Matthew 23:3 - ASII LAKDAP Bible (BSI)

³ Kriikha maq tsangshiq raq namshiq ma jamlai phan wa chongkuq tlaq kriika lang ronglaq. Shatmaq tsangshiq rong arai kriika namshiq raq naq phan rongkiq. Tsangshiq raq jamlai wa nokwe ma chongkuq tlaq kriika tsangshiq maiqmii riika lang mak.

Hawa Naga Bible 2001

³ Kvkhoc rvtueq nuimshiq muex tsuingshiq rueq jungphvnx tvluing kuq yaq phvnx ruip saz kuex phvnx wuez shuinz; yuq muinz tsuingshiq rueq shuimx kaz yaq layx kuex nauk phvnx kaz, yvmx khoc lac ngoz ruiux lec tsuingshiq rueq jungphvnx shuex kuex tsuingshiq rueq phvnx wuez muq.

Muklom

³ Ethirangma ning aa nim ma bara bat aa, eshi tat eq som inn. Etharin ning aa som aa thimal nak som inn, chammatakoi ning aa phanchan aa thimal som moq.

Matthew 23:3 Referencias Cruzadas

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

DUNGWVNC 18:23

Ümniiraq akha klo haüla, Shiikeawe raq aming kuqtlaq kra phan phan, ümniika atinkhan ka hun nü rai maü mirhaü. Kiimaq ara mungmaiqse thun kiimin maiqmii khü akha thun kra riipholot raütiishe maiqmii jam na miwa wan.”

Matthew 21:30

Kra jai maq, awe raq anoti we miimin kiikhiisii hali bom ka thaü nongto. ‘Shiilang we le mikikang,’ nguta awe bom ka treto. Shatmaq apaiq ka spiqtsi ro na jaqsham kai ka kimak dea.

Matthew 23:2

“Thungtri shrinketibi nai Phorisinok ka Mosheq Thungtri chongke miitu aming hoti.

Matthew 23:4

Tsangshiq raq nokwe ma alang chang tri hekiilai ka laihea tiihokuq tlo. Shatmaq tsangshiq maiqmii riika phanshi ra min tiichhii hokuq dam mak.

Acts 5:29

Kra tairaütiishe, Petar nai akongti kiimwebi raq bom ka akha treto, “Naishiq raq Shiikeawe aming tai chang. Maiqse aming ka riimak.

Romans 13:1

Maiqse angu tarü ka mungtubi wokhong na sichang. Shiikeawe raq arang kehü miika, juwe riimin mung thaq na wela jalot mak. Krai mren, ümchaü mung rümti hokhambi sitlaq kriika, Shiikeawe raq ashong wan.

TRI CHONGKE 4:5

“Tatiwe i Shiikeawe raq ngi ma chongkuqtaq kra phan phan, ngi raq namshiq ma thungtri raütu thun ka kunli shrin kuq kang she. Kriithun ka ümchaü namshiq raq khat wan lanta mung ka jii wantlan kiijaq lang lanta shong ronglaq.

TRI CHONGKE 5:27

Mosheq lei, ümniika kiina jangwa nongkiq. Laüta Tatiwe nashiq Shiikeawe raq jamlai wa chongtlaq kra wiita tiitsang taiwakiq. Laüta ana jangki nongkiq. Kiimaq apaiq raq ümniima jamlai bom wa chongtaq kra naishiq ma mitlü chongkuq haü. Naishiq raq mitaikai. Laita aming ka milangkai.’

2 Timothy 3:5

Tsangshiq ka rakhütsiri na Phungmaiqse nguta mitiingo. Shatmaq, tsangshiq rilung na, tsangshiq chap anga maq, tsangshiq kamasham ka hiqtili ikhli mitiija baiq. Ümniika akhnok maiq rai ümtiikiimin naq lom damkiq. Ümniika alu na hailaq.

Titus 1:16

Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.