauk shuimc kuex yunghvlc rvtueq; miqsaz rueq shuimx lvmz yaq phvnx ruip saz kuex mnoz rueq khiz vshuiux, mnoz rueq tsuingshiq kuex miqmac honc vyaungc nuiyc shuimx lvmz yaq kvruex tv-phvnc vmauk kuq vshuiux.

EJEKIEL 12:19

Vruex kuex Johvlc Yehowa rueq tsuingshiq mungtan nuex httax yaq doc Yerusalem miqsaz tvkoc vjungx bomjungc rvtueq, kvruex kuex miqphvnx lotlaz muex jungx kuq shuiuz: tsuingshiq kuex kvkhuirc yaq lvmx maq phuiuz vsvy phauk saq shuex, hiyaz kvkhuirc yaq lvmx maq vtix kuex nuingx wuez shuex. Tsuingshiq mungtan nuex httaz jix miq ruip rawx kuex tvrac phvnx muq ningkhvnc nuex tsuingshiq mungtan kuex ghaq sawc htungx muex yaungx wvnc tuex.

EJEKIEL 33:28

Ngaz rueq kvruex mungtan kuex kuiyqshuik kuiyqkhvmx muex tvyaungc ruiux, tsuingshiq ngamc ngax yaq luimc vkawc kuex tvhtumx gay shaungx. Israel kanx htenc kuex pinhtumc htvy hvlc luingx muex yaungx wvnc vtueq, ukhaq muinz kvmaq khuemx lot muq rvtuex.

Mikha 3:12

Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

Mikha 3:4

Nuimshiq rueq Yehowa kox wawc ramc thoz jauz shex httuiuc wvnc yaq, yuq muinz vpiq rueq nuimshiq muex tvralc shuex rvmuq. Vpiq rueq nuimshiq vjux thoz bomc kuex tay shuex rvmuq, yvmx rvtueq lac ngoz ruiux lec nuimshiq rueq layx vbac shuimx gay tuit ningkhvnc nuex rvtueq.

Mikha 5:3

Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

Mikha 6:13

Kvkhoc rvtueq nuimshiq mvrax htenc ningkhvnc nuex nuimshiq kuex tvbac phaungc wvnc muex ngaz rueq tvyoalc lot tauk shex.