Matthew 24:5 - Hawa Naga Bible 2001

⁵ Miq paunghvlc ngvy muingc maq dung vtueq, ‘Ngaz kuex Mesia rvtauk!’ ngoz tueq miq paunghvlc muex lvmx tvyaq shuex.

ASII LAKDAP Bible (BSI)

⁵ Maiq pahea raq ngi mang chong raüta namshiq phana misaü wan. Raüta tsangshiq raq, ‘Ngi ahata Messia!’ nguta misaü wan. Raüta tsangshiq raq maiq pahea ka lamjiq nü na mishon ronho.

Muklom

⁵ Chammatakoi i miing o alik tang daqhan ka phana etho ning aa batna, ‘Nga Khristo tha.’ Etho ning aa miq daqhan dipkup na.

Matthew 24:5 Referencias Cruzadas

JEREMIA 14:14

Yuq muinz Yehowa rueq tvralc tueq, “Kvruex shvmmax bix kuex ngvy muingc maq vrot vkaq jungx yaq; ngaz rueq tsuinghez kuex tvkaz mauk doc, tsuinghez muex yvmx muinz nvr mauk doc, kvjaz poshiz muinz jungx mauk doc. Tsuinghez rueq jungx yaq romzyac tvkhic bomc kuex ngvy kox wawc rvmuq, tsuinghez rueq tvluz nuex jungx yaq luingx lawc lvmz kuex tsuinghez thuinz maq tak yaq khuec guez lvmx dvyx rvtueq.

JEREMIA 23:21

Yehowa rueq, “Vruex shvmmax bix kuex ngaz rueq tvkaz mauk doc, yuq muinz tsuinghez kaz wvnc tueq. Ngaz rueq tsuinghez muex yvmx bomjungc muinz jungx mauk doc, yuq muinz tsuinghez ngvy muingc maq jungphvnx ruq dvyx.

JEREMIA 23:25

Ngvy muingc jungx vtueq vrot vkaq kvjaz jungphvnc nuiyc tsuingshiq maung nuex tsuingshiq muex ngaz rueq ngvy bomjungc kuq tauk ngoz tueq jungphvnx yaq, kvruex shvmmax bix kvjaz kuex ngaz rueq tuiuz yaq.

JEREMIA 37:9

Ngaz, Yehowa rueq Babelon miqsaz yek muq shex ngoz tueq nuimshiq rueq tvmaung vtueq nuimshiq kuex nauk kvlauc lawc kaz, honc tvsvmz kuq vphaungx, yvmx khoc lac ngoz ruiux lec tsuingshiq kuex yek kaz yek yaq.

Matthew 24:11

Vrot vkaq shvmmax paunghvlc dung vtueq miq paunghvlc muex lvmx tvmawc shuex.

Matthew 24:24

Yvmx khoc lac ngoz ruiux lec vrot vkaq Mesia nuiyc vrot vkaq shvmmax bix dung wvnc tuex; Tishox rueq thvlc tvy yoalx jix doc muinz laulawc lot ruiux laulawc gay tvkoc vwangc juing romzyac htenc nuiyc vkawc yawc juing htenc kuex tvkhic kuq wuez shuex.

John 5:43

Ngaz kuex Iwaz vrangx vpangx maq httuiuc kaz phaungx muinz nuimshiq rueq ngaz lvp wvnc muit, vganc jix miq washiz shiz kuex piq vrangx vpangx maq httuiuc kaz ruiux yuq nuimshiq rueq piq kuex lvp wvnc shuinx.

John 8:24

Kvkhoc rvtueq nuimshiq kuex miqmac mvrax nuex thueyc tuinx ngoz tueq ngaz rueq jungx vphaungx, ‘Ngaz kuex ngaz ngoz vshaungx waz rvtauk,’ kuex nuimshiq kvmluimx muit ngoz ruiux yuq nuimshiq miqmac mvrax nuex dvyx thueyc tuinx,” ngoz tueq.

John 8:28

Kvkhoc rvtueq Yesu rueq, “Nuimshiq rueq Miq Saz vruex raungx nuex tsomz gay ruiux jix, ‘Ngaz kuex ngaz ngoz vshaungx waz rvtauk,’ kvmuinz, ngaz kuex ngvy vrangx vpangx maq yvmx muinz shuimx mauk, Iwaz rueq ngaz muex tvluing kuq yaq kvrulc rv-ngvlc dvyx jungx vshaungx lvmz kuex nuimshiq rueq tuiuz wvnc shuinx.

1 John 2:18

Isuiuz isaz tamx lex, vtvsuip pat kuex vnyek shex! Nuimshiq muex jungx shec tueq rulc rv-ngvlc, Christu muex ralx ngoz yaq waz kuex httuiuc wvnc yaq shex rvtueq; majuiuc doc muinz Christu muex ralx paunghvlc shex dung wvnc yaq khuec nuex, vtvsuip pat kuex vnyek shex lvmz naungshiq rueq tuiuz wuez vshix.

1 John 2:22

Yesu ngoc Mesia rvmuq ngoz tueq ngoc jix waz rvmuq ngoz ruiux kuex, vrot vkaq jix waz kuex ukhaq lac rvtvnx? Kvkhoc jix miq kuex Christu muex Ralx waz rvtueq, piq kuex Vwaz nuiyc Vsaz tvdux gay jix waz rvtueq.

1 John 4:3

Yuq muinz Yesu nuex seng vtueq kvjungc muq waz kuex Tishox kox wawc vkaz Siyac lvp jix waz rvmuq. Piq nuex httax yaq siyac kuex Christu muex Ralx yaungc jix rvtueq; Christu muex ralx yaungc jix siyac kuex vruex mungkawx vyuq httuiuc kaz yaq lvmx nuimshiq rueq tuiuz tay wvnc tuit shex, piq kuex majuiuc doc muinz vhttuiuc kay wuez shex.

Revelation 13:8

Vthvy gay rvhumc tueq Khelbuenx Saz rullungx luik dvp nuex, mungkawx max tvdung sung maq raz tueq muingc wuiyq lomx yoalx ghaq htauk wawc miqsaz lotlaz rueq svl vwvl kuex nawk palx wuez shuex.