Mikha 7:12 - Hawa Naga Bible 2001

¹² Nuimshiq miqsaz htenc kuex shaldungc kox Asiria mungx, ghaqyaz kox Ejip mungx, Euphrat ruilx warc tvnx hong, yalc hvlc svmuktvrax nuiyc kanx htenc wawc muinz nuimshiq kox nuex yek waung wuez tuex.

ASII LAKDAP Bible (BSI)

¹² Ümsenginok ka barap binrii wa, ümpha niishe mijang wan. Shedong mung nü na siti, Asiria mung wa, shemai mung nü na siti, Ejip mung wa, Euphretis mung nü wa, Khamjong wiiq mung wa, kiimaq kunyung kinwe liiq binjü wa, wiita mijang wan.

Mikha 7:12 Referencias Cruzadas

ISAIA 11:11

Kvruex raungnuiyq httuiuc tuex nuex, Taungjix rueq vpiq luimc vkawc kuex shuimx vtueq vpiq miqsaz kuex Asiria nuiyc Ejip wawc, Pathro, Ethiopi, Elam, Babelon nuiyc Hamat mungx htenc, svmuktvrax nuiyc julc lomx htenc nuex httaz jix htenc kuex gvl wvnc shuex.

ISAIA 11:16

Israel miqsaz htenc Ejip mungx maq kaz wvnc tueq nuex tsuingshiq jix vwaz tamx tvkoc tvtsuingc juing muex yaungx tueq ikhoc, Asiria mungx nuex kvjungx yaq Israel miqsaz htenc muex tvtsuingc juing tvkoc lvmx laungx yungx kvruex baung nuex httax tuex.

ISAIA 43:6

Tsuingshiq tvwaungc tvkoc ghaq khux kox nuex ngaz rueq jungx shaungx, tsuingshiq kuex tvwanc muq tvkoc ghaqyaz kox nuex jungx shaungx. Ngvy miqsaz htenc kuex lvmx luz mungx htenc wawc m-yek waung kueq, mungkawx baung ruip saz wawc m-yek waung wuez kueq.

ISAIA 49:12

Ngvy miqsaz htenc kuex lvmx luz mungx wawc muinz, yuix khux kox nuiyc shalx nyuip kox wawc muinz, yuix yaz kox nuiyc Aswan wawc muinz kaz wuez ruex,” ngoz tueq.

JEREMIA 23:3

Ngaz rueq tsuingshiq tvpanc gay tauk mungtan htenc nuex kvjungx yaq ngvy miqsaz htenc kuex tvjomx vtueq, ngaz rueq tsuingshiq kuex tsuingshiq ghaq vraungx nuex shvlx wvnc shaungx. Tsuingshiq suiuz vsaz paunghvlc pux paung wvnc tuex.

JEREMIA 3:18

Israel kuex Yuda rulc kvromc vtueq miq htenc rulc vdvmz ghaqkhux kox maq nuimshiq jix vwaz tamx muex ngaz rueq kuy tvlanc vkuq mungx nuex yek waung wuez tuinx,” ngoz tueq.

JEREMIA 31:8

Ngaz rueq tsuingshiq kuex ghaq khux kox wawc shvlx laq vtueq, ghaq tvsuip htenc wawc tvjomx wvnc shaungx. Muik mawz jix nuiyc vkuix vshawx jix htenc wvgvnz nyuiuz tamx nuiyc wuic khic thuiuz yaq nyuiuz hez kuex tsuingshiq rulc vdvmz kaz naungx tuex. Tsuingshiq kuex miqphvnx yunghvlc muex yaungx wvnc yek tuex.

JEREMIA 46:27

“Ngvy miqsaz lex, nauk hiz kaz, Israel miqsaz lex, nauk kawc yawc kaz. Ngaz rueq nuimshiq kuex lvmx luz mungx wawc muinz, nuimshiq thuq wvnc tueq mungx kvwawc muinz palc wvnc phaungx. Nuimshiq kuex yuimx vghaq nuex yek waung vtueq nomic httax wuez tuinx; nuimshiq kuex kvwungx kvguing httax vtueq nuimshiq kuex tvhiz sungx shuex rvmuq.

EJEKIEL 29:21

“Kvkhoc yaungx wvnc tuex nuex, ngaz rueq Israel miqsaz muex hungc vlaungc tvhungc kuq vtueq mnoz Ezekiel muex muinz miq ruip rawx rueq mnoz rueq jungx shuiux kvjaz kuex tay laz juing tvbomc phaungx rvtueq, kvkaq tsuingshiq rueq ngaz Yehowa rvtauk kuex tuiuz wvnc wuez shuex.”

EJEKIEL 37:21

Kvruex yimaq ngaz, Johvlc Yehowa rueq miqphvnx htenc nuex rv-nyanc wvnc tueq ngvy miqsaz lotlaz kuex ngaz rueq tvdung vtueq, tsuingshiq rulc vdvmz tvtuimx ruiux tsuingshiq mungtan shauk nuex shvlx wvnc shaungx lvmx jungx shuiuz.

Hosea 11:11

Tsuingshiq kuex wushawx ikhoc Ejip mungx maq muinz, hituiuc ikhoc Asiria mungx wawc muinz makmak httuiuc wvnc wuez ruex. Ngaz rueq tsuingshiq kuex tsuingshiq yuimx htenc nuex shvlx wvnc yek shaungx. Ngaz Yehowa rueq jungx vshaungx.”