Matthew 15:9 - ASII LAKDAP Bible (BSI)

⁹ Tsangshiq raq ngi shomnoq wan tlaq kriika atuli. Tsangshiq raq maiqse thungtri kra shrinkuq raüta nangnga, ngi raq akuq thungtri shrinkuq tiikai nguta tiima tlo!’ ”

Hawa Naga Bible 2001

⁹ Tsuingshiq rueq ngaz muex nawk palx yaq lvmx kuex khuec guez dvyx rvtueq, yvmx khoc lac ngoz ruiux lec tsuingshiq kuex miq rueq tvhungx vtueq vjungx htenc kuex ngvy tvrac htenc ikhoc tvluing kuq yaq ngoz tueq jungx yaq kvjaz mtanc lac aungx yaq nguinx!’ ” ngoz tueq jungx tueq.

Muklom

⁹ Ning aa nga thang hung na shumnuk phang, chammatakoi ning aa miqtang thong sha i thong ta bat eq tatal kot aa.’”

Matthew 15:9 Referencias Cruzadas

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 73:13

Riita ikhla ngi rilung pattup chiisan siwan kang arka atuli she dea shea kiimaq ngarai tang mang maq siwan kang arka amiili she dea shea?

DUNGWVNC 20:7

“Imang ka abi kiimung miitu naq shaphaqkiq. Jamkhano ngukla Ngi, Tatiwe üm Shiikeawe raq imang atu na shaphaqti ka juli jiimin mo mitiihoha.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

LEWI 26:16

Ngi raq namshiq ma mo mitiihoha. Ngi raq namshiq khuthaq na tsamku mitiiwaha. Ahea chang phan riimak thatsi, kiimaq tsidong raq nam mak ka mitiichuk baiq. Raüta nam rilung ka wiita atiijam mitiisa baiq. Namshiq raq tsamlai ka wak na miwan kihan. Shatmaq namshiq ma jamliip min ahü miraq. Jamkhano ngukla namjaqtinok raq namshiq ka mikhat wan. Raüta namshiq raq achhi jang han tü atsam ka wiita miphaqsiq wan.

LEWI 26:20

Namshiq raq ümtinkhan wa jaqsham hun nü tlan, kriika namshiq ma atuli she miraq. Jamkhano ngukla nam wak ram thun na minshiiq lan kiiwa jamlai phan tü atsam min dong man kuq mak she miraq. Kiimaq petsi ro na atsi ango min ahü she miraq.

MALAKI 3:14

Namshiq raq, ‘Shiikeawe shomnoq arka jamlai liip min ahü. Apaiq raq chongtlaq kra sham laita jamliip wa midong. Kiimaq, nashiq raq jamlai wa ajiq klo kai kra ningkhan, Tati Ningkun Ajong Pinthumwe man na, nashiq mra tiidii wan kiimin jamlai liip wa midong?

Matthew 15:10

Kra ngu raütiishe, Jesuq raq nokwe ka atho na triitam hiato. Raüta tsangshiq ma akha chong- kuqto, “Ara i bomchong ara tiitsang tairong laq. Lanta namtsan mong na shaq ronglaq!

Mark 7:7

Tsangshiq raq ngi shomnoq tlaq kriika liip hü. Tsangshiq maiqmii raq athü tri ka, Ngi raq akuq ha tri ikha shrinkuq tlo!’

1 Corinthians 15:2

Riita, arka ngi raq namshiq ma Tsütsa Ahea chongkuq wan kang kra. Namshiq ka tsapkapkap maq Tsütsa Ahea kiima kam lanta si ronglaq. Raüla, namshiq ka mitiichhii wan. Shatmaq, namshiq kamasham ka riikhaqli awongsii riimak jiika, tiichhii lot man mirhan.

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.

1 Timothy 1:4

Ümniiraq arot shrabi kong ma, tsangshiq raq arot akiq manphan chong tlaq, kiimaq richü pat wa maiqwe raü manphan, hit wiilü lam wiilü mangwea raüpot thun kra phanchan kuq tlaq, raüta rashe tiicha tlaq kriika, ümchaü ka atsaq she ronglaq nguta atiiwin riilaq. Kra phanchan tlaq kriika banbokmii, rashe shaphaq chang. Kra manphan thun ka, nashiq raq Shiikeawe lamphan na amet lap chang jam min ahü. Nashiq raq Shiikeawe lamphan tri sap wan ka, nashiq raq kamtsantsii rüm tiikai kra miitiq sap tiikai. Akhnok banbokmii manphan tai laitiika riimak.

Titus 1:14

Ümchaü sanha, tsangshiq Jehudinok manphan ajiq raütu kriika, akom raüta raqkam niishe mitiikü baiq laq. Kra manphan raüpot tu kriika, maiqse nübok maq adong. Arka Tengteng bomtsi kra lang makti nübok maq adong manphan.

Hebrews 13:9

Tsütsa Ahea na chongtlaq, tingting rilung lamphan tlan kiiwa, maiq ahinti raq, namshiq ma arot akiq bomtsi thun shrinkuq raüla, namshiq tiishon ron haü la, namshiq ka naqshon rongkiq. Shiikeawe kaphap mangchan wokhong maq, nashiq ka tsailam jilam sitiikai. Ahata nashiq ma ningkun tu. Shatmaq, aphaq asea lam na seng raüta, arphan arka phaq sea raa mak; arphan arka aphaq sea chang; arphan arka phaqsiq mai chang, apii phan nguta tlang kuq tlaq, kra bomtsi ka, nashiq ma aliip dong chang ahü. Akhnok tri lamphantibi miika jamlai achu min ahü.

James 2:20

Ai, angi we loi! Kamtsantsii ka jaqsham maq tiichhikuq wan mak raü ka, shaqmii nguta chongtlaq kra ümniiraq sapmaü sha?

Revelation 22:18

Ngi, Johan raq, ara lakdap wa shammi bom taitibi loweatek ma, atsidada chong tiikang: Ashi ra raq arthun arthaq na bom poshi ra tiitsuq nong raüla, Shiikeawe raq apaiq ma mo ka ara lakdap thawa chongtlaq, kriithaq na atiitsuq mirkuq.

1 SAMUEL 25:21

Kiitiikaq Dawit tsan mong niika akha shiweasiq wanto, “Arwe tachong hupsam nyamse kong arka ngi raq ara rumnyangkhi wak ram na jam nguto tiikhup wongkuq wan kang? Apaiq nyamsekong wa akha ashi ra se dongdii min ahuk arot ngomin ahü maq tiiwongkuq kang. Ngi raq apaiq ma kiitin khan khrum kuq kangta khoti, apaiq raq ngi ma akha shipoq tlo nya!