Matthew 19:21 - ASII LAKDAP Bible (BSI)

²¹ Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Hawa Naga Bible 2001

²¹ Yesu rueq, “Mnoz kuex tsuingruik ruik muex yaungc roc yuq lec, waung kuiuz mnoz nuex httax yaq lotlaz kuex shaung gay ruiux, htemc saz jix muex phvlx kuq shuiuz, kvkhoc ngoz ruiux yuq jix raungmungx nuex mnoz rueq tsak vnyvmx lvp shuiux, ngvy kox nuex muinz kaz vtueq phvnx naungx koq,” ngoz tueq piq muex jungx tueq.

Muklom

²¹ Jesu aa piq ma batta, “Nang khakla angma ta ujo, ka u etho baching na chamtan aa shi sang u etho ngin shi tangshi tang ma ko u etho nang aa mungtan na likti nginsang kap nu. Ethi jio iji phan phu.”

Matthew 19:21 Referencias Cruzadas

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

RAPHA HIQWA LAK 6:9

Arka Nowaq manphan. Asetiim ka wetsam, Shem, Ham, kiimaq Japheth. Nowaq ka jamlai shut phit min ahü riito. Kiimaq apaiq pat wa maiqshaq ka apaiq kli riito. Apaiq ka Shiikeawe rai rintiishi maq sito.

YOBA 1:1

Man na Uj mung na siti maiq weshi asi riito. Apaiq mang ka Job. Apaiq ka Shiikeawe shomnoqti kiimaq Shiikeawe wokhong na tsapkapkap sito. Apaiq ka maiqshaq pinthum kiimaq abi klomak phan hon kamshat maq sito.

Tvtsvmc 37:37

Maiqshaq kiimaq kechu maiqse ka shrira liilaq; sobsob bombom maq siti ka asaü asetiim asi.

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

Matthew 19:20

Kiijiishe, “Ngi raq arthun aming arka wiita lang wan kang she. Arthaq na ngi raq sham chang abi jamlai wa sitla?” nguta norii we raq Jesuq ma waito.

Matthew 19:22

Noriiwe raq ara tsiichong bomtsi ara tai raüta, apaiq ka kai atsanbi waliishe tiido wanto. Atsan ka jamkhano biwanta ngukla, apaiq ka pinthum chiithe maiqse riito.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 4:19

Kra chhi wan raüta, Jesuq raq, “I jai phan ronglaq. Ngi raq namshiq ma maiqlap wan shetiq mishrin kuq kang,” nguta nguto.

Matthew 5:48

Ramungtan na siti nam We Shiikeawe raq namshiq ka jamkho adang na lakshiipo lak tlaq ikha lungwii tlaq, kiikhiisii hali, namshiq riimin Shiikeawe wokhong na siwan lanta apaiq bom ka poshi min tlea man maq tai lili ronglaq!”

Matthew 8:22

Kiijiishe Jesuq raq treto, “Ümniiriika i jai li phan laq. Ama ka amati riitiq tiina misaiq sam.”

Matthew 9:9

Jesuq ka kra ba maq ahin nü niishe tiido wanto. Apaiq ka lam na akhum rai lam maq phunta hiti we Mothiq ka phunta hichang jam na phunta hirea chhi wanto. Apaiq ka chhi raüta, Jesuq raq apaiq ma, “Ümniika i jai she phan laq,” nguta heato. Krai mren, Mothiq ka tiidopot raüta, apaiq jai phan wanto.

Mark 10:21

Kiijiishe Jesuq raq apaiq phanü na, mangchan lam maq lii raüta apaiq ma akha chongkuqto, “Ümniiraq phanshi jaqsham chang dea asi shaq li. Ümniika ümjam na jangkikiq. Laüta tachong tsiiq anyam ka wiita asha riilaq. Laüta, kra kampho ka miitsan maiqse ma pheakuq laq. Akha riihaü jiila, ümniika ramungtan na chiithe ma mija haü. Kra laüta, i phana wara. Laüta i jaqshi se miishe jawan laq.”

Mark 2:14

Kiimaq apaiq ka akhum lam maq, phunta hiti we Lewi, Alphias se ka apaiq phunta hichang abit tiipse na ngaraü lowanto. Jesuq raq apaiq ka chhi raüta, “I jai phan laq,” nguta apaiq ka heato. Krai mren, Lewi riimin tiidopot raüta, Jesuq jai she phan wanto.

Mark 8:34

Kra raütiishe, Jesuq raq mungmaiqse nai ajaqshisetiim ka apaiq tho niishe hiato. Raüta tsangshiq ma akha chongkuqto, “Jurwa i jai phan wan tiima tlaq, apaiq raq maiqmii rilung ka alaq baiq ra tlo. Raüta, apaiq pumsongkham ka pishat maq, i jai phan phan wawan ra tlo.

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 14:33

Ikiikhiisii hali, namshiq phong wa juli jiimin, maiqmii raq jamlai wa rümtlan, kra thumthum miimthü man wiiwii, i jaqshise ma jawanlot man.”

Luke 16:9

Kra ngu raüta, Jesuq raq abom ka akha chongkuqto, “Arkha maq tiina, ngi raq chongtiikang ara: Mangjong hiq wa tsiiq nai nyam armaq athuk atsom jaqsham lanta, namshiq maiqmii miitu, kongti kiimtibi ka lap ronglaq. Krai mren, ümtiikiiwa, ara namtsiiq tum thun kra athum she mirki, kra akhing na, namshiq ka pattup pat-sa jam niishe mitao wan.

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 5:27

Arjai maq, Jesuq ka chii phai na kihoto. Raüta, phunta hiti we amang min, Lewi nguta krai riihumto. Apaiq ka phunta hichang tiip na nga raü riito. Jesuq raq apaiq ka, “I jai phan laq,” nguta heato.

Luke 6:40

Chongmang se kriika, shrawe thaq na ajong riimak. Shatmaq, ümtiikiiwa apaiq raq lak tlang kra ong wan jiiq, kra jai maq shetiq, apaiq kiimin shra we kiikhiishe mija wan lot.”

Luke 9:23

Kiimaq apaiq raq tsangshiq tarü ma chongkuqto, “Ashi ra raq ngi rai wadam lungwii tlaq jiila, apaiq raq maiqmii khum ka alaq riibaiq ra tlo. Raüta, maiqmii pumsongkham kra ranaiqtek piwan shat maq wawan ra tlo. Raüta, I jai phan phan wa chang.

John 10:27

I skukong riika i bom tai tlo. Ngi riimin, tsangshiq ka loweatek asap ha. Krai mren, tsangshiq raq i jai phan tlo.

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

Acts 2:45

Tsangshiq raq maiqmii hupchong samchong thun kra shata raüta, kra sha kampho ka, tsangshiq phungtuti liipan na, maiq loweatek ma, jamlai phan niiwa thümlit tlaq, kra tiiphan phan riiphea riinyin raüta sito.

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.