Matthew 24:5 - ASII LAKDAP Bible (BSI)

⁵ Maiq pahea raq ngi mang chong raüta namshiq phana misaü wan. Raüta tsangshiq raq, ‘Ngi ahata Messia!’ nguta misaü wan. Raüta tsangshiq raq maiq pahea ka lamjiq nü na mishon ronho.

Hawa Naga Bible 2001

⁵ Miq paunghvlc ngvy muingc maq dung vtueq, ‘Ngaz kuex Mesia rvtauk!’ ngoz tueq miq paunghvlc muex lvmx tvyaq shuex.

Muklom

⁵ Chammatakoi i miing o alik tang daqhan ka phana etho ning aa batna, ‘Nga Khristo tha.’ Etho ning aa miq daqhan dipkup na.

Matthew 24:5 Referencias Cruzadas

JEREMIA 14:14

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

JEREMIA 23:21

Tatiwe raq nguto, “Ngi raq ara shammibi thun arka bom tiichongkai tiiki mang dea. Shatmaq tsangshiq ka kihoto. Ngi raq tsangshiq ma jamlai tsütsa min kuq mangdea. Shatmaq tsangshiq raq imang shaphaq raüta traho kuq wanto.

JEREMIA 23:25

Ngi raq shammibi imang shaphaq raüta arot akiq bomchongti, ngi raq chongkuq mang taü miinin chongkuqto nguta bom chongketi, kiimaq ngi raq tsangshiq ma tsütsa ka rawa ma maq tiichhikuq mang wiimin tiichhi kuqto nguta chongtibi thun ka wiita asap-ha siisaq.

JEREMIA 37:9

Ngi, Tatiwe raq ümniima honlam tsii chongkuq tiikang. Namshiq ka Bebilon mungti phenlabi ka jangki nong mak she miraq nguta tiima lanta, maiqmii nai maiqmii ka naq tlao phaq rongkiq. Jamkhano ngukla, tsangshiq ka ajang mirki nong.

Matthew 24:11

Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

John 5:43

Ngi ka i We aming maq namshiq phana saükikang. Shatmaq, namshiq raq ngi ka tao man. Shatmaq, ümtiikiiwa maiq weshi ra ka, maiqmii arang maq namshiq phana saüki raüla, kriiti ka namshiq raq mitao han.

John 8:24

Ara chong tiikang arningkhan tiina, namshiq ka namshiq maiqmii ngarai kho na dea lantli mitsai han nguta chongkuq tiipha ara. Namshiq raq ngi ka, ‘Ngi Santla Ngi,’ nguta tiichong tlaq we kriidea nguta kam man wiiwii, namshiq ka maiqmii ngarai mong niili mitsai han.”

John 8:28

Kriikha miishe, apaiq riili tsangshiq ma bomtsi ka akha tru chongkuq nongto, “Namshiq raq ümtiikiiwa, Maiq Se ka pumsongkham na mitübaiq han, kra ranaiqtiq namshiq raq ngi arka, ‘Ngi Santla Ngi,’ ngutliiwe kriidea ngutiishe misap han. Kra akhing niitiq ümchaü ngi raq namshiq ma ümchuwa jaqsham kuq tiikang arka, i tsiitsii maq asham ha riimak, shatmaq i We aming maq siisaq li dea sham tiikang nguta mitak han.

1 John 2:18

I setiim lei, phangthum akhing ka saü wanto she! Phangthum wan akhing niika Khristo ma Wesang We kaü kriishe misaüho nguta namshiq ma man niiphü chongke wan je she riito. Krai mren, ümchaü Khristo ma wesang ralii were pahea she dongrai wan tlo chhi tiikai. Riita ara chhi tiikai arai mren, nashiq raq phangthum wan akhing ka saü wanto she dea nguta sap tiikai.

1 John 2:22

Riita, ikhiijiika juwa arot we ka? Jurwa Jesuq ka han-ngam na pokitaq kriika, Messia riimak nguta bom ka akhii riitlaq, kriiti ka arot we. Jurwa akha bomtlaq, kriiti ka Jesuq ma Wesang. Apaiq raq Awe Shiikeawe kiimaq Ase Shiikeawe kra riikhaqli Shiikeawe dea nguta lang mak.

1 John 4:3

Shatmaq jurwa, Jesuq Khristo ka maiqse han-ngam na poki mak dea, nguta khü tlaq, kriiti khum na sitlaq winji ka, Shiikeawe raq akuq Asii Wenyi ka riimak. Kriika Khristo ma Wesang We raq akuq winji. Riita akhnok winji ka misaüho nguta namshiq raq kongkhu ji miiphü tai wan lan ihata. Kriika ümchaü she mangjong hiq na dong wanto chhi tiikai.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.