Matthew 5:29 - ASII LAKDAP Bible (BSI)

²⁹ Arkha maq, ümmak mak tsi nü raq ümniika ngarai na tiidea kiiphaü jiila, ümmak po ka alatli riibaiq laq! Wiipumtam maq wamungtan na dea wan nam miika, makko ma miili jiimin, atra si wan riiwe ka ahea.

Hawa Naga Bible 2001

²⁹ Mmuik muikkeq kox kvraq mnoz muex tvyaq ruiux lec kvruex muik kuex vluc rvgay shuiuz, yvmx khoc lac ngoz ruiux lec wvpumz tuimx ngarvyx mungx nuex dvy wvnc ngoc mvnx m-gvnz ngvmx phushiz saz bac kay kuex tsemc ruiyc lanc rvtuex.

Muklom

²⁹ Nim aqhako miik eq ngarey tasom phin jo, iri miik ri lat eq bichak inn. Nim thaji hanphung ang eq walmungtan náng kat phey náng eq nim hanphung wang ashey shit aa sha aqhal.

Matthew 5:29 Referencias Cruzadas

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Matthew 11:6

Kechu jonghea jurwa ngi ma kamwan tsantsii ka tiijam mak maq siwan ruq siwan tlaq!”

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

Matthew 17:27

Shatmaq nashiq raq tsangshiq tsan tiibi wan ka romai. Kriikha maq ümniika thamchum kiina kilaüta ngiq ka pun kikiq. Pun pha shaqshaq pun tlaüti nübok ka riip laq. Kiijaq ngiq nübok na kampho sii ashi mihum haü. Kra kampho sii maq nanai la shomjam phunta kerii riikhaqli miraq. Kra lam wan laüta kuqwakiq.”

Matthew 19:12

Maiq raq achak lam mak maq siwan tlaq kriika maiqmii ma akhek phanshi ra rakai kha maq. Maiq wiijam ka anyung pukdong ashoq; kiimaq maiq wiijam ka maiqse raq ashoq atiija baiq; kiimaq maiq wiijam ka Ramungtan jaqsham wan miitu, maiq lam mak maq siwan tlo. Jurwa ara tri lamphan ara lang wan lot tlaq, kriiti raq milang laq.”

Matthew 23:15

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq maiq weshi ka namshiq Jehudi nok kamasham lamphan phung kiina tiishang wan miitu sammoktra jü jin lanta, kiimaq maiqmung pahea kiina khum lanta, trahoke khum tlan. Krai mren, maiq weshi kra tiishang han jiila, namshiq raq apaiq ka namshiq jamkhiiwa siwan tlan kiikha tiinamtok chongkuq lanta, mannai rii chamchao homa kra howan raüta wamungtan na kaiho miitu tiijethü tlan!”

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Matthew 5:30

Kiimaq ümjaq jaqtsi nü raq ümniika ngarai na tiidea kiiphaü jiila, ümjaq ka achum li riibaiq laq! Wiipumtam maq wamungtan na dea wan nam miika, jaqko ma miili jiimin, atra siwan riiwe ka ahea.”

Mark 8:36

Maiq ashi raq mangjong hiq tlotli ka lap raü jiimin, apaiq rilung ka tiimo baiq raü jiika, apaiq ma jamlai liip wa misi? Jamliip min ahü!

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

Romans 6:6

Kiimaq ümchaü sanha, nashiq raq asap i, nashiq khum wa ngarai rilung achü ka, Khristo rai adam na pumsongkham na atübaiq wan wishe. Raüta atsaikai kun she. Kriika nashiq han wa ngarai khum kra, shiithen baiq miitu tiiq baiq wanto. Krai mren, nashiq ka ngarai dise miika jawan raa mak she.

Romans 8:13

Ara jamkhano chong tiikang ngukla, namshiq rilung ka, han-ngam tiima tsantsii raq jamkho thaü tlaq, kra phanphan la shongnga han jiila, namshiq ka kamto mitsai han ngushat. Shatmaq, namshiq khum na ngarai jaqsham thun ümchuwa sitlaq kra, namshiq khum na Asii Wenyi sitlaq kra ningkun maq, wiita thumthum, tsatbaiq wan han jiila, namshiq ka atra misi han ngushat.

1 Corinthians 9:27

Ngi raq i han-ngam na jaqtham maq tiithong tiikang. Lata i han-ngam tiima tsantsii ka, jaqkhon mong na thü tiikang. Arka ngi raq nanok ma ara aju riilong na hea wan kang krai mren, poiki mang maq, atiisup na saüli juwan ruq chang miitu shiichaq tiikang

Galatians 5:24

Kiimaq ara chong tiikang arai mren, ümchaü sanha, juwa Khristo Jesuq riishe nguta sitlaq, kriiti riika, tsangshiq ngarai han-ngam rong arai nai tsangshiq ngarai han-ngam sükha ramho hon atsii tiima sitlaq kriika, wiita atsea baiq wishe.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.