Matthew 16:18 - ASII LAKDAP Bible (BSI)

¹⁸ Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.

Hawa Naga Bible 2001

¹⁸ Kvkhoc rvtueq ngaz rueq mnoz muex jungx kuq ix, mmuingc kuex lung ngoz yaq Peter rvtoq, lung rauk ngoz yaq vjungx tvjvp htauk nuex ngvy phungc kuex ngaz rueq tec taq vshaungx, vthueyc vmvy rueq doc muinz kvruex taungx gay lot muq.

Muklom

¹⁸ Etho nga nang ma bat phang, nang Peter etho iri long kho ro nga i mondoli hun náng, etho walmungtan shey ira jin lìt moq angna.

Matthew 16:18 Referencias Cruzadas

RAPHA HIQWA LAK 22:17

Ngi raq kiqkham lata chong tiikang, Ngi raq ümsaü ümsetiim ka ra na raiqsaiq jamkho diimtlaq, kiimaq khamjong chum kii na kumtsai phü na kumtsai riiphongtlaq ikha mipuchiha. Ümsaü ümsetiim phan raq tsangshiq jaqtinok thun ka mitang wan.

2 SAMUEL 18:4

“Ikhla, namshiq raq jamlai wa ahea nguta tiima tlan, kra miklo kang,” nguta hokhamwe raq treto. Raütiishe apaiq ka chela kilamchong tho kiijaq chap raüta, asengi kong ahinghing maq, ashishi maq, rekhat kai kiho tlaq kriishe liisiqto.

YOBA 38:17

Maiq weshi ra raq ümniima ranyaq tangtang wulum mung khechang kilamchong thun kra tiichhi kuqtiishea?

Tvtsvmc 107:18

tsangshiq raq shakaq ramho ninlotmak riito kriikha na atsai maakhoki na saüli chamchaoto.

Tvtsvmc 127:5

Juwa aliqsin chü ka liqsin rong raq ama sitlaq, kriiti ma chochi asi. Phowe rung na ngatlaq akhing na ajaqtibi raq apaiq ka tangmak miraq.

Tvtsvmc 129:2

“Ngi noseji niiphü, ijaqtinok raq pinthum tiichamchaoto, shatmaq tsangshiq raq ngi tangmak dea.

Tvtsvmc 69:12

Tsangshiq raq ngi ka chiiheawea na riichongsiqto, kiimaq chechok tsampiiti raq imang chong raüta ashi ange maq tiihap hongto.

Tvtsvmc 9:13

O Tatiwe lei, ngi ara tiihang kuqlaq! Ijaqtinok raq ngi chamchao tiisaütaq kra liilaq! Ngi ka atsai chang wa tiichhii kuqlaq, O Tatiwe lei.

TAKSU LAK 24:7

Anyan phaqchi ka maiqjiqti raq, taklot mak tsaühea. Nanok raq akhek bom riichong na, apaiq bomkai chang ahü.

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

ISAIA 28:6

Apaiq raq phowebi ma kha ka tingting tri raütu sham raüta phoke miitu phaqchi mikuq. Kiimaq chela tro ruk kilamchong thun ka re jaq wa tiiwongti phenlabi ma nola ningkun mishoqkuq.

ISAIA 38:10

Ngi raq tiimakang irilung shethung pii na Ngi ka wulum mung na wawan she. Atra simang she miraq.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

Jona 2:6

Ngi ka sammoktra chum mong na sitlaq, pumjichong na saüli tiidea baiqto. Kham mong nyang wa ju phii ka, pattup pat-sa miitu ngi tro na, kilü maq asanbaiq wan ikha, khoktang mong na riikang. Shamtaq, O Tati Shiikeawe lei, Ümniiraq ngi ka hiq miq changkhü wa, atra tiisam dokuq wan laü.

Matthew 10:2

Kiimwebi roqshi ri wenai shong wantaq mang thun ka ara riito: Apha shaqshaq we mang ka Simon, (Apaiq ka Petar ngutiimin ngutlo). Kiimaq apaiq ma anowe ka Andru. Kiimaq Jebedi we senai Jakob nai anowe Johan.

Matthew 11:23

Kiimaq Kaparniam chelati le! Namshiq ka ra niishe dü wan rong i ngutiisha dan tlan ngu kai? Namshiq ka wamungtan niishe mitiidea baiq kiiphan! Namshiq hiq na ümchuwa awang chang jaqsham wantaq kra, Sodom chela na shamkuq wantaq ngu raü jiika, Sodom chela ka ümchaü min asi li riichang wa!

Matthew 18:17

Shatmaq, apaiq raq tsangshiq bom kiimin taimak she ngiimki raüla, apaiq mra ka phungtuti miishe tiitai laq. Shatmaq, apaiq raq phungtuti bom kriimin taimak she ngiimki raüla, apaiq ka thatsang maiqse ikhli she lo, ngarai raq alan kaiwi she ngutiishe liirong laq.”

Matthew 4:18

Jesuq ka Gelili Thamchum kii na awarai riito. Apaiq raq ngiq khupti siphu wenai Simon, (apaiq ka Petar ngutiimin ngutlo) kiimaq ano Andru ka Gelili thamchum na chiiq maq ngiq khup rea chhi wanto.

Matthew 7:24

“Ara chongtiikang arkha maq, jurwa ara i bomchong ara lang wan tlaq, kriiti ka maiq atsiiwe raq, ajam ka longkaü longkaü wat raüta, jamkham shong raüta hai wan tlaq ikha miraq.

John 1:42

Raütiishe, apaiq raq aphu Simon ka, Jesuq phaniishe shea wanto. Jesuq raq Simon Petar phanü na lii raüta, “Ümniika Johan se Simon. Shatmaq, ümchaü ara miiphat she, ümmang ka Sephas she miraq.” (Sephas nai Petar ngutlaq kra liichum ka “longkaü” nguta ngo she riito.)

Acts 2:47

Tsangshiq ka akha Shiikeawe tiitsam kamwan li she shongnga wanto. Kiimaq phungtuti shongnga rilung kra chhi raüta, mungmaiqse riimin tsangshiq ka kai lungwiito. Kiimaq, krai mren, Tatiwe raq maiq anye ka wranaiqtek tsangshiq phung na tiitsuq wan wan maq, maiq ka tiipa kuq wan ruq li riito.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 8:1

Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.

1 Corinthians 15:55

“O, Atsai ningkun lei, ümjo tang laü? O, Atsai ningkun tu lei, ümlaipo maiq ngiq chang ningkun ka ümbano?”

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.

Ephesians 3:10

Arka, ümchaü pat akhing niishetiq, phungtuti lü miishetiq, ara apaü raüta athü arwan jaqsham ara, ra na siti munglangti, rasetiim raq, kiimaq ramungtan na siti ningkun rümti winji welabi riimin, Shiikeawe anyan phaqchi jonglu kriika, atinkhan dea nya nguta, misap wan laq ngutiishe, tiichhi kuq tlo. Arka, Shiikeawe ningkun ka phanrap phanrii jaqsham maq tiichhi kuq tlaq kra, tiisap wan miitu she chongkuqtlo.

Ephesians 5:32

Ara chong tiikai, Asii bomtsi na chongtlaq arka, nashiq raq khonlot mai chang liichum ashi tsaühea tengtlaq bomtsi. Arka Khristo nai phungtu liipan na riimangchan bomtsi kra tiichhikuq tlo nguta ngi raq tak tiikang.

Colossians 1:18

Apaiq ka apaiq khum phungtu khupo. Apaiq kli apaiq khum phungtu ma tsitsü raü chong. Apaiq ka Shiikeawe Se chhikhu pinthum. Apaiq ka amaa wa tiidong wanto. Apaiq amaa wa tiidong wantaq ka, wiitarü thaq na, apaiq kli Shiikeawe jamkun na chhikhu pinthum sitlo nguta tiichhike miitu tiidong wanto.

1 Timothy 3:15

Kiimaq, ngi ka ümkhiimiiwa jaqlo kiina saüthin wan mang la tiihit rotki ha jiila, ara lak na nashiq Phungmaiqse ka jamkhii singa chang wa, kra miitu tsii chongkuq tiikang ara lang rong laq. Nashiq ka Shiikeawe setiim. Jamshiti. Ara jamshiti ngutiikai arka, Shiikeawe setiim phungtu sitlaq kra ngo nangnga chongtiikang. Shiikeawe ka pattup pat-sa siwan ruq li. Shiikeawe manphan tengteng bomtsi ka, phungtuti raq thüda wan tlo. Kiimaq tum akhiiq na saiqsam wan tiikai ikha, kai shreng laita ahea wiq, tsapsaü kapse maq thü wan tiikai.

1 Timothy 3:5

Jurwa maiqmii jamkun san tla samhea wiq maq rüm tsü mak, kriiti raq phungtu ashi ka jamkho miboq pum lot? Kiimaq mirüm lot?

Hebrews 12:28

Riita, ümchaü sanha, Shiikeawe ma pinthum kechu tum rong i. Apaiq raq nashiq ma ramungtan ka kuqto she. Nashiq ka apaiq sengi she. Ara mungtan kuqtaq arka, ümtiikiimin thenki mak phan she. Arkha maq, ümchaü sanha, nashiq raq Shiikeawe ma khoqriiq shishiiq maq, kechutum wan lili rong i. Laita, apaiq tiichochi miitu, apaiq raq lungwii tlaq kra phanphan, apaiq ka kai shreng laita, shomnoq rong i.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 21:14

Kra chela tro na peruk haitaq kra tiichap wan chang ka longkaü roqshi ri anai thaq na sii wan raüta haito. Kra longkaü thun thaq na Skuse kiimwebi roqshi ri wenai mang ka tiiwaiq shat asi.