Matthew 26:41 - Hawa Naga Bible 2001

⁴¹ Mvyx tvy yaq kvyuq httuiuc kaz muit tvkoc honc lvmz hvt maq vjux thoz wuez shuinz, siyac kuex hungc vlaungc httax yaq, yuq muinz gvnngvmx hungc vlaungc nulx kaz,” ngoz tueq.

ASII LAKDAP Bible (BSI)

⁴¹ “Namtsam ka honkamshat nai achu jaüshat maq kherong liijo. Maitai ma tiitang jiiq. Tsan mong niika achu jaüro. Shatmaq ngarai han-ngam riika tang mak.”

Muklom

⁴¹ Athing eq tong inn, etho nim tari o qhat moq angma ban eq romtam chu inn. Nim tsija tha kacha chol, etharin hanphung sha anung.”

Matthew 26:41 Referencias Cruzadas

Tvtsvmc 119:1

Yehowa tvrac rulc rv-ngvlc, mvrax kop muq maq rullungx tvraungx httaz jix htenc kuex thuinhvlx yaq.

Tvtsvmc 119:115

Mvrax kop miqsaz htenc lex, ngvy kox wawc kaz wvnc kuinz. Ngvy Tishox rueq nvrc bomc htenc kuex ngaz rueq phvnx shaungx.

Tvtsvmc 119:117

Ngaz kuex shuimx taq koq, ngoz ruiux ngaz kvwungx httax taungx, kvkaq mnoz rueq nvrc bomc htenc kuex mkaq muinz ngaz rueq tay vshaungx.

Tvtsvmc 119:32

Mnoz rueq ngaz muex vtuiuz vtay lvmz kuex jvnc vtueq kuq phux ningkhvnc nuex, mnoz rueq nvrc bomc htenc kuex raungc raq thuinz maq ngaz rueq tay phvnx shaungx.

Matthew 24:42

“Kvkhoc rvtueq honc lvmz hvt maq bvmc wuez shuinz, nuimshiq Taungjix waz kuex mruex kaq wuez httuiuc kaz yaq nguinx nuimshiq rueq tuiuz muit.

Matthew 25:13

Kvkhoc rvtueq Yesu rueq, “Vraungx nuiyq nuiyc vkhing kuex nuimshiq rueq tuiuz muit ningkhvnc nuex honc lvmz hvt maq httax kuinz, ngoz tueq tvsuip tueq.

Matthew 26:38

vpiq rueq tsuinghez muex ngoc, “Ngvy thuinz vmungx kuex thueyc khvmkhvmz yonzyec rvhumc vtaungx. Ngaz rulc roc nuex honc lvmz hvt maq vyuq bvmc laz shuinz,” ngoz tueq.

Matthew 6:13

Vlauc vlawc rvyaq kvyuq nuiyshiq kuex nauk tvkaz vkueq, Honc bac waz kox wawc palc wvnc koq.’

Mark 14:38

Kvmaq vpiq rueq, “Mvyx tvy yaq kvyuq nyuip wvnc muit tvkoc honc lvmz hvt maq vjux thoz shuinz. Siyac thuinz kuex lomx yaq, yuq muinz gvnngvmx kuex nulx kaz,” ngoz tueq jungx tueq.

Luke 11:4

Nuiyshiq muex yaq kuq phuex mvrax htenc nuiyshiq rueq dawc kuq gay vshix ikhoc nuiyshiq mvrax muinz dawc kuq koq. Tvshonx bawx rvyaq baung nuex nuiyshiq kuex nauk tvkaz vkueq,’” ngoz tueq jungx kuq tueq.

Luke 21:36

Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.

Luke 22:40

Kvruex yuq httuiuc waung tueq nuex, vpiq rueq tsuingshiq muex, “Nuimshiq kuex mvyx tvy yaq kvyuq lomx muit mruez kueq vjux thoz wuez shuinz,” ngoz tueq jungx tueq.

Luke 22:46

Vpiq rueq, “Yvmx ngoz tueq lac kvtsoalx kaz wuez tuinx? Kvtenc kuinz, mvyx tvy yaq kvyuq lomx muit tvkoc vjux thoz wuez shuinz,” ngoz tueq jungx tueq.

Luke 8:13

Lung ghaq htauk nuex vdvy vlix htenc kuex bomjungc kuex tay vtueq vkoz vkez thuinz lvp wvnc jix ngoc rvtueq. Yuq muinz tsuingshiq nuex vruingx waungc muq ningkhvnc nuex hvlwvl shiz saz dvyx kvmluimx ruiux, taruiyx rvhumc vkhing nuex tsuingshiq kuex thuinz kvlayc wvnc yek jix ngoc rvtueq.

Romans 8:3

Miqsaz gvnngvmx hungc vnulx ningkhvnc nuex, Tvrac rueq shuimx kuq lot muq khac kuex Tishox rueq shuimx kuq yaq. Vpiq rueq miqsaz gvnngvmx nuex thuiuzthuic tvraungx kvmoay shay yaq mvrax tvrac kuex phoc gay tvkoc vpiq Saz kuex mungkawx nuex tvkaz tueq, Vsaz rueq mvrax kuex tvbac gay tvkoc miqsaz gvnngvmx muex yaungx kaz tueq.

1 Corinthians 10:13

Nuimshiq rvhumc vtuinx tvshonx bawx taruiyx yaq htenc kuex miq ruip rawx rvhumc yaq phvnx dvyx rvtueq. Yuq muinz Tishox kuex bomkhvmc tvy jix Taungjix ningkhvnc nuex, nuimshiq miqmac rueq nanx lot shuinx htauk kvyuq lvy vtueq tvshonx bawx taruiyx yaq kuex tvrvhumc kv-phuinx rvmuq. Tvshonx bawx taruiyx rvhumc vtuinx baunglaung nanx lot juing hungc vlaungc kuq vtueq, kvruex tvshonx bawx yaq kvwawc dungc wvnc tvkoc lvmx daz kuq kv-phuinx.

1 Corinthians 16:13

Honc lvmz hvt rvshuinz, nuimshiq kvmluimx lvmx nuex phaungx duingduing jvp wuez kuinz, khvmc thuinz httax wuez kuinz, hungc vlaungc httax wuez kuinz.

1 Corinthians 9:27

Ngaz rueq miq vganc kuex rvlongx moalx nuex nyuip tvkoc gvlc lot yix, miqmac shauk pumz kuex tvyc rvyc muq rvtueq tvdux gay rvhumc muq mruez kueq, ngvy shauk pumz kuex rax yaq rulc rv-ngvlc shuimc lvmc tvkoc tsandez maq tv-phaungx vshaungx.

Galatians 5:24

Christu Yesu nuex seng yaq jix htenc kuex miqmac gvnngvmx thuinz kvraq raungc raq yaq htenc kuex yauk juinc bulx nuex but gay wuez tueq shex.

Ephesians 6:18

Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.

1 Peter 4:7

Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.

1 Peter 5:8

Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

Revelation 16:15

“Tay shuinz! Ngaz kuex vguiuq ikhoc httuiuc kaz taungx! Kvkhoc rvtueq sawkumx maq khuemshamx vtueq, miq htumc nuex yvlc svy rvhumc muq mruez kueq, kvtsaq hvt maq miqmac khoz vkhvy bvmc jix waz kuex thuinhvlx yaq.”

Revelation 3:10

Yvmx khoc lac ngoz ruiux lec mnoz kuex ngaz rueq nvr phaungx rulc rv-ngvlc thuinz tvluz vtueq nanx wvnc lvmz bomjungc mnoz rueq phvnx vshuiux ningkhvnc nuex, ghaq htauk nuex httax yaq miqsaz lotlaz kuex taruiyx lawc tvkoc mungkawx nuex nyvmc laz kuilc daz jamjaux httuiuc wvnc tuex vkhing nuex ngaz rueq mnoz kuex tvkhup wungx kuq phaungx.