Matthew 24:6 - ASII LAKDAP Bible (BSI)

⁶ Namshiq raq matdong tsadong reriikhat trang kra namshiq phai apha tho niili trang kongcha mitai han. Kiimaq pongbin wiiq na reriikhat wanto nguta tsütsa ka pahea mitai han. Shatmaq kra thun tsütsa kra tai lanta, namshiq ka naq chhang hang rongkiq. Arka Shiikeawe raq athi kun she. Shatmaq kra thun matdong tsadong mungbrak shaq tlaq kriika phangthum akhing mra pin ka riimak.

Hawa Naga Bible 2001

⁶ Nuimshiq rueq vnyek wawc muinz vluz wawc muinz ralx rvkhvt yaq thaungc kuex tay shuinx; yuq muinz nauk tvmaung kaz. Kvkhoc phvnx htenc kuex yaungx wvnc tuex; yuq muinz kvruex kuex vtvsuip vkhing max httuiuc shauk dvyx rvtueq.

Muklom

⁶ Nim aa arelna thamol hit ring rak tat nin etho alo wang thamol hit raaq kap tat nin. Eshi rangham o nak cho inn, chammatakoi eshitang sha ang hun angna. Etharin esha uthun saal ang moq angna.

Matthew 24:6 Referencias Cruzadas

Tvtsvmc 112:7

Apaiq ka abi tsütsa tai raümin haimak; Apaiq kamasham ka pharang rang, kiimaq apaiq ka Tati ma kamtlo.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 7:4

Apaiq ma hon lamshat maq silaq. Laüta ümniika tsan awok sanglili maq ngalaq. Kiimaq ahai ka naqhaikiq. Kiimaq naq chhang hangkiq. Hokhamwe Rejin tsankhiq nai asengi Siria phenlabi kiimaq Hokhamwe Peka tsankhiq ka chinkiisenai wathiq amat wan ma khukraitlaq ikha jamhaisong chang min ahü.

JEREMIA 47:6

Namshiq hoq trangtlan, ‘Tatiwe nepja! Ümtincho na saüli wa maiq ka mijiipbaiq haü? Ümhiqmong niishe jap wa nongkiq, laüta kiijaq silaq kiimaq ümnii tiitsak ngalaq!’

EJEKIEL 21:28

“Maiqse lei, riisham bom maq tiithailaq. Ngi, Tati Rakaü Hiqwe raq jamlai bom wa chongtiikang ara Israilnok shummiiti Ammon mungti ma tiitai chongkuqlaq. Tsangshiq ma akha chonglaq: ‘Nepja ka atiithenbaiq ma khekham she; Kriika maiq jiipbaiq miitu chhainyii minto, rachhai ralüp wa ikha chhaitlo.

Matthew 2:3

Hokhamwe Herod raq kra tsütsa ka tai raüta apaiq ka pinthum chapato. Kiimaq apaiq rai Jerusalem na siti maiq tarü chapato.

Matthew 24:14

Kiimaq ara Mungtan Tsütsa Ahea arka mangjong hiq hamli niishe michong kuq. Krai mren maiqse angu wiita raq kamwan miitu ara tsütsa ahea ara mitiitai kuq wan. Kra lot jai shetiq, maiqpat thum wan akhing rahiq kriishe misaü wan.”

Matthew 26:54

Shatmaq Shiikeawe raq ngi tiichhii wan miitu rasetiim she tiiki raüka, Asii bomtsi na akha hong wa chang dongdii nguta achong thü bomtsi ka jamkhii she wa mishku wan?”

Luke 21:19

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Luke 21:9

Namshiq raq chiq are dong nai hokham riinya redong tsütsa ka tai han jiila, naqhai song rongkiq. Akha mung aman brak shaq wan, mra thun arka kongkhu na pin wan chang dongdii. Shatmaq, kra chhi lanta, phangthum wan miika ajeli she dea sham nguta tiima wan chang ka riimak.”

Luke 22:37

Ara jamkhano chongtiikang ngukla, ngi miitu Asii bomtsi na, ‘Apaiq riika thiimeaq dakubi kharü homa kra riisha howan damto,’ nguta chongtlo. Kra ngi miitu achong thü bomtsi kriika riikhaqli maq kuwan miitu, akhing she hong wato.”

John 14:1

“Namshiq ka naq chapa rongkiq, kiimaq naq tiimangchan rongkiq,” nguta Jesuq raq tsangshiq ma tsii chongkuqto. “Shiikeawe miili kam ronglaq. Kiimaq ngi miimin kam ronglaq.

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

2 Thessalonians 2:2

Tatiwe saükai akhing Ranaiq ka saü wato she lii, nguta maiq bom maiqsa paja kra tai lanta, namtsan namtsii ka, naq tiimrurang rongkiq. Maiqbom tai lanta, namtsan ka motiichhii jap min naq tiichhii jap rongkiq. Jursap, maiq ashi ra raq, arka naishiq raq riisham bom maq chongto nguta, lo naishiq raq trahoke lam maq chongto nguta, lo naishiq raq lak tiiho wan kai kiijaq waiqto nguta bom ka motiipa ja min miraq.

Revelation 6:4

Kiijiishe kumrang kaü ashi hali dongho nongto chhikang. Kra kaü ka ashii kaü riito. Kra kaü thaq na chaoti we miika mangjong hiq na re tiidongkai miitu arang kuqto. Krai mren, maiq nai maiq liipan niishe mitriijiip wan. Kiimaq apaiq ma nepja jonghea ashi kuqto chhikang.