Matthew 23:3 - Hawa Naga Bible 2001

³ Kvkhoc rvtueq nuimshiq muex tsuingshiq rueq jungphvnx tvluing kuq yaq phvnx ruip saz kuex phvnx wuez shuinz; yuq muinz tsuingshiq rueq shuimx kaz yaq layx kuex nauk phvnx kaz, yvmx khoc lac ngoz ruiux lec tsuingshiq rueq jungphvnx shuex kuex tsuingshiq rueq phvnx wuez muq.

ASII LAKDAP Bible (BSI)

³ Kriikha maq tsangshiq raq namshiq ma jamlai phan wa chongkuq tlaq kriika lang ronglaq. Shatmaq tsangshiq rong arai kriika namshiq raq naq phan rongkiq. Tsangshiq raq jamlai wa nokwe ma chongkuq tlaq kriika tsangshiq maiqmii riika lang mak.

Muklom

³ Ethirangma ning aa nim ma bara bat aa, eshi tat eq som inn. Etharin ning aa som aa thimal nak som inn, chammatakoi ning aa phanchan aa thimal som moq.

Matthew 23:3 Referencias Cruzadas

2 KAÜWA WERAÜ 30:12

Hokhvmx waz nuiyc piq vyungx vlaungx bix rueq tvtay nvr tueq bomc kuex phvnx vtueq vpiq thuinroc phvnx lvp laz juing ngoz tueq Tishox rueq muinz Yuda mungx nuex yauk shuimc jix miq htenc muex tsuinghez rueq htvp htaz tueq rulc rv-ngvlc rungx raz lvmz tvtsuir taq tueq.

DUNGWVNC 18:23

Yehowa rueq nvr yaq vkhoc mnoz rueq shuimx lvmz ruiux yuq, mnoz hunnyex tuiux rvmuq, miq htenc vruex muinz khuec vkhac tvlot vtueq miqmac yuimx nuex yek waung wuez tuex,” ngoz tueq jungx tueq.

Matthew 21:30

Kvruex yimaq vwaz kuex vsaz washiz kox nuex kaz vtueq kvrulc rv-ngvlc jungx kuq tueq. Piq rueq, ‘Vhvlx kaz taungx,’ ngoz tueq, yuq muinz piq kaz muq doc rvtueq.

Matthew 23:2

“Tvrac tvluingc waz hez nuiyc Pharise nuk kuex Moshe Tvrac jalc jungc kuy tvkoc vrangx vpangx lvp jix hez rvtueq.

Matthew 23:4

Tsuingshiq rueq liz hvlc nuiyc vgurc muex gvrc hvlc kuex miq muex tvgurc yaq, tsuingshiq rueq gurc kvruex yaukshix thawx maq doc muinz htuinc roc muq.

Acts 5:29

Peter nuiyc kamx waz hez rueq, “Nuiyshiq kuex miq rueq nvr yaq htauk nuex Tishox rueq nvr yaq kuex phvnx shix.

Romans 13:1

Miq tek vtueq vrangx vpangx vhttax mungx guimz jix kvjaz kuex tay phvnx wuez shuinz, yvmx khoc lac ngoz ruiux lec vrangx vpangx vhttax jix muinz Tishox kox wawc vkhangx maq rvmuq ngoz ruiux kuex vguez, httax lot muq, vrangx vpangx httax yaq kuex Tishox rueq vtvhungx kuq rvtueq.

TRI CHONGKE 4:5

“Yehowa ngvy Tishox rueq jungx kuq wvnc phuex rulc rv-ngvlc ngaz rueq tvrac lotlaz kuex nuimshiq muex tvluing kuq wvnc phaungx shex. Nuimshiq rueq khvt lvp wvnc vtueq httax kaz tuinx mungx kvmaq, kvruex tvrac kuex phvnx wuez shuinz.

TRI CHONGKE 5:27

Mnoz yek kaz vtueq Yehowa naungshiq Tishox rueq jungx yaq htenc kuex tay tvtsuingc kaz kuiuz. Kvruex yimaq yek waung vtueq nuiyshiq muex jungx kuq loq. Nuiyshiq rueq tay vtueq phvnx wuez shix,’ ngoz tueq jungx wuez tueq.

2 Timothy 3:5

tsuingshiq kuex tsuingshiq nawk palx lvmx nuex seng vtueq htungx vlayx kuex phvnx ruiux yuq muinz, nawk palx lvmx rueq shunshvlx yaq hungc vlaungc kuex tvdux gay jix rvtueq. Kvkhoc jix miq htenc kuex koayc shuiuz.

Titus 1:16

Tsuingshiq rueq Tishox kuex tuiuz vshix ngoz tueq kvjungc ruiux muinz tsuingshiq honc vyaungc rueq tvkhic muq. Tsuingshiq kuex miqsuirc vsac raz tueq vlawc roc juing hez rvmuq, vhvlx phvnx yauk shuimc phvnx shishiz shuimc kay tvkoc aungx muq jix htenc rvtueq.