Matthew 19:20 - ASII LAKDAP Bible (BSI)

²⁰ Kiijiishe, “Ngi raq arthun aming arka wiita lang wan kang she. Arthaq na ngi raq sham chang abi jamlai wa sitla?” nguta norii we raq Jesuq ma waito.

Hawa Naga Bible 2001

²⁰ Yalxrox waz rueq, “Kvruex lotlaz kuex ngaz rueq nosaz maq phuex vphvnc tvhungx lot wuez shex, ngaz muex yvmx lac rax yek yaq nguinx?” ngoz tueq tvralc tueq.

Muklom

²⁰ Jaro wa they thawel batta, “Nga iri thaji raaqkhat tang ro hun tat ang. Adak chamlang sey rap som ching?”

Matthew 19:20 Referencias Cruzadas

Matthew 19:19

ümnyung nai ümwe ka shreng laq. Kiimaq üm jamthoti chiiti ka ümkhum jamkho lungwii tlaü kiikha lungwii laq.”

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Luke 15:29

Shatmaq, apaiq raq awe bom ka akha treto, ‘Liilaq, ümchaü ümchu rawii she wa lea wantaq, ngi ka ümwokhong na, ümdise ikha jaqsham wan kang. Kiimaq, ngi raq ümbom ka poshi min tlea mang maq sitiikang. Shatmaq, ümniiraq ngi miika jamlai phan wa kuqlaü? Ngi ma ümniiraq, i kongti rai adam na poi lata peo phaq sia miitu, chhechhi se ashi dongdii min kuqmaü shaqli!

Luke 15:7

Ara chongtiikang akhiisii hali, ramungtan niika, ngarai tiidii ra mak kechu maiqse nguta tiima raüta, maiq roqtiikaü ri tiikaü sitlaq kra thaq na, maiq weshi ngarai maiqse tsantsii klai tlaq kra chhi raüta, apa michochi.”

John 8:7

Riita, tsangshiq raq apaiq ma bom ka tiijangkiki wairuq wairuq she wairat hokiita, apaiq ka anga wa atiido raütiishe tsangshiq bom ka akhiishe treto, “Ikhiijiila ahea. Ümchaü min, namshiq phong wa maiq ümriiti riiwa, jangshi min ngarai ka tang mang nguta tiima tlaq, kriiti raq arnyung dü na long ka kongkhu mithong pha laq.”

Romans 7:9

Man na akhing ashi na, ngi ka thungtri aming sapmang maq, atra siwan kang. Shatmaq, ümtiikiiwa thungtri raq akuq aming kra, i khu thaq niishe saü wantaq, kra akhing miishe, ngarai ka i khum wa, ashai she riiwanto.

Galatians 3:24

Kiimaq, krai mren, Jesuq Khristo misaüho shaq wiiwii ka, Thungtri ka natijong we riito. Nashiq ka Thungtri disetiim ma jawan laita siwan kai. Ikra lea wan kai akhing ka, nashiq ara Shiikeawe rai kamtsantsii lümaq dongdiitiq, Shiikeawe raq kechu maiqsetiim ma tiija wan chang miraq, nguta ngo maq, nashiq ma tiisap miitu, Thungtri raq nashiq ka jamsha wanto.

Philippians 3:6

Nanyungwe Thungtri lang wan lamphan na, tri raü sham wanti, akaü ashi. Kriikha maq, phungtuti ka pinthum tiichamchao wan kang. Thungtri lang raüta kechu maiqse ma jawan chang lam asi dea ngo chang jiika, ngi ka thungtri aming tingting maq lang wanti, kechu maiqse ashi nguta asi wan ha wa.