Matthew 19:22 - ASII LAKDAP Bible (BSI)

²² Noriiwe raq ara tsiichong bomtsi ara tai raüta, apaiq ka kai atsanbi waliishe tiido wanto. Atsan ka jamkhano biwanta ngukla, apaiq ka pinthum chiithe maiqse riito.

Hawa Naga Bible 2001

²² Yalxrox waz rueq kvruex kvjaz kuex tay vtueq, vthuinz bac hvlc maq waung wvnc tueq, yvmx khoc lac ngoz ruiux lec piq kuex luiz waungx hvlc waz rvtueq.

Muklom

²² Jaro wa they ira tat atho, piq shuru ti eq qhing chuwang ta, chammatakoi piq sha rapney tanglom angta.

Matthew 19:22 Referencias Cruzadas

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Matthew 14:9

Kra tai raüta hokham we ka atsan bito. Shatmaq welabi nai wanwe thung tlaq kra man na, akiq akhamke rea wishe kha maq, ase raq jaütaq kra lamke wa miitu, phenlabi ma aming tatto.

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Matthew 19:23

Kiijiishe Jesuq raq ajaqshisetiim ma chongto, “Ngi raq chongtiikang arka tengteng; chiithe maiqse ma Ramungtan na wawan ka hahea pinthum.

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

Mark 10:22

Ara Jesuq bomtsi kra tai raüta sanha, kriiwe mun ka tiijuk ram she riito. Kiimaq apaiq ka atsanbi wa rashra she, munjuk mijuk she tiido wawanto. Apaiq ka chiithe we kha maq atsiiq ma tsantsi hea.

Mark 6:26

Kra tairaüta hokham we tsan ka kai bito. Shatmaq, apaiq raq mungmaiqse man na akiq ka akhamwi she. Kriikha miishe, ase kiq ka tlea lot mak she riito.

Luke 18:23

Shatmaq, kriiwe raq Jesuq bom ka tai raüta, apaiq ka atsan biwa tiichhi shat she riito. Atsan ka jamkhano bita ngukla, apaiq ka kai chiithe jong maiqse.

John 16:20

Ngi raq namshiq ma chongtiikang arka tengteng: Namshiq ka maaho maanyi she mirhan. Shatmaq, mangjong maiqse ka chojong chise miraq. Namshiq ka tsanbi taqtaq mirhan. Shatmaq, namshiq tsanbi hosi ka chojong chise na mitiiwiiq wan.

Ephesians 5:5

Namshiq raq ara bomtsi arka asap han ahiq, jurwa sethoq sepii ja tlaq, ashe ashi klo raüta sitlaq, lo, asii aram wali sitlaqti (sükha tsii ka sumla noq ngarai) riika, Khristo nai Shiikeawe Mungtan wa achu shiiman ka lap wan lot mak.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.