Matthew 7:2 - Hawa Naga Bible 2001

² yvmx khoc lac ngoz ruiux lec nuimshiq rueq vganc jix muex phox kuq shuinz rulc rv-ngvlc Tishox rueq nuimshiq muex phox kuq kv-phuinx. Nuimshiq rueq vganc muex phox kuq shuinz tvrac rulc rv-ngvlc nuimshiq muex phox kuq shuex.

ASII LAKDAP Bible (BSI)

² Namshiq raq nanok ka jamkho shrongra wan tlan, kiikhiisii Shiikeawe raq namshiq min mishra wan. Namshiq raq nanok ka jamlai tri mo shin wan tlan, kra tri maq namshiq kiimin Shiikeawe raq mishin wan.

Muklom

² Chammatakoi nim aa miq adak ma chamal eq khaphung inn, nim ma tho iri mal hun Shkewa khaphung na. Etho nim aa miq adak ma chamal eq tuk eq ko inn, nim ma tho iri mal hun Shkewa tuk eq kona.

Matthew 7:2 Referencias Cruzadas

2 SAMUEL 21:5

Tsuinghez rueq, “Sholu rueq Israel mungx baung wawc nuiyshiq phvnx kuex kvjungx muq laz juing thvy gay tvkoc kvmungx wvnc tueq.

Tvtsvmc 109:17

Piq rueq mvnhttonx kuex roc yaq, piq muinz mvnhttonx mrvhumc kueq! Piq rueq ruimruimc kuy kuex shuiuc pac yaq ningkhvnc nuex uraq muinz piq muex ruimx kuq muq mruez shueq!

DUNGWVNC 21:24

muik laung muik, wac laung wac, yauk laung yauk, yaz laung yaz,

ISAIA 33:1

Naungshiq ralx htenc kuex vphoc rvhumc yaq! Tsuingshiq kuex uraq muinz nyvlc khvt muq, tvmtuing wawc kv-phelc kaz muq rvhvt maq tsuingshiq rueq nyvlc khvt vtueq tvmtuing wawc kv-phelc kaz tueq. Yuq muinz nyvlc khvt muex tsuingshiq vkhing nuiyc tvmtuing kv-phelc wvnc vkhing htumx wvnc tuex, tsuingshiq shauk pumz maq nyvlc khvt vtueq nuiyc tvmtuing wawc kv-phelc wvnc rvhumc tuex.

JEREMIA 34:17

Kvkhoc rvtueq, mnoz rueq ngvy kvjaz tay phvnx muq; mnoz rueq Israel miqsaz vdvmz dvmz muex muinz dungc wvnc vkhangx kuq muq ngoz tueq ngaz, Yehowa rueq jungx vshaungx. Pinhtumc vhvlx, kvkhoc ningkhvnc nuex ralx rvlungc maq muinz, vmac vtsac maq muinz, khvmx vrvmc maq muinz vthueyc vsuimz rvwvnc yaq dungc wvnc vkhangx kuex ngaz rueq mnoz muex kuq phaungx. Ngaz rueq mnoz muex tvdung kuq phaungx kuilc daz jamjaux maq mungkawx wawc mungtan ruip rawx muex ngaz rueq tvhiz sungx shaungx rvtueq.

JEREMIA 51:24

Yehowa rueq, “Babelon mungx nuiyc kvwawc mungx miqsaz htenc kuex Yerusalem lex tsuingshiq rueq shuimx wvnc tueq layx vbac phvnx lotlaz tvkoc ngaz rueq phuiuq lvmz shaungx kuex nuimshiq rueq khiz shuinx.

Obadia 1:15

“Ngaz, Yehowa rueq miqphvnx htenc muex phoc kuy raung-nuiyq nyek wvnc yaq shex. Edom lex, mnoz rueq shuimx toq rulc rv-ngvlc mnoz rvhumc yek tuiux. Mnoz rueq kuq toq kvkhoc mnoz rueq tvyez lvp yek shuiux.

Matthew 6:14

“Nuimshiq kuex miq rueq nuimshiq muex vyaq gay mvrax htenc kuex dawc kuq gay ruiux yuq, raungmungx wawc nuimshiq Waz rueq nuimshiq mvrax kuex dawc kuq kv-phuinx.

Mark 4:24

Kvmaq raz tueq Yesu rueq, “Nuimshiq rueq tay wvnc tuit lvmx kuex vhvlx waq tay tvtsuingc shuinz! Nuimshiq rueq vganc jix muex phox kuq shuinz nuex shuimx shuinz tvrac rulc rv-ngvlc, nuimshiq muex phox kuq shuex nuex Tishox rueq shuimx shuex, yuq muinz kvruex htauk nuex jvnc vtueq tsanz tuex.

Luke 6:38

Miq muex tsvp tsvp kvp kvp kuq noalx wuez shuinz, kvkhoc ngoz ruiux jix Tishox rueq nuimshiq muex muinz tsvp tsvp kvp kvp kuq noalx kv-phuinx; tawx kvmaq buil vtueq mvrc laz lemlaz htvp kuq shuinz, nuimshiq muex muinz kvkhoc htvp kuq kv-phuinx. Yvmx khoc lac ngoz ruiux lec nuimshiq rueq htvp kuq tuit tawx kvmaq Tishox rueq nuimshiq muex htvp kuq yek kv-phuinx,” ngoz tueq jungx tueq.

2 Corinthians 9:6

Vlix raungluingx saz wuinc jix waz kuex raungluingx saz dvyx gvnz wvnc shuex, paunghvlc wuinc jix waz rueq paunghvlc gvnz wvnc shuex ngoz tueq kvjaz kuex tvtsuingc wvnc wuez shuinz.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

Revelation 18:6

Nuimshiq muex piq rueq guirguenz yaq kvkhoc piq muex muinz tvyez kuq shuinz; piq rueq ruez wvnc tueq lotlaz kvrulc rv-ngvlc htvp nueyc tvyez kuq shuinz. Nuimshiq tvkoc kok nuex vnuingc juing shot kuq kv-phuinx kvruex htauk nuex jvnc vtueq htvp nueyc piq muex shot kuq shuinz.

PHOWEBI 1:7

Adonibezek rueq, “Ngaz rueq hokhvmx waz rok mvshix kuex yashix yaukshix kuiux htenc jumz gay tauk, tsuinghez rueq ngvy humpanx khung wawc phuiuz bung svy bung htenc kuex tsenz vtueq saq wuez tueq. Majuiuc kuex tsuingshiq muex ngaz rueq guirguenz wvnc tauk ikhoc Tishox rueq ngaz muex ruez kuq vphuex,” ngoz tueq jungx tueq. Piq kuex Yerusalem ghaq nuex shvlc wvnc rvhumc vtueq kvruex yuq thueyc kaz tueq.

PHOWEBI 5:27

Piq yaz laungkuix nyenz wvnc vtueq, Jael yaz phaungx nuex rul wvnc tueq. Piq yaz phaungx nuex laungkuix nyenz wvnc vtueq rul wvnc tueq; piq kuex ghaq nuex rul kaz vtueq thueyc kaz tueq.

1 SAMUEL 15:33

Samuel rueq, “M-yaung muex vnyuiuz hez paunghvlc muex vsaz hez kuex tvsumx gay tueq ikhoc, majuiuc m-nyuiuz muex muinz vsaz tvsumx gay tueq nyuiuz muex tvyaungc shuex,” ngoz tueq jungx tueq. Piq rueq Gilgal wawc shomrawx khaungkac nuex Agag kuex tvhtaq tvruk jumz gay tueq.