Matthew 26:41 - ASII LAKDAP Bible (BSI)

⁴¹ “Namtsam ka honkamshat nai achu jaüshat maq kherong liijo. Maitai ma tiitang jiiq. Tsan mong niika achu jaüro. Shatmaq ngarai han-ngam riika tang mak.”

Hawa Naga Bible 2001

⁴¹ Mvyx tvy yaq kvyuq httuiuc kaz muit tvkoc honc lvmz hvt maq vjux thoz wuez shuinz, siyac kuex hungc vlaungc httax yaq, yuq muinz gvnngvmx hungc vlaungc nulx kaz,” ngoz tueq.

Muklom

⁴¹ Athing eq tong inn, etho nim tari o qhat moq angma ban eq romtam chu inn. Nim tsija tha kacha chol, etharin hanphung sha anung.”

Matthew 26:41 Referencias Cruzadas

Tvtsvmc 119:1

Peohea juwa ashut aphit ahü maq singatlaq, juwa Tati thungtri wokhong na sitlaq.

Tvtsvmc 119:115

Ngi tho wa namshiq tiibintlo ronglaq, namshiq ngarai maiqsekong, ngi ka i Shiikeawe aming thun milangha.

Tvtsvmc 119:117

Ngi ka ümjaq maq kamshat thülaq, raüla ngi ka hansang misiha, raüla ngi raq wranaiqshe ümnaq aming thun ka tsapkapkap misidiha.

Tvtsvmc 119:32

Ngi raq ümnaq aming thun ka tsanchhii wokchhii milang wanha, jamto ngukla ümniiraq ngi ma apa saptsin wan miitu phaqchi mikuqhaü.

Matthew 24:42

“Ara chongtiikang arkha maq, namshiq ka pinthum honkam shatmaq shongnga ronglaq. Ara jamkhano chongtiikang ngukla namshiq raq Tatiwe saükai ranaiq akhing ka sap man.

Matthew 25:13

Raüta Jesuq raq abom chong ka akha shatto, “Arkha maq, namshiq ka honlam shatmaq sironglaq. Ara jamkhano chongtiikang ngukla Maiq Se ka ranaiq niisha rawa niiwa saüki tlaq riila, kriika namshiq raq sap man.

Matthew 26:38

Kiimaq apaiq raq tsangtsam ma, “I tsan na chapa tsi arka heng biti hengtlo. Ngi ara tsaija chhunja she pat wanto. Namtsam ka arjaq nga lanta ngi rai achu jaü lam maq kheshat ngali rong laq,” nguta chongkuqto.

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Mark 14:38

Kiimaq apaiq raq tsangtsam ma, “Achu jaü shiichaq rong laq. Maitai kho na dea jiiq. Namshiq wenyi riika achu jaüro, shatmaq han-ngam raq tang mak,” nguta chongkuqto.

Luke 11:4

Naishiq ngarai thun ka diikuq laq, Naishiq ma ashut kloti mra kiimin, naishiq raq diikuqtiikai. Kiimaq naishiq ma maitai jonghea naq tiisaüki.’ ”

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Luke 22:40

Apaiq ka kra hiq ba kiina saüwa raüta, apaiq raq tsangshiq ma chongto, “Namshiq ka maitai thiikho na dea wan man chang miitu, achu jaü rong laq.”

Luke 22:46

Kiijiishe, apaiq raq tsangshiq ma chongto, “Namshiq ka jamto konrai holan? Tiido ronglaq. Lanta, namshiq ka maitai thiikho na dea man chang miitu, achü jaü ronglaq.”

Luke 8:13

Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

1 Corinthians 10:13

Namshiq raq ümchuwa phanrap maitai akhing lea wan tlan kriika, nanok wiitarü ma saü wan tlo sii. Shatmaq Shiikeawe raq apaiq kiqkham ka riikhaqli maq thü wan tlo. Kiimaq apaiq raq namshiq ma namshiq raq nin wan lot man chang maitai ka tiisaü wan mak miraq. Ümra akhing niiwa namshiq ma maitai saü tlaq, kra akhing na, apaiq raq namshiq ma anin wan ningkun mikuq. Kiimaq krai mren, kra maitai wa mong wa dong wan chang lamlu kiimin atiichhi mirkuq.

1 Corinthians 16:13

Tsii lam shatmaq si rong laq. Kamasham na pharangrang maq si ronglaq. Kamasham srea ma jaronglaq. Nola ma jaronglaq.

1 Corinthians 9:27

Ngi raq i han-ngam na jaqtham maq tiithong tiikang. Lata i han-ngam tiima tsantsii ka, jaqkhon mong na thü tiikang. Arka ngi raq nanok ma ara aju riilong na hea wan kang krai mren, poiki mang maq, atiisup na saüli juwan ruq chang miitu shiichaq tiikang

Galatians 5:24

Kiimaq ara chong tiikang arai mren, ümchaü sanha, juwa Khristo Jesuq riishe nguta sitlaq, kriiti riika, tsangshiq ngarai han-ngam rong arai nai tsangshiq ngarai han-ngam sükha ramho hon atsii tiima sitlaq kriika, wiita atsea baiq wishe.

Ephesians 6:18

Riita ara chongtiikai thun arka, achu jaü lantli sham ronglaq. Shiikeawe raq mikhrum kuq. Asii Wenyi raq shunshea tlaq kra phanphan, jaqsham aweatek na, achu jaü lanta sham ronglaq. Arningkhan, honkam shat maq sirong laq. Ümtiikiimin naq thaq rongkiq. Wranaiqshe Shiikeawe sengi miitu achu jaüshat maq sirong laq.

1 Peter 4:7

Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 3:10

Riita, namshiq raq chamchao ranaiq min, ngi raq achongkuq wan aming ka nungpaq man maq lang wan lan, krai mren, ngi riimin namshiq ka, ara mangjong maiqse ma maitai chamchao jonghea saüho tlaq kiiwa, khup wong kuqshat maq mirüm ha.