Matthew 5:30 - ASII LAKDAP Bible (BSI)

³⁰ Kiimaq ümjaq jaqtsi nü raq ümniika ngarai na tiidea kiiphaü jiila, ümjaq ka achum li riibaiq laq! Wiipumtam maq wamungtan na dea wan nam miika, jaqko ma miili jiimin, atra siwan riiwe ka ahea.”

Hawa Naga Bible 2001

³⁰ M-yauk yaukkeq kox kvraq mnoz muex mvrax tvshuimc ruiux yuq kuex jumz vtueq tuip gay shuiuz! Mshauk pumz wvtaungx kuex ngarvyx mungx nuex dvy wvnc ngoc mvnx m-gvnz ngvmx phushiz saz bac kay kuex pinhtumc vhvlx rvtuex.

Muklom

³⁰ Nim jakqha shey ngarey tasom phin jo, eshi jak shi thaduk eq bichak inn. Nim thaji hanphung ang eq walmungtan kat phey náng eq nim hanphung ashey shit aa sha aqhal.”

Matthew 5:30 Referencias Cruzadas

Matthew 11:6

Kechu jonghea jurwa ngi ma kamwan tsantsii ka tiijam mak maq siwan ruq siwan tlaq!”

Matthew 13:21

Shatmaq bomtsi ka tsangshiq tsan mong na atsaü na shang mak dea. Kriikha maq alu ka kham mak. Krai mren, ümra akhing niiwa, Shiikeawe bomtsi kra miitu maitai chamchao she saü tlaq, kiimaq maiqse raq tsangshiq ka tiichamchao tlaq, kra akhing na tsangshiq raq kamtsantsii ka thaq baiq saq lishe, thaq baiqtlo.

Matthew 16:23

Kiijiishe Jesuq raq Petar pha nü na trosaq lii raüta Petar ka sonto, “I tho wa tiijin tlo laq Thawe! Ümniiraq ngi tiibanbi tlaü. Ümniiraq jamlai wa tiima tlaü kriika maiqse tiima, Shiikeawe raq tiima tlaq kra riimak.”

Matthew 17:27

Shatmaq nashiq raq tsangshiq tsan tiibi wan ka romai. Kriikha maq ümniika thamchum kiina kilaüta ngiq ka pun kikiq. Pun pha shaqshaq pun tlaüti nübok ka riip laq. Kiijaq ngiq nübok na kampho sii ashi mihum haü. Kra kampho sii maq nanai la shomjam phunta kerii riikhaqli miraq. Kra lam wan laüta kuqwakiq.”

Matthew 18:8

“Arkha maq, ümjaq lo ümhok lo raq, üm kamtsantsii kra tiijam kiiphaü la, achum li riibaiq laq! Hoknai wiita kiimaq jaqnai wiita maq wamungtan na dea wan nam ma khoti, hokko ma nai, jaqko ma li jiimin, pattup pat-sa rilung lap wan raüta siwan riiwe ka ahea miraq.

Matthew 22:13

Kiijiishe hokham we raq, ‘Arwe ara ahok ajaq ka wiita raü maq kha lanta kinphai na ranyaq nyang mong na hitthü baiqki rong- kiq. Kiijaq apaiq ka aho asii, arong awi kra tiichit wa liishetiq mihoq phaq wan laq!’” nguta ajaqshamtibi ka thaüto.

Matthew 25:20

Ajaqshi se kampho hingbiingi kuqthütiiti we ka atijong we phana wa raüta, ‘Tijong we ümniiraq ngi ma hingbiingi kuq thü laü irwa, ngi raq hingbiingi hali tliip nong kang,’ nguta atijong we ma kampho ka amak apha adam na kuqto.

Matthew 26:31

Tsangshiq ka Olip Pero Hiqlam kiiniishe saüwa raüta, Jesuq raq tsangshiq ma chongto, “Athi rawa li namshiq tarü raq ngi ka tiishaü baiqthü lanta pongpin riipin mipin han. Ara jamkhano chongtiikang ngukla, Asii bomtsi na, ‘Shiikeawe raq sku rümti we ka mitsat. Kiimaq skuse kong ka wiita mitiipin baiq,’ nguta chongtlo.

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Matthew 5:29

Arkha maq, ümmak mak tsi nü raq ümniika ngarai na tiidea kiiphaü jiila, ümmak po ka alatli riibaiq laq! Wiipumtam maq wamungtan na dea wan nam miika, makko ma miili jiimin, atra si wan riiwe ka ahea.

Mark 9:43

Riita, ara chongtiikai arai mren, ümjaq jaqko raq ümkam tsantsii kra tiichhan baiq kiiphaü la, atap khoti riibaiq laq! Jaqnai wiita maq, wamungtan na pattup pat-sa matki mak phan wa na khiim wan nam miika, jaqko miili jiimin, ramungtan na atra siwan riiwe ka ahea.

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

Luke 17:2

Apaiq raq ara nyungwe nosere phong arwa, ashi ra ka ngarai thiikho na tiithap baiq nam miika, apaiq riiwe kra khoti, adangkong na longkaü jonghea ashi paq kuq raüta, sammoktra chum mong na tiidea baiq riiwe khoti ahea lin miraq.

Romans 9:33

Tsangshiq tiithap rai wantaq longkaü miitu ka, Asii bomtsi na Shiikeawe raq akha chongkuq wantaq ara phan phan tiithap rai wan tlo: “Liirong laq, ngi raq Jajon hiq na longkaü ashi tiibum tiikang. Ara longkaü na maiq mitiithap wan. Ara longkaü ajong arjaq tiitaü rai wan raüta, tsangshiq ka akii ashii miishe mija wan. Shatmaq, jurwa apaiq ma kamtlaq, kriiti miika apaiq raq jea tiingaü mak she miraq.”

1 Corinthians 8:13

Riita akha ara ningkhan, ngi raq jamlai wa phaqsiq tiikang, kra lümaq i phu i no ka ngarai na tiidea tiikang jiila, i phu i no ngarai na tiidea baiq mang chang miitu, ngi raq sumla noq ma akuq ngam ka phaqsiq mang she amiim mirbaiq ha.

Galatians 5:11

I phu i notiim lei, ümchaü ngi raq namshiq ma chongke chang bomtsi ka arli she sitlo: Ngi riika, ümchaü niitaq, athohan tri ka lang raa dongdii nguta, nokwe ma traho kuq tiikang jiika, nanok raq ngi arka, jamlai khano ngengseng tla? Riita, tsangshiq raq ngi ma ara huknyan wan tlaq ara ngohea dea jiika, ngi raq Jesuq Khristo pumsongkham na tsaito nguta tra hokuq tiikang kra tai raüta, nanok raq ngi ka ngeng mak chang she kata.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.