Matthew 5:29 - Muklom

²⁹ Nim aqhako miik eq ngarey tasom phin jo, iri miik ri lat eq bichak inn. Nim thaji hanphung ang eq walmungtan náng kat phey náng eq nim hanphung wang ashey shit aa sha aqhal.

ASII LAKDAP Bible (BSI)

²⁹ Arkha maq, ümmak mak tsi nü raq ümniika ngarai na tiidea kiiphaü jiila, ümmak po ka alatli riibaiq laq! Wiipumtam maq wamungtan na dea wan nam miika, makko ma miili jiimin, atra si wan riiwe ka ahea.

Hawa Naga Bible 2001

²⁹ Mmuik muikkeq kox kvraq mnoz muex tvyaq ruiux lec kvruex muik kuex vluc rvgay shuiuz, yvmx khoc lac ngoz ruiux lec wvpumz tuimx ngarvyx mungx nuex dvy wvnc ngoc mvnx m-gvnz ngvmx phushiz saz bac kay kuex tsemc ruiyc lanc rvtuex.

Matthew 5:29 Referencias Cruzadas

Matthew 10:28

Nim hanphung sha tathom eq chak ajo tho nim tsija sha jin tathom moq tey tangma nim nak cho inn; etharin Shkewa ma cho inn. Piq aa nim hanphung nia tsija thani sha wal mungtan o jin tathom eq na.

Matthew 11:6

Nga nàn phamong miqtang sha sunmaan.”

Matthew 16:26

Nim aa thaji mingkang sha kap inn jo tho, nim rollung sha simrum ang ajo, nim aa chamlang kap nin? Nim tsija tha chamlang eq thalik nin?

Matthew 17:27

Etharin ning tin na jashit ang moq rangma, nang aa shitim náng ngaqthan ka u. Jakho kapthan u eshi ngaqsa shi lo u. Unung sha kak ujo, nang aa ashey nginsa kap nu. Eshi som eq hiqtang rangma phunta ko u.”

Matthew 19:12

Chammatakoi, chamtey ukhi wang hun ning hanphung na hun akum ang tungkang o jin tharik moq! Chamtey miqtang aa ning hanphung sho adak miq eq tashit tungkang o, jin tharik moq! Etho chamtey tey eq Rangmungtan rangma tharik moq angma tal aa. Utang eq iri raaq raa jin som eq aa, som inn!”

Matthew 23:15

“Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miq ashey jiphantey náng thanop ma chamtan jungshi sho etho chamtan haq sho ling qhing inn, etharin nim relnáng sey ka pha jo, piq tha nim phey náng eq ahan walmungtan náng takat inn.”

Matthew 23:33

Nim pu tang etho pu susa tang! Nim walmungtan tsamnang shiwang chammal jin lun nin?

Matthew 5:22

Etharin nga nim ma bat phang, utang eq tho upho ni no ma kha ajo, piq aa khaphung kapna. Utang eq tho upho ni no ma ‘miqthom’ ta raaq ajo, rong miq jakho náng sol katna. Utang eq upho ni no ma manthun raaq ko ajo, piq sha wal mungtan náng thum chak na.

Matthew 5:30

Nim jakqha shey ngarey tasom phin jo, eshi jak shi thaduk eq bichak inn. Nim thaji hanphung ang eq walmungtan kat phey náng eq nim hanphung ashey shit aa sha aqhal.”

Mark 8:36

Ashey miq eq iri mingkang thaji kap eq tho piq ni piq rollung tathom ajo piq aa chamlang kapna? Chamtho kap moq!

Luke 12:5

Nga takhi phanáng nim utang ma cho ching sha: Shkewa ma cho inn, piq sha tatik jio walmungtan náng bichakma tarong atha. Nga ri hanphin, nim sha piq rima hun cho ching!

Romans 6:6

Hiqtang aking ngarey hanphung sha Khristo jamoq bólq o botchak ta ta hiqtang usam eq i, irimal ang eq hiqtang rollung na ngarey tarong màngti ta etho hiqtang ngarey qha ang eq wey tong mi sey angni.

Romans 8:13

Chammatakoi nim hanngam raaq tat eq tong inn jo utik ang nin; etharin Tsija wang hanphung ngarey jaksom sha tatik inn jo nim atharang tong nin.

1 Corinthians 9:27

Nga ni nga ihanpung sha wat eq taqhal ang, etha ang ajo nga adak miqtang ma phanchan jio nga ni nga kongpha kap moq tey mal ang náng.

Galatians 5:24

Bara Khristo Jesu jamtey, ning aa mingkang hanngam tha ning ngikjuk tang nia hanngam tinuk tang jamoq o bólq na botchak ta.

Colossians 3:5

Eshirangma nim ni nim hanphung wang eshi tang shi tikwat chak inn, bara mingkang ràng: sathuk, anan, sathuk tinthin, jashit tinthin etho ngikjuk tang bara shila shumnuk tan rol.