Matthew 15:9 - Hawa Naga Bible 2001

⁹ Tsuingshiq rueq ngaz muex nawk palx yaq lvmx kuex khuec guez dvyx rvtueq, yvmx khoc lac ngoz ruiux lec tsuingshiq kuex miq rueq tvhungx vtueq vjungx htenc kuex ngvy tvrac htenc ikhoc tvluing kuq yaq ngoz tueq jungx yaq kvjaz mtanc lac aungx yaq nguinx!’ ” ngoz tueq jungx tueq.

ASII LAKDAP Bible (BSI)

⁹ Tsangshiq raq ngi shomnoq wan tlaq kriika atuli. Tsangshiq raq maiqse thungtri kra shrinkuq raüta nangnga, ngi raq akuq thungtri shrinkuq tiikai nguta tiima tlo!’ ”

Muklom

⁹ Ning aa nga thang hung na shumnuk phang, chammatakoi ning aa miqtang thong sha i thong ta bat eq tatal kot aa.’”

Matthew 15:9 Referencias Cruzadas

Tvtsvmc 39:6

vyac khawx vshiz htauk nuex muinz pinhtumc jvnc yaq rvmuq. Piq rueq shuimx yaq phvnx htenc muinz khuec guez tvkoc dvyx rvtueq; piq rueq tsak vnyvmx tvjomx taq ruiux muinz kvruex kuex uraq wuez lvp shvnx tuiuz muq.

Tvtsvmc 73:13

Kvkhoc rvtueq ngvy shauk pumz ngaz sawc laz juing ngoz tueq, mvrax shuimx mauk maq httax wvnc tauk kuex khuec guez dvyx wuez rax tvnx?

DUNGWVNC 20:7

“Ngvy muingc kuex khuec guez nuex shuimc mvy muq, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngvy muingc khuec guez tvyaungc jix waz muex murx tvgurc shaungx.

ISAIA 29:13

Yehowa rueq, “Vruex miq htenc vraq ngaz muex nawk palx tvkoc jungx wuez yaq, yuq muinz tsuingshiq kvjaz htenc kuex vlvmz vguez, tsuingc thuinz vmungx muinz baungshiz shiz nuex phaungx wuez yaq. Tsuingshiq nawk palx htungx kuex tsuingshiq rueq khuec guez tvtsuingc miq tvrac htenc nuiyc htungx vlayx htenc maq lvy vtueq khuec guez dvyx rvtueq.

LEWI 26:16

nuimshiq muex murx tvgurc phaungx. Ngaz rueq nuimshiq kuex vtsiq vphemc mvy muq vthuiuz vsac maq muinz, nuimshiq muik maq khiz muit vthuiuz vsac nuiyc nuimshiq rullungx nuex heq juing kuilc daz jamjaux kuex tvkaz shaungx. Nuimshiq rueq pulx thuey khic yuingc ruiux muinz vjux lvp phauk muit, yvmx khoc lac ngoz ruiux lec nuimshiq ralx htenc rueq nuimshiq kuex khvt taungx gay ruiux, nuimshiq rueq khic yuingc shuinx vthuey vngoz htenc kuex phauk saq gay shuex rvtueq.

LEWI 26:20

Nuimshiq yauk shuimc hunnyex thuiyc ruiux muinz khuec guez dvyx, yvmx khoc lac ngoz ruiux lec nuimshiq ghaq vraungx nuex vthuey vngoz thuey muq, pulx thuey jungx htenc kuex vthuey thuey tuex rvmuq.

MALAKI 3:14

Nuimshiq rueq, ‘Tishox muex nawk palx kuy kuex khuec guez dvyx. Vpiq rueq jungx yaq rulc rv-ngvlc shuimx kaz ruiux muinz, naungshiq miqmac yaq wvnc tiq mvrax htenc laung nuex yonzyex vtix lvmz Tvphaungc Tvsuip Yehowa muex laungc maq tvkhic ruiux yuq muinz yvmx vjux lac httax yaq nguinx?

Matthew 15:10

Kvkaq Yesu rueq nuk miqsaz htenc gvl vtueq jungx kuq tueq kuex, “Tay tvtsuingc vtueq tuiuz tay wuez shuinz!

Mark 7:7

Tsuingshiq rueq ngaz muex nawk palx yaq kuex tsuingshiq tvkoc shauk httuiz dvyx, yvmx khoc lac ngoz ruiux lec tsuingshiq kuex miq rueq vtvhungx tvrac htenc kuex Tishox tvrac htenc ikhoc jungphvnx tvluing kuq yaq!’ ngoz tueq Tishox rueq jungx tueq ngoz tueq wuiyq shec tueq.

1 Corinthians 15:2

Kvruex shuenruenc bomjungc kuex nuimshiq muex ngaz rueq jungphvnx kuq phaungx bomjungc rvtueq. Nuimshiq kuex shuenruenc bomjungc muex phaungx duingduing kvmluimx rvwak ruiux yuq, nuimshiq palc daungc wvnc rvhumc tuinx. Kvkhoc rvmuq ngoz ruiux kuex nuimshiq kvmluimx vtuinx lvmx kuex khuec guez muex dvyx yaungx tuex.

TRI CHONGKE 12:32

“Nuimshiq muex ngaz rueq nvr vphaungx htenc kuex shuimx kaz wuez shuinz; tvrvp htawc muinz mvy muq, tvyomx gay muinz mvy muq.

1 Timothy 1:4

Vsuing yaungx lot muq jungphvnx yaq mvnphvnc htenc jix vwaz tamx rueq phvnx jvnx loayc hvlc jungx yaq lvmz htenc tvy gay tvkoc tsuingshiq muex jungx shuiuz. Kvruex lvmz htenc rueq rvthoz rvthvy rv-ngoc rv-ngac dvyx tvdung yaq ningkhvnc nuex kvmluimx maq dvyx tuiuz lot yaq Tishox kvmungx lvmx kuex tvyaungc lot muq.

Titus 1:14

Yuda htenc rueq jungphvnx yaq mvnphvnc kvjaz htenc nuiyc tsuingrux lvmx kuex tvdux gay jix hez tvrac htenc kuex tuip gay tvkoc muinz tsuingshiq muex daungdaungx tvtharc juing rvtueq.

Hebrews 13:9

Nuimshiq kuex lvmx tvyaq vtueq rv-ngvlc muq htungx vlayx phvnx ruip saz maq tvshonx bawx yaq kvyuq nauk phvnx wuez kaz. Phuiuz vsvy nuex seng yaq phvnc juing tvrac htenc kuex phvnc tvhungx rvmuq maq, Tishox kejux wawc siyac hungc vlaungc lvp wvnc waz kuex vhvlx pinhtumc rvtueq; kvruex phuiuz vsvy nuex seng yaq tvrac phvnc jix htenc rueq yvmx muinz romc kuq lot muq.

James 2:20

Miqyaq vngaz lex! Honc vyaungc vguez maq kvmluimx tuiux kuex khuec guez yaungx yaq lvmx tuiuz roc haz?

Revelation 22:18

Vruex luik nuex httax yaq shvmmax kvjaz kuex tay wvnc jix htenc muex ngaz Yohan rueq tvtsuir daungdaungx honc jungx kuq vphaungx: uraq yuq muinz vruex dvp vyuq phvnx shishiz tvrvp wuiyq ruiux yuq, kvruex waz htauk nuex Tishox rueq vruex luik dvp vyuq jungx shec tueq thuimkux htenc kuex tvhttuiuc kuq shuex.

1 SAMUEL 25:21

Kvkhoc max rvhumc nuex Dawid rueq tvmaung tueq, “Yvmx ngoz tueq lac yaruix tvnx vmaq piq hup vsvmx htenc kuex tvkhup wungx lawc kuq wvnc tauk nguinx? Piq rueq guimz yaq hup vsvmx phvnx shiz muinz guiuq gay tiq rvmuq, kvruex kuex ngaz rueq piq muex kuq tauk romc lawc kuy lvmz ningkhvnc nuex piq rueq ngaz muex yez kuy dvyx rvtueq.