Matthew 8:4 - ASII LAKDAP Bible (BSI)

⁴ Jesuq raq apaiq ma tsii ka akha chongkuqto, “Tailaq! Maiq ahin ma jumiimin naq chongkiq. Shatmaq ramwe we phana lealea walaüta, ümkhum ka siikito she nguta tiichhi wakiq. Apaiq raq ümkhum ka milii laq. Kra tlii lot jai shetiq ümkhum ka siito she dea nguta, nokwe man na hakhi kewan Mosheq raq akuqthü aming kra phanphan honglu kuq wakiq.”

Hawa Naga Bible 2001

⁴ Kvkaq Yesu rueq, “Tay shuiuz! Vruex lvmx kuex miq washiz muex muinz nauk tvtay jungx kaz duimx shuiuz, yuq muinz shomc waz kox nuex kaz vtueq m-gvnz kuex tvkhic kaz kuiuz, kvmaq miq khaungkac nuex hakhix yaungc tvkoc Moshe rueq jungx shec tueq rulc rv-ngvlc shomc nawk kuy juing kuex shomc kuq waung kuiuz,” ngoz tueq jungx kuq tueq.

Muklom

⁴ Etho Jesu aa piq ma batta, “Tat u! Utang ma tho nak bat u, etharin achal eq tingwa jamnáng ka u etho piq aa nang cham siin tanphu; etho nang uqhal ang tu ta thaji ma takhi rangma, Moses aa chamlang pinthong kotma batta, iritang thaji ri kot u.”

Matthew 8:4 Referencias Cruzadas

ISAIA 42:21

Tatiwe ka Shiikeawe atiichhiike lungwiitlo, kra ningkhan apaiq raq athungtri nai atri raütu thun ka, shreng jonghea anato raüta riimtlo.

LEWI 13:49

kra rong ka awai waichat chat riimakla, shiiroro raüla, kriika thathaü longtlo ngushat. Kriika ramwe ma tiichhi wa raa dongdii.

Matthew 10:18

Namshiq ka i sengi kha maq wanghuptibi nai hokhambi rung na mitiichap. Kriika namshiq raq tsangshiq ma nai tsangshiq sengibi ma kiimaq Pongnok phan ma Tsütsa Ahea kra chongke wan miitu.

Matthew 16:20

Kiimaq Jesuq raq ajaqshisetiim ma, apaiq ka Messia dea nguta maiq ahinti jumiimin chong ra mak nguta kiq atsin maq thangto.

Matthew 17:9

Jesuq nai ajaqshisetiim atsam ka pum kriimaq asatkai lam miishe, Jesuq raq tsangtsam ma, “Ümchaü namtsam raq jamlai wa riisham mak maq chhi lan, kriika Maiq Se kra ama wa midong wan shaq wiiwii, maiq ahinti ju miimin naq chong rongkiq,” nguta kiq thangto.

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

Matthew 5:17

“Ngi ka Mosheq Thungtri aming raütu thun nai shammibi bom chong aming raütu thun kra runbaiq kai akiha nguta naq tiima rongkiq. Ngi ka tri raütu thun kra runbaiq kai akiha riimak. Shatmaq, tsangshiq raq ashrinkuq wan tri raütu thun kra shiiku pikai nguta kikang.

Matthew 6:1

“Namshiq raq nokwe ma tiichhi ma nguta, ‘mitting jaq sham’ ka naqsham rongkiq. Namshiq raq akha nokwe makki na tiichan ne lanta sham han jiila, ramungtan na siti nam We jaq wa poksi lap chang ka ahü she miraq”

Matthew 9:30

Krai mren, tsangnai mak ka tiidoqra li heakisaq heakito. Kiimaq Jesuq raq tsangnai ma bom thang tsii chongke, “Ara tsütsa ara maiq ahinti ju miimin tiitai wan ra mak!” nguta chongkuqto.

Mark 13:9

“Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.

Mark 3:12

Jesuq raq tsak tha thun ma, apaiq ka Khristo nguta, maiq ma chongke ra mak, nguta sonto.

Mark 5:43

Shatmaq, Jesuq raq tsangshiq ma, kra tsütsa ka ahinti ma tiitai ra mak nguta kiq atsin maq bom ka thang raüta chongkuq wanto. Raüta apaiq raq, “No ma phanshi ra tiiphaq siq ronglaq,” nguta tsangshiq ka thaüto.

Mark 6:11

Namshiq kitlan chelati raq, namshiq ka tao mak nai namshiq raq traho bom chongkuq tlan kra taimak she la riihaü jiila, namhok phi wa, botkhulai kra jai nü na nyi lanta naübaiq thü lantiishe wawan ronglaq. Kriika tsangshiq ma Shiikeawe manson ka asi lii nguta chongthü she!”

Mark 7:36

Raütiishe, Jesuq raq nokmaiqse ma, kra tsütsa ka naq riichong rongkiq nguta kiq ka athang riito. Shatmaq, apaiq raq tiiwin kiita khoti miina, apa tsaki wan wan khoti riito.

Mark 8:30

Kiijiishe Jesuq raq, “Ngi ka Khristo nguta ju miimin naq chong rongkiq,” nguta tsangshiq ma kiq thang bom chongkuqto.

Mark 9:9

Tsangshiq ka hiqlam maq asatkai lam miishe, “Ümchaü namtsam raq jamlai wa chhi lan, kriika Maiq Se ka ama wa midong wan shaq wiiwii, maiq ahinti jumiimin naq chong rongkiq,” nguta Jesuq raq tsangtsam ma kiqthang bom chongkuqto.

Luke 17:14

Kiijiishe, Jesuq raq tsangshiq ka chhi raüta, tsangshiq ma akha chongkuqto, “Warong laq. Lanta, ramwebi ma namkhum ka tlii warongkiq.” Krai mren, tsangshiq ka ramwebi pha na wa wawanto. Tsangshiq ka lam na awa rai bala liipan niili, tsangshiq thatsi ka heakito.

Luke 21:13

Riita, arka namshiq raq Tsütsa Ahea kra maiqse ma chongke akhing miraq.

Luke 4:41

Abi winji thun kiimin, “Ümniika Shiikeawe Se!” nguta, agi asii wa trang la, maiq pahea khum wa, dongho raüta, pongpin riipin pintrangto. Jesuq raq abi winji kong ka, tiiki miilaq asea riito. Kiimaq tsangshiq ma, bom ka poshi min tiibom mak riito. Apaiq raq tsangshiq ka jamkhano tiibom mak ngukla, tsangshiq raq apaiq ka Khristo nguta asap. Kriikha maq apaiq raq tsangshiq ka tiibom mak.

Luke 5:14

Jesuq raq apaiq ma, “Ara ümthatsi heakitaq arka, maiq ahinti ju miimin naq chongkiq. Shatmaq, ramwe we phana leaphok walaq. Laüta, ümkhum kra tiichhi wakiq. Apaiq raq ümkhum ka milii laq. Apaiq raq lii jai she, maiq tarü man na, ümkhum ka Asii she dea nguta tiichhi kewan hakhi, Mosheq Thungtri maq honglu she kuq laq,” nguta apaiq ma aming kuqto.

Luke 8:56

Tsangse ka ama wa sam wan kra chhi raüta, anyungwe ka kai awang riito. Shatmaq, Jesuq raq kra amao chang jaqsham tsütsa ka, nanok ahinti ma chong wan ra mak nguta, tsangshiq ma kiqthang bom aming kuqto.

Luke 9:21

Kiijiishe, Jesuq raq tsangshiq ma, kra bomtsi ka maiq ahinti jumiimin tiitai ra mak nguta, tsangshiq ma aming atsin miishe chongkuqto.

John 5:41

“Ngi riika maiqse raq shomra kriika rit mang.

John 7:18

Maiq ümriiti riiwa maiqmii raq athithi na traho bom chongkuq tlaq, kriiti riika, maiqmii khushü tiijong lamlu kli rittlo. Shatmaq, jurwa apaiq tiikaiti we khushü kra tiijong kli tiima tlaq, kriiti ka tingting maiqse. Apaiq tiima tsantsii niika arot akiq tsantsii ka ahü.

John 8:50

Ngi raq i mang jong ka rit mang. Shatmaq, i mang tiijong wanti ka weshi ra asi. Kiimaq apaiq riika ngi loplop niili tri raü ka shamtlo.