Matthew 8:4 - Hawa Naga Bible 2001

⁴ Kvkaq Yesu rueq, “Tay shuiuz! Vruex lvmx kuex miq washiz muex muinz nauk tvtay jungx kaz duimx shuiuz, yuq muinz shomc waz kox nuex kaz vtueq m-gvnz kuex tvkhic kaz kuiuz, kvmaq miq khaungkac nuex hakhix yaungc tvkoc Moshe rueq jungx shec tueq rulc rv-ngvlc shomc nawk kuy juing kuex shomc kuq waung kuiuz,” ngoz tueq jungx kuq tueq.

ASII LAKDAP Bible (BSI)

⁴ Jesuq raq apaiq ma tsii ka akha chongkuqto, “Tailaq! Maiq ahin ma jumiimin naq chongkiq. Shatmaq ramwe we phana lealea walaüta, ümkhum ka siikito she nguta tiichhi wakiq. Apaiq raq ümkhum ka milii laq. Kra tlii lot jai shetiq ümkhum ka siito she dea nguta, nokwe man na hakhi kewan Mosheq raq akuqthü aming kra phanphan honglu kuq wakiq.”

Muklom

⁴ Etho Jesu aa piq ma batta, “Tat u! Utang ma tho nak bat u, etharin achal eq tingwa jamnáng ka u etho piq aa nang cham siin tanphu; etho nang uqhal ang tu ta thaji ma takhi rangma, Moses aa chamlang pinthong kotma batta, iritang thaji ri kot u.”

Matthew 8:4 Referencias Cruzadas

ISAIA 42:21

Yehowa kuex vpalc wvnc tvkoc raungc yaq Tishox rvtueq, kvkhoc rvtueq vpiq tvrac htenc nuiyc tvluingc laungc lvmz htenc kuex somraungc wvnc vtueq, kvruex htenc kuex vpiq miqsaz htenc rueq tvtsanc nganc tvkoc roc yaq.

LEWI 13:49

wuil juit juit rvmuq ngoz ruiux shawx hunhunx thalrvmx kvbaungx yaq kuex khiz ruiux yuq, vpaungc rvwvnc yaq thalrvmx ningkhvnc nuex kvruex hup svmx htenc kuex shomc waz muex tvkhic rax yaq.

Matthew 10:18

Ngvy ningkhvnc nuex nuimhez kuex guimz lawc jix nuiyc hokhvmx bix khaungkac nuex vphoc tvkoc het shvlx wvnc rvhumc tuinx, tsuingshiq htumc nuex muinz, Pungnuk phvnx htumc nuex muinz Thuix Thaungx Vhvlx kuex jungphvnc kuy vkhangx lvp wvnc shuinz.

Matthew 16:20

Kvkaq Yesu rueq vpiq Mesia rvtueq lvmx kuex washiz muex muinz jungx muq tvkoc vpiq sangac muex bomc htuing kuq tueq.

Matthew 17:9

Kanx kvmaq tsuinghez svt kaz tueq nuex, Yesu rueq tsuinghez muex, “Miq Saz vruex thueyc vruez kaz hez kox wawc tvtenc wvnc max rvhumc wawwawx nuimshiq rueq khiz wvnc tuit htenc romzyac kuex ukhaq muex muinz nauk tvtay jungx kaz,” ngoz tueq nvr tueq.

Matthew 3:15

Yuq muinz Yesu rueq, “Majuiuc kuex ruez kuq koq. Yvmx khoc lac ngoz ruiux lec Tishox rueq jungx shec tueq lvmz lotlaz kuex phvnc aungx yaq,” ngoz tueq ngoz kuq tueq. Kvkaq jix Yohan muinz raz tsaz naungx tueq.

Matthew 5:17

“Ngaz kuex Moshe Tvrac nuiyc shvmmax bix rueq tvluing yaq kvjaz htenc kuex tvbac httak gay tvkoc vkaz ngoz tueq nauk tvmaung kaz. Kvruex htenc kuex tvbac httak gay tvkoc rvmuq, tsuingshiq rueq tvluing wvnc tueq phvnc tvhungx tvkoc juex ngaz kaz tauk nguinx.

Matthew 6:1

“Nuimshiq rueq yvmx lac shuimx shuinx kuex miq htenc rueq mkhiz shueq ngoz tueq mungx miqsaz htumc nuex yauk noalc kuq muit tvkoc honc lvmz wuez shuinz. Kvkhoc rvmuit ngoz ruiux kuex raungmungx nuex httax yaq nuimshiq Waz kox wawc yvmx yauk mauk muinz lvp muit rvshuinx.

Matthew 9:30

Kvkaq tsuingnueyc muik kuex kalc kaz tueq, Yesu rueq tsuingnueyc muex, “Ukhaq muex muinz nauk jungx kaz!” ngoz tueq bomc htuing kuq tueq.

Mark 13:9

“Nuimshiq shauk pumz honc lvmz hvt maq httax kuinz. Nuimshiq kuex lvp vtueq phoc waz muex kuq gay kv-phuinx. Vjux thoz yuimx htenc maq nuimshiq kuex wungc tvlc rvhumc tuinx; guimz lawc jix nuiyc hokhvmx bix htumc nuex ngvy ningkhvnc nuex nuimshiq jvp wuez vtueq, tsuingshiq muex Thuix Thaungc Vhvlx jungx kuq lvp shuinx.

Mark 3:12

Yesu rueq vpiq ukhaq lac rvtvnx lvmx kuex ukhaq muex muinz nauk jungx kaz, vshuy htaungc htenc muex vpiq rueq daungdaungx htuing tueq.

Mark 5:43

Yuq muinz Yesu rueq kvruex lvmx kuex ukhaq muex muinz jungx tvtay muq tvkoc daungdaungx htuing tueq, kvmaq raz tueq vpiq rueq, “Nox muex phuiuz svy phvnx shishiz kuq shuinz,” ngoz tueq jungx shec tueq.

Mark 6:11

Nuimhez miqghaq vshiz shiz nuex httuiuc kaz vtueq kvruex ghaq jix rueq nuimhez kuex tvduiz roc muq, tay kuq muq ngoz ruiux kuex, nuimhez yaz phac wawc bokkhuyx kuex nuiuc gay shec ruiux, kvruex maq kaz wvnc kuinz. Kvruex kuex tsuingshiq muex honc tvsvmz kuy lvmx rvtueq,” ngoz tueq jungx kuq tueq.

Mark 7:36

Kvruex yimaq Yesu rueq kvruex lvmx ukhaq muex muinz tvtay jungx muq tvkoc miq htenc muex htuing shec tueq.

Mark 8:30

Kvkaq Yesu rueq, “Ngvy lvmz kuex ukhaq muex muinz nauk jungx kaz,” ngoz tueq tsuinghez muex tvwanc jungx tueq.

Mark 9:9

Kanx maq tsuinghez svt kaz tueq nuex, Yesu rueq tsuingshiq muex, “Miq Saz vruex thueyc vtueq max yuing kvtenc waung wawwawx nuimhez rueq khiz tuit vruex miq ukhaq muex muinz nauk jungx kaz,” ngoz tueq tsuinghez muex htuing jungx tueq.

Luke 17:14

Yesu rueq tsuingshiq kuex khiz vtueq, “Waung kuinz nuimshiq shauk vgvnz kuex shomc waz bix muex tvkhic waung kuinz,” ngoz tueq. Tsuinghez lvmx nuex waung yaq nuex dvyx hvlx wvnc tueq.

Luke 21:13

Kvruex kuex nuimshiq tvkoc Thuix Thaungx Vhvlx hakhix jungc kuy muex vkhangx lvp wvnc shuinx.

Luke 4:41

Htaungc htenc rueq muinz, “Mnoz kuex Tishox Saz rvtoq!” ngoz tueq kvjaz yunghvlc maq guyc vtueq miqmac kvpumz yaq jix gvnz wawc dung wvnc wuez tueq. Vpiq rueq htaungc htenc guyc sez yaq kuex tvbomc muq tvkoc tvwanc svl tueq. Yvmx khoc lac ngoz ruiux lec vpiq kuex Mesia ngoz tueq tsuingshiq rueq tuiuz yaq ningkhvnc nuex rvtueq.

Luke 5:14

Kvkaq Yesu rueq, “Vruex lvmz kuex ukhaq muex muinz nauk tvtay jungx kaz shomc waz kox nuex tvpvnz juit kaz vtueq mshauk pumz kuex tvlawc kaz kuiuz; kvruex yimaq mnoz hvlx wvnc toq lvmz kuex miq ruip rawx htumc nuex hakhix yaungc tvkoc Moshe rueq nvr tueq rulc rv-ngvlc shomc nawk kuy shomc kuq kaz kuiuz,” ngoz tueq jungx kuq tueq.

Luke 8:56

Vnyuiuz nuiyc vwaz kuex pinhtumc vwangc rvwuez tueq. Yuq muinz Yesu rueq yaungx wvnc tueq lvmx kuex ukhaq muex muinz tvtay jungx muq tvkoc tsuingshiq muex bomc htuing kuq tueq.

Luke 9:21

Kvkaq Yesu rueq tsuingshiq muex vruex lvmx kuex ukhaq muex muinz nauk jungx kaz ngoz tueq bomc htuing kuq tueq.

John 5:41

“Ngaz kuex miq rueq tvtsvmc kvmc kuy lvmz thuiyx vshaungx rvmuq.

John 7:18

Miqmac vrangx vpangx thuinz maq jungc jix waz kuex miqmac ngauz vngax tvdungc roc jix waz rvtueq. Yuq muinz vpiq tvkay jix waz ngauz vngax thuiyc jix waz kuex kenrix rix waz rvtueq, vpiq nuex vrot vkaq yvmx muinz vguez.

John 8:50

Ngaz kuex miqmac tvtsanc nganc lvmz thuiyx vshaungx rvmuq. Yuq muinz ngvy muingc jungc thuiyx kuq vtueq ngvy kox maq phoc kuy jix washiz httax yaq.