Matthew 26:42 - ASII LAKDAP Bible (BSI)

⁴² Kiimahali Jesuq ka thongshi ri hali kiho nongto. Raüta akha achu jaüto, “I We le, ara chamchao kok arka i khum wa lambaiq wan maimak, ngi raq nyang chang dongdii she rakitaq jiika, ümniiraq jamkho tiima tlaü, kra thaq na seng laütli tiihong laq.”

Hawa Naga Bible 2001

⁴² Yesu kuex lauk shiz hulawx vjux thoz kaz yek tueq, “Iwaz lex, vruex kuilc daz kok kuex ngaz rueq nuingx mauk maq, ngvy htauk wawc tvlvy gay lvp ruiux kuex mthuinz roc m-yaungx wvnc kueq,” ngoz tueq vjux thoz tueq.

Muklom

⁴² Jesu wey ka eq romtam chuta, “Iwa, nga ling hunga iri tsamnang kok raa jin tahel moq ang ajo, ba tinthin shimal cham ang aa.”

Matthew 26:42 Referencias Cruzadas

Matthew 20:22

Kiijiishe, “Namnai raq jamlai wa jaü tlan kra sap man. Ngi raq nyang chang chamchao kok kra, namnai raq minyang wan lot han sha?” nguta Jesuq raq ase nai kiima waito. “Nainai raq minyang wanlot hai,” nguta tsangnai raq treto.

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 26:43

Kiimahali apaiq ka achu jaülot nong raüta, ajaqshisetiim wetsam phana hali jang wan nongto. Shatmaq tsangtsam ka akon makaiq hali chhiwa nongto. Tsangtsam ka lam raq hali bok wan nongto.

Matthew 6:10

ümmungtan kli misaülaq; Ramungtan na ümniiraq athithi shamtlaq kiikha mangjong hiq niimin mishamlaq.

Mark 14:36

Apaiq raq akha achu jaüto, “I we, i we le! Ümniiriika phanrap milot haü siisaq. Mai tlaq jiika, ngi raq nyang chang, ara chamchao kok arka, alam riibaiq laq. Shatmaq, kiitiina, ngi raq thapthi wantiikang kra phan phan ka riimak. Shatmaq ümniiraq jamkho thapthi tlaü kra phan phan tiihong laq.”

Luke 22:42

“I We le, ümniiraq thapthi tlaü kiijaq hong tlaq jiila, ara chamchao kok arka, i dü wa alam riibaiq laq. Shatmaq kriika, ngi tiima khu na riimak. Ümnaq tiima khu na mihong laq.”

John 6:38

Ara jamkhano chongtiikang ngukla, ngi ka ramungtan maq mangjong hiq na satkikang arka, i tsiitsii maq jaqsham kai akiha ka riimak. Shatmaq, ngi tiikaiti we Shiikeawe raq jamlai wa thapthi tlaq, kra shamkai kikang.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.