Matthew 16:19 - ASII LAKDAP Bible (BSI)

¹⁹ Ngi raq ümniima ramungtan kilü dichang sapi tu kra mikuq kang. Ümniiraq ara mangjong hiq maq jamlai phan miiwa atangta riitlaü, kra miika ramungtan miimin atangta mirbaiq. Kiimaq ümniiraq ara mangjong hiq maq jamlai phan miiwa lam ka adi riikuq tlaü, kra miika ramungtan miimin kilü ka adi mirkuq.”

Hawa Naga Bible 2001

¹⁹ Ngaz rueq mnoz muex raungx Mungtan saqpix htenc kuq phaungx, ghaq htauk vmaq mnoz rueq khvrc buinc vshuiux kuex raungx Mungtan maq muinz vkhvrc tay rvhumc tuex, ghaq htauk vmaq mnoz rueq dawc kuq vshuiux jix kuex raungmungx maq muinz vdawc kuy rvhumc tuex,” ngoz tueq.

Muklom

¹⁹ Rangmungtan chabi sha nga bajak o kophanáng. Mingkang haq na nang aa chamlang qhak shing u, esha mungtan na tho uqhak eq na! Etho mingkang haq na nang aa chamlang qhang u, esha mungtan na tho taqhang angna.”

Matthew 16:19 Referencias Cruzadas

ISAIA 22:22

Ngi raq apaiq ma, Dawit saüse phan raq hotlaq, hokham arang ka kunli mikuqha. Apaiq jaq na ophis sapitu ka mikuqha. Apaiq raq jamlai kilü wa ditlaq, kriika jurmin shaqlot mak she miraq. Kiimaq apaiq raq jamlai kilü wa shaq tlaq, kriika jurmin dilot mak she miraq.

Matthew 18:18

“Ara chong tiikang arai mren, ngi raq namshiq tarü ma chong pha. Namshiq raq ara mangjong hiq maq jamlai phan miiwa lam ka atangta riitlan; kra phan miika, ramungtan miimin atangta miraq. Kiimaq namshiq raq jamlai phan miiwa lam ka adi riikuq tlan, kra miika ramungtan miimin lam ka adi mirkuq.”

John 20:23

Namshiq raq maiqse ngarai ka diikuq han jiila, Shiikeawe riimin diikuqto ngushat. Kiimaq namshiq raq tsangshiq ngarai ka diikuq man riihan jiila, Shiikeawe riimin diikuq mak dea ngushat.”

Acts 15:7

Tsangshiq raq ara bomtsi khuthaq na luhea riichong phan wan lot jai she, Petar ka chap raüta, akhiishe phanchan kuq hoto, “Phunainotiim lei, i nübok maq achongkuq wan ha Tsütsa Ahea kra Pongnok phan raq mitai wan laq, raüta mikam wan laq nguta, Shiikeawe raq ngi ka nashiq phong wa aphaji niiphü tseato ngutiika namshiq raq asap han siisaq.

2 Corinthians 2:10

Riita, ümtiikiiwa namshiq raq, shut tiiwe mra ka diikuq tlan, ngi riimin apaiq mra ka diikuq tiikang. Ngi raq maiq weshi ra mra ka diike wan chang raki raü jiika, namshiq miitu kriiwe mra ka Jesuq Khristo man na diikuq tiikang.

1 Thessalonians 4:8

Krai mren, jurwa ara chong tiikai tri ara jin tlaq, kriiti riika, maiqse aming jin riimak, shatmaq, Shiikeawe tri, Asii Wenyi keti we tri jintlo ngushat.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 11:6

Tsangnai jaq na ra kilü ka shaq baiq miitu arang asi. Krai mren, tsangnai raq, ra kilü ka shaqbaiq raüla, tsangnai raq Shiikeawe tsütsa chongke liipan na, ra ka jun mak she miraq. Tsangnai jaq na jüserai setiim thun ka, tiijai ma tiija baiq miitu ningkun asi. Kiimahali, tsangnai raq ara mangjong hiq na, phanphan sawa tha mitiiwalot. Tsangnai raq ümchu jang tiidongro wa, kra phanphan tha ka mitiidong lot.

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.

Revelation 9:1

Kiijiishe, ngi raq rase biingi ngojati riishe, alerong ka tsüto chhikang. Kra tsükiita raiqsaiqpo ashi ka mangjong hiq na dea wanto chhikang. Ara raiqsaiqpo miika, hiqtsan hiqmong na hiqbikho tsaühea tsaühea makse raq khon lot mak chang hiqkho kilü dichang sapi kuqto.