Matthew 8:5 - ASII LAKDAP Bible (BSI)

⁵ Kriimaq Jesuq ka Kaparniam chela niishe saühoto. Apaiq ka kiijaq saükai ri li she, Roman phenlabi siihiip we ka apaiq rai riihumto. Raüta Jesuq man na akha tiipaiqneato,

Hawa Naga Bible 2001

⁵ Kapernaum ghaq nuex nyuip wvnc tueq nuex, Roma nolaungx yungx washiz kuex vpiq kox nuex kaz vtueq:

Muklom

⁵ Jesu Capernaum samhaq náng thuta tho, ashey Rome ajongwa eq Jesu relnáng ka eq nong chu eq batta.

Matthew 8:5 Referencias Cruzadas

Matthew 11:23

Kiimaq Kaparniam chelati le! Namshiq ka ra niishe dü wan rong i ngutiisha dan tlan ngu kai? Namshiq ka wamungtan niishe mitiidea baiq kiiphan! Namshiq hiq na ümchuwa awang chang jaqsham wantaq kra, Sodom chela na shamkuq wantaq ngu raü jiika, Sodom chela ka ümchaü min asi li riichang wa!

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 4:13

Apaiq ka Najareth hiq na simak she riito. Shatmaq, Jebulun nai Naphtali weraü sichang hong na Gelili Thamkii tho na Kaparniam chela na wawan raütiishe siwato.

Matthew 9:1

Jesuq ka lai na ngawato. Raüta konü thamreko na apaiq sichang chela na jang wan nongto.

Mark 15:39

Kiimaq, kiijaq pumsongkham khaki na chapshat, Roman phenlabi siihiip jong we raq, Jesuq lang ka jamkho pit wantaq, kra kunli chhito. Kra chhi raüta, “Ai, arwe arkla, Shiikeawe Se dea!” nguta apaiq ka bomto.

Mark 2:1

Ranaiq nai tsam jai miishe, Jesuq ka Kaparniam hiq na jang wan nongto. Kiimaq apaiq ka jam na asi nguta tsütsa ka barap na phoito.

Acts 22:25

Shatmaq, tsangshiq raq apaiq ka jin raü maq tep kha raüta, chunpo-nyam chongwai maq atseaho she angu na, Paul raq phentuwe apaiq tho na chap raü we kiima, “Riita ümniiraq Roman Hokham sengi nokti we ka, apaiq khü akha ka jamlai wa, kra kongkhu pho hü maq, akha tsea thung ka asi sha?” ngutiishe apaiq raq siihiip we ma bom ka waito.

Acts 23:17

Kiijiishe Paul raq kiiwa phentubi wa weshi ka hea raüta, “Ara norii we ara siihiipjong we phana shea wan rong laq. Apaiq raq siihiipjong we ma tsütsa tiitai chang asi,” nguta tsangshiq ma bom ka tiitaito.

Acts 23:23

Kiijiishe siihiipjong we raq, apaiq phentu wenai ka hea raüta thaüto: “Sisiria na kai miitu phenlabi shinai tiijeli ronglaq. Kra tiitsuq ma kumrang thaq na chaoti phenlabi weroq miishi kiimaq liiq nai ja apiq shamti phenlabi shinai tiije ronglaq. Lanta athi raji nari tiikaü na tiido ronglaq.

Acts 27:13

Seph Tru na khetiikai bala rahai haise shemai nü maq haipha wanto. Kra rahai saü wan kiita lai jiiqti wetiim raq tiima ka tsangshiq raq Phonisk tru nü na jiiq wan nguta tiimataq kra miwalot rong i sham nguta tiimato. Krai mren, tsangshiq raq laijong shiikhing chang jinkhaiq bu thun kra, kham mong wa laijong na hali dothü nongto. Rathaiq rahai wan raüjaq laijong ka khamjong mong na tsuqbaiq wan jiiq nguta honkam shatmaq Kret wang wiiq khamjong kiikii tiinapnap miili jiiq wanto.

Acts 27:31

Shatmaq, kra chhi raüta Paul raq phentujong we nai phenlabi ma chongto, “Ara laijong jiiqtinok ka ara laijong mong na nga mak la ngu raü jiika, namshiq thun ka achhun miriirong i nguta akhiismin naq tiima rongkiq.”

Acts 27:43

Shatmaq, phentujong we raq, Paul ka tsatjiiq nguta apaiq tiichhii kewan miitu, phenlabi ma shumwi kong ka atsea raa mak nguta tiiwinto. Kra rii na, apaiq raq maiq ümchu riiwa jüwai atsin, kriiti thun ka kongkhu laijong maq kham na doq rong laq; lanta tareko kiina wai wan tlo ronglaq nguta aming kuqto.

Acts 9:38

Jopa ka Lidda maq ajeli. Kriikha maq, Jopa na siti Jesuq jaqshisetiim raq Petar ka Lidda na nguta tsütsa tai raüta, tsangshiq raq maiq wenai Petar tiihea kai tiikito. Tsangnai ma, “Ümniika naishiq phana jaqlo wara ngu wa,” nguta tiichong kito.