Matthew 15:10 - ASII LAKDAP Bible (BSI)

¹⁰ Kra ngu raütiishe, Jesuq raq nokwe ka atho na triitam hiato. Raüta tsangshiq ma akha chong- kuqto, “Ara i bomchong ara tiitsang tairong laq. Lanta namtsan mong na shaq ronglaq!

Hawa Naga Bible 2001

¹⁰ Kvkaq Yesu rueq nuk miqsaz htenc gvl vtueq jungx kuq tueq kuex, “Tay tvtsuingc vtueq tuiuz tay wuez shuinz!

Muklom

¹⁰ Jesu aa miqtang tha urel náng hal eq batta, “Tat inn, etho sam inn.

Matthew 15:10 Referencias Cruzadas

1 HOKHVMX 22:28

Kiijiishe, “Ümniika hansang maq jang wan haü jiila, Tatiwe raq ngi lümaq chongmak dea ngushat miraq!” nguta Mika raq tiiphok tra chongto. Kiimaq apaiq raq akhiiri nguto, “Namshiq wiitarü raq tiitsang tai ronglaq, ngi raq jamlai wa chongkang kra!”

ISAIA 55:3

“Taironglaq ümchaü, isenginok lei, lantea Ngi phana warong ra; warong ra, raüla namshiq raq rilung milap han! Ngi raq namshiq rai pattup pat-sa miitu tong mishongha, lata achu shiiman mikuqha, Ngi raq Dawit ma kiq akham kuqha kra.

ISAIA 6:9

Kraimren apaiq raq ngi ka thaüto. Raüta ara tsütsa ara mungmaiqse ma chongkikiq nguta tiikito: “Namshiq raq ümtinkhan li taihan jiimin, namshiq raq taklot man. Namshiq raq mak maq ümtinkhan li liihan jiimin, jamlai mra wa pintlaq kriika sapman.”

Matthew 13:19

Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Matthew 15:11

Maiqse raq anü mong na jamlai wa thii wan tlaq kra riika, apaiq ka Shiikeawe man na ashe miika tiija mak. Shatmaq, apaiq raq anübok maq jamlai phan bomtsi wa bom tlaq, kriiraq apaiq ka Shiikeawe man na ashe ma tiija tlo.”

Matthew 15:9

Tsangshiq raq ngi shomnoq wan tlaq kriika atuli. Tsangshiq raq maiqse thungtri kra shrinkuq raüta nangnga, ngi raq akuq thungtri shrinkuq tiikai nguta tiima tlo!’ ”

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Luke 24:45

Kra tru chongkuq raütiishe, Asii Bomtsi kra takwan miitu, apaiq raq tsangshiq khutsai kra tiikhang kuqto.

Ephesians 1:17

Kiimaq nashiq Tati Jesuq Khristo ma Awejong Shiikeawe, achhai anyii khushü ajong rümti we jaq wa, namshiq miitu achu jaü tiikang, apaiq raq namshiq ma, Asii Wenyi ka asho awo mikuq laq nguta. Raüta namshiq ka, wenyi rilung na taksu maiqse ma mitiija laq. Kiimaq, Asii Wenyi raq namshiq ma Shiikeawe rai atsaü maq mang mitriisap kuq wan laq. Krai mren, namshiq ka apaiq ma tsanwa wetiim ma mitiija laq.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.