Matthew 7:2 - ASII LAKDAP Bible (BSI)

² Namshiq raq nanok ka jamkho shrongra wan tlan, kiikhiisii Shiikeawe raq namshiq min mishra wan. Namshiq raq nanok ka jamlai tri mo shin wan tlan, kra tri maq namshiq kiimin Shiikeawe raq mishin wan.

Hawa Naga Bible 2001

² yvmx khoc lac ngoz ruiux lec nuimshiq rueq vganc jix muex phox kuq shuinz rulc rv-ngvlc Tishox rueq nuimshiq muex phox kuq kv-phuinx. Nuimshiq rueq vganc muex phox kuq shuinz tvrac rulc rv-ngvlc nuimshiq muex phox kuq shuex.

Muklom

² Chammatakoi nim aa miq adak ma chamal eq khaphung inn, nim ma tho iri mal hun Shkewa khaphung na. Etho nim aa miq adak ma chamal eq tuk eq ko inn, nim ma tho iri mal hun Shkewa tuk eq kona.

Matthew 7:2 Referencias Cruzadas

2 SAMUEL 21:5

Kiijiishe tsangshiq raq treto, “Saul raq naishiq ka jiipbaiq raüta Israil mung na chongthum ma tiijabaiq tanto.

Tvtsvmc 109:17

Apaiq raq maiq ma mansonto, apaiq miimin mansonlaq! Apaiq raq maiq ma ramram kuq romak phan riito, apaiq ma jurmin ramram kuqmak raüjaq ahea!

DUNGWVNC 21:24

mak ka mak maq song raa, wi ka wi maq song raa, jaq ka jaq maq song raa, hok ka hok maq song raa,

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

JEREMIA 34:17

Riita ümchaü min, Ngi, Tatiwe raq ngutiikang, namshiq raq Ngi aming ka jin lan. Namshiq raq namshiq maiqmii Israilnok phan ka wasetiim ma tiija wan man dea riilan. Ahea na, ikhiijiika ahea kata. Ngi riimin namshiq ka wasetiim ma hali mitiija nong kang. Kriika redong na tsai miitu, thadong na tsai miitu, ram raq jiim wan miitu she wasetiim mija han. Ngi raq mangjong hiq na maiqmung sitlaq tek ka, Ngi raq namshiq tiithenbaiq wan tiikang kra tiichhi kuq lata phiip ma mitiitsaiha.

JEREMIA 51:24

Tatiwe raq ngutlo, “Bebilonti raq Jerusalem ka jamkho tiithenbaiqtaq, kra thiitham ka Ngi raq Bebilon mung ma mikuqha kra namshiq mak maq michhihan.

Obadia 1:15

“Ngi Tatiwe raq mangjong tlotli, kha pho ma akhing ka aje she, Edom lei, namshiq raq jamlai wa haihii lan, kra namshiq min mitiichamchao. Namshiq raq maiq ma jamlai wa klo lan, kra namshiq miishe mitham kuq.

Matthew 6:14

“Namshiq ma shutphittibi mra thun ka namshiq raq diikuq han jiila, ramungtan na siti nam We riimin namshiq mra thun ka midii kuq.

Mark 4:24

Apaiq raq tsangshiq ma hali chongto, “Ara i bomchong ara samhea tiitsang tairong laq! Namshiq raq nanok ka jamkho shintlan, kra tri maq Shiikeawe raq namshiq min mishin. Sha, kra thaq na atsin lin miishe namshiq ka mishin kiiphan.

Luke 6:38

Jaq achü maq, nanok ma kuq ronglaq. Shiikeawe raq namshiq ma mikuq. Ngi chongpha, Shiikeawe raq namshiq ma, asho awo athap raüta mikuq. Namshiq raq nanok ma kene na jamkho thapthi tlan, kra phan phan Shiikeawe raq namshiq ma mithap thikuq.”

2 Corinthians 9:6

Ara bomtsi ara tsan na tiitsang rong laq: Jurwa tsamlai ka ahiihii maq trok raqraq li wanwan tlaq, kriiti riika, tsam min atsap li mijut. Shatmaq, jurwa tsamlai ka apapa maq jang wan tlaq, kriiti riika tsam min apa mijut.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

Revelation 18:6

Apaiq raq namshiq haihii wantaq, kiikha apaiq haihü ronglaq. Apaiq raq ümchuwa ngarai tang wantaq, thepliip maq apaiq khap na tsümkuq rong laq!

PHOWEBI 1:7

Adonibejek raq nguto, “Hokham weroqmiishi tsang jaqshi shilawe thun kra nai tsangshiq hokshi shilawe thun kra ngi raq tapbaiq kang. Tsangshiq raq inüchho seaphan hiq na atrok ha kra riichom tsunsiq raüta sito. Ngi raq tsangshiq jamkho haihü kang kriishe Shiikeawe raq ngi ka haihiito.” Apaiq ka Jerusalem na shea wanto. Kiijaq apaiq ka tsaito.

PHOWEBI 5:27

Apaiq ka alakü na riidungtsok riito, raüta kriinyung jichong na tiikaiqshak riwanto, Kriinyung jichong na tiikhiqlaq riwanto, apaiq ka hiq amaashe riwanto.

1 SAMUEL 15:33

Kiijiishe Samuel raq nguto, “Ümnepja raq anyungre pahea sehü nyungre ma tiijabaiqto. Krai mren ümchaü sanha ümnyung kiimin sehü nyung miraq.” Raüta apaiq raq Agag ka kiijaq Gilgal chela na berong-wacha khaki na tiipantrok chumbaiqto.