Matthew 16:18 - Muklom

¹⁸ Etho nga nang ma bat phang, nang Peter etho iri long kho ro nga i mondoli hun náng, etho walmungtan shey ira jin lìt moq angna.

ASII LAKDAP Bible (BSI)

¹⁸ Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.

Hawa Naga Bible 2001

¹⁸ Kvkhoc rvtueq ngaz rueq mnoz muex jungx kuq ix, mmuingc kuex lung ngoz yaq Peter rvtoq, lung rauk ngoz yaq vjungx tvjvp htauk nuex ngvy phungc kuex ngaz rueq tec taq vshaungx, vthueyc vmvy rueq doc muinz kvruex taungx gay lot muq.

Matthew 16:18 Referencias Cruzadas

Matthew 10:2

Asi ani Apostle tang miing ira: jakho Simon (Peter ta tho thamiing angta) nia uno Andrew; Zebedee sa wani James nia uno John;

Matthew 11:23

Etho Capernaum samhaq, nim aa nim ni nim rangma mungtan náng thula aluk tathin shing inn i? Nim raa walmungtan náng sey bichak phanin! Bara patja jaksom sha nim jaktung o somta, eshi patja sha Sodom haq na takhi ta jo thanga tho atha ang wang ta.

Matthew 18:17

Piq aa ning raaq sha tat moq ang ajo, mondoli o bat inn; piq aa mondoli raaq tat moq ang ajo, piq sha thongking tey tia phunta qheytey mal tathin inn.”

Matthew 4:18

Jesu Galilee shitim relna kachey atho, piq aa ngaqsa lottey sapho ni tha khita. Ning ni Simon (Peter ta tho thamiing angta) nia uno Andrew angta. Ning ni Galilee shitim na chak halcheyta.

Matthew 7:24

“Ethi rangma, utang miq eq iraaq tat eq somlo aa, piq sha long kho o him huntey asam atol miq mal.

John 1:42

Piq aa Simon Peter tha Jesu relnáng solkat ta. Jesu aa piq tha siin eq batta, “Nang John miqwasa Simon; nang raa Cephas ta hal pha nu.” (Cephas ta Peter; Peter ta ajong long).

Acts 2:47

Etho ning aa Shkewa tha tasapsey ta etho thaji miqtang ning ma ramta; etho barey ulun kapta Teyhungwa salwet ning waan shina tharum ta.

Acts 20:28

Eshirangma nim ni nim shi rangtun inn etho Asang Tsija eq nim o kot chak taphin kelwut tang shima rimrang inn. Shkewa mondoli shi rimrang inn, bara piq aa Umiqwasa tahi wang ringta.

Acts 8:1

Saul piq tatik thina rokrum angta. Ethi saal tho Jerusalem mondoli rapney tahikham tsamnang angta. Apostle tang tha dak chak eq adak uhan miqtang Judea nia Samaria mung na phalta.

1 Corinthians 15:55

“Utik shi, nang aa baluk o jin tu? Utik, nang chamal wang maphey jin ang nu?”

Galatians 2:9

James, Cephas etho John ning tom sha mondoli na solwa tang ta tathin ta. Baluk o nga kap táng eshi ráng manchan tha ning aa samta tho, nga nia Barnabas tha ning jamoq jaksom roksomlot ma shing taphi. Ini Gentile tang relnáng katma etho ning hankhup qhan chol tey tang relnáng katma í wanti.

Ephesians 3:10

Irimal ang eq thanga mondoli tungkang o, Shkewa uphan phan thunglam sha mungtan ajong tang nia jaktáng o shingtey tang aa takhi na.

Ephesians 5:32

Ira ashey apu ashim raaq; etharin nga Khristo nia mondoli tung aa raaq bat phang.

Colossians 1:18

Piq sha uhanphung mondoli ma ukho; piq sha hun uphang etho utik wang weyjey tey wang phang khongdang ta, irimal ang eq thaji tangwang tang na piq sha thaji phey náng eq ajong angna.

1 Timothy 3:15

Nga karel ang jo nang aa Shkewa mondoli jaktung o chammal dangjang ching sha iri likwit wang usam eq ching. Shkewa himji sha atharang Shkewa mondoli, bara asing thòng aa bang mal.

1 Timothy 3:5

Chamtey eq uhimji sha jaqhal eq rimrang sam moq ang ajo piq aa Shkewa mondoli shi chammal eq jin rimrang na?

Hebrews 12:28

Eshirangma bara jin thamot moq eshi mungtan mung sha kap tungkang o hiqtang aa kechu ajong kot ching. Etho hiqtang aa Shkewa sha rangka jamoq etho cho eq tasapsey eq tasungrang ni.

Revelation 11:15

Adak rangkamwa aa lirong tung tha tom atho, mungtan wang jujong jujong raaq tha tatat ta, “Mingkang ma jaktáng o shing ma tarong tha hiqtang Teyhungwa rangma etho Khristo rangma ang sey angta etho piq aa pattuk rangma jaktáng o shing na.”

Revelation 21:14

Samhaq wangthuk shina asi ani thóng angta etho eshina Kelwut sa asi ani apostle tang miing thawit ta.