Matthew 13:57 - ASII LAKDAP Bible (BSI)

⁵⁷ Kra bomtaq krai mren, tsangshiq raq apaiq ka khüphit nüphit li she shipoq baiqto. Kiijiishe Jesuq raq tsangshiq ma chongkuqto, “Shiikeawe shammi ka maiq barapti raq shreng wan tlo. Shatmaq apaiq maiqmii hiqshongti nai apaiq jamtitiim riika shreng mak.”

Hawa Naga Bible 2001

⁵⁷ Vpiq lvmx kvmac thuinbac wvnc vtueq vpiq kuex tvdux gay wuez tueq. Yesu rueq tsuingshiq muex, “Shvmmax kuex miqmac ghaq nuiyc miqmac yuimx maq lvy vtueq vganc maq jix muingc jungc httax yaq,” ngoz tueq jungx kuq tueq.

Muklom

⁵⁷ Etho ning aa piq tha jungman chakta. Jesu aa batta, “Ashey rangsamal eq umung nia uhimtey tang sha dakchak eq thaji adak haq wang piq aa rangka kapna.”

Matthew 13:57 Referencias Cruzadas

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

ISAIA 8:14

Jamkhano ngukla, Ngi ka pinthum kiinyii chang asii khamaq, Ngi ka longkaü ikha maiq tiithaü raüta küraitlo. Kiimaq Ngi ka chhü atsan ikha Juda mungti nai Israil mungti kiimaq Jerusalemti pat rai chang tsanje sitiikang.

Matthew 11:6

Kechu jonghea jurwa ngi ma kamwan tsantsii ka tiijam mak maq siwan ruq siwan tlaq!”

Matthew 13:58

Tsangshiq raq apaiq ma kam mak kriikha maq, apaiq raq kiijaq awang chang jaqsham min apa sham mak dea riito.

Mark 6:1

Jesuq ka kiimaq ajaqshisetiim rai ahiq shong chela niishe hali jang wan nongto.

Mark 6:14

Kiimaq, Jesuq raq ümtinkhan wa jaqsham wantaq kra tsa ka, barap binrii niishe nyam wanto. Hokham we Herod riimin arthun tsütsa ka taito. Maiq wiijamti riika, “Apaiq ka Khamlamketi we Johan ira, ama wa powa nongto! Kriikha maq, apaiq raq atinkhan, awang chang jaqshamtlaq ara,” nguta riichongtlo.

Mark 6:3

Apaiq arka tsiimwe sitlaq ira riimak sha? Anyung ka Meriq riimak sha? Kiimaq anotiim ka Jakob, Joseph, Judas, kiimaq Simon riimak sha? Kiimaq ashea nyungtiim min ajaq sitlaq riimak sha?” nguta tsangshiq liipan na, shipoq khiq lam miili riibomto. Krai mren, tsangshiq raq apaiq ka akhiismin brorii mak miili she, chuphit nüphit shipoq baiqto.

Mark 6:4

Kiijiishe, Jesuq raq tsangshiq ma, “Shammi ka barapti raq shrengtlo. Shatmaq, ahiq shongti nai ata awii raq, kiimaq ajamtitiim riika shümü mak miraq,” nguta chongkuqto.

Luke 4:24

Kra bom raütiishe Jesuq raq tsangshiq ma, “Shammi ngutlaq kriika, ahiqshongti raq tao mak,” ngutiishe tsangshiq ma chongkuqto.

Luke 7:23

Riita jurwa ngi ma kam tsantsii kra tiijom mak maq sitlaq, kriiti ma pinthum kechu jonghea!”

John 4:44

Ara jamkhano chongtiikai ngukla, apaiq raq nguto, “Shiikeawe shammi ka maiqmii hiqshongti riika shreng mak,” nguta chongto.

John 6:42

Kriikha maq tsangshiq ka, “Apaiq ka Joseph se Jesuq riimak sha? Nashiq raq awe nai anyung ka asap i. Riita apaiq riika, apaiq ka ramungtan wa asatki we ngutiika, jamkho tiishom ra rai tla?” ngutiishe bottrang hoto.

John 6:61

Tsangshiq botnyan trang tlaq kriika, jurmin Jesuq miika chong mak dea. Shatmaq, Jesuq riika asap. Kriikha maq, apaiq raq, “Namshiq ka ara tsii chongke bomtsi ara tai lanta, tsinhea taklot mai, athaq baiq chang she ngutiisha tiima tlan?