Matthew 13:57 - Hawa Naga Bible 2001

⁵⁷ Vpiq lvmx kvmac thuinbac wvnc vtueq vpiq kuex tvdux gay wuez tueq. Yesu rueq tsuingshiq muex, “Shvmmax kuex miqmac ghaq nuiyc miqmac yuimx maq lvy vtueq vganc maq jix muingc jungc httax yaq,” ngoz tueq jungx kuq tueq.

ASII LAKDAP Bible (BSI)

⁵⁷ Kra bomtaq krai mren, tsangshiq raq apaiq ka khüphit nüphit li she shipoq baiqto. Kiijiishe Jesuq raq tsangshiq ma chongkuqto, “Shiikeawe shammi ka maiq barapti raq shreng wan tlo. Shatmaq apaiq maiqmii hiqshongti nai apaiq jamtitiim riika shreng mak.”

Muklom

⁵⁷ Etho ning aa piq tha jungman chakta. Jesu aa batta, “Ashey rangsamal eq umung nia uhimtey tang sha dakchak eq thaji adak haq wang piq aa rangka kapna.”

Matthew 13:57 Referencias Cruzadas

ISAIA 49:7

Israel muex vsawc Tishox nuiyc palc daungc jix waz rueq lotlaz rueq wvlc guez tvyaungc yaq waz, Miq phvnx htenc rueq shuiuc pac yaq waz nuiyc guimz lawc jix hez nvrc waz muex yaungx yaq waz kox nuex vkhoc jungx yaq: “Hokhvmx bix rueq mnoz kuex tvdung gay rvhumc tuiux, tsuingshiq rueq tvtsanc nganc yaq kuex tvkhic tvkoc kvtenc wvnc tuiux; hokhvmx sahez rueq muinz kvruex khiz wuez shuex, tsuingshiq rueq mnoz kuex tvtsanc nganc tvkoc bumx vtueq nawk wuez shuex.” Yehowa vpiq nvrc waz kuex thvlc tvy ningkhvnc nuex vruex lvmz yaungx wvnc tuex; Israel muex vsawc Tishox rueq vpiq bomkhvmc htenc kuex tvmvrc shuex.

ISAIA 53:3

Naungshiq rueq piq muex suirsac vtueq tvdux gay tiq; piq kuex kuilc daz vtueq thuiuz sac tueq. Piq kuex kvroz vtueq lawc jix vshiz muinz vguez, naungshiq rueq piq kuex htawz guez miq ikhoc wvlc guez muex tvyaungc tiq.

ISAIA 8:14

Vhiz tvtsanc nganc juing ikhoc ngvy vsawc ngauz vngax ningkhvnc nuex ngaz kuex miq htenc kvhtuip rulc juing lung ikhoc rvtauk; ngaz kuex Yuda nuiyc Israel mungx miqsaz htenc nuiyc Yerusalem ghaq jix htenc kuex tsvnc yaq bix ikhoc rvtauk.

Matthew 11:6

Ngvy htauk nuex kvmluimx thuinz yaq muq waz kuex thuinhvlx yaq!” ngoz tueq jungx kuq tueq.

Matthew 13:58

Tsuingshiq kvmluimx thuinz vguez ningkhvnc nuex, kvruex baung kvyuq vwangc juing romzyac paunghvlc vpiq rueq shuimx muq doc rvtueq.

Mark 6:1

Yesu kuex kvruex baung kvmaq dung wvnc vtueq vghaq shungc nuex yek waung tueq, vpiq sangac hez muinz vpiq rulc kaz naungx tueq.

Mark 6:14

Yesu thaungc kuex baung ruip saz nuex nyvmc wvnc vtueq Herod hokhvmx rueq kvruex lvmz lotlaz tay tueq. Miq wvyvmc rueq Yesu ngoc, “Yuix Luip Yohan thueyc vtueq vyuing kvtenc wvnc waz rvtueq! Kvkhoc ningkhvnc nuex vpiq rueq vwangc juing luimc vkawc shuimx lot yaq,” ngoz tueq jungx wuez tueq.

Mark 6:3

Vpiq kuex Mary saz Yaku, Yosep, Yuda, Simon hez phuz thamx waz rvtueq rvmuq haz? Vshvlx nyuiuz hez muinz naunghez rulc vdvmz vyuq httax yaq rvmuq haz?” ngoz tueq wiz tueq. Kvkhoc raz tueq tsuingshiq rueq vpiq kuex tvdux gay tueq.

Mark 6:4

Yesu rueq tsuingshiq muex, “Shvmmax kuex miqmac ghaq vraungx maq miqmac taungnyuing sanox nuiyc miqmac yuimx maq rvmuq ngoz ruiux yuq jix vmuingc jungc dung yaq,” ngoz tueq jungx tueq.

Luke 4:24

Kvmaq vpiq rueq, “Ngaz rueq nuimshiq muex vsuing jungx kuq ix, mruex jix shvmmax rueq muinz miqmac ghaq maq malc wvnc rvhumc muq.

Luke 7:23

Ngvy htauk nuex kvmx thuinz yaq muq waz kuex thuinhvlx yaq!” ngoz tueq jungx kuq tueq.

John 4:44

Shvmmax kuex miqmac mungx maq muingc jungc vhvlx lvp muq ngoz tueq Yesu rueq vpiq pumz maq jungx wvnc tueq rulc rv-ngvlc kvtenc waung wvnc tueq.

John 6:42

Kvkhoc rvtueq tsuingshiq rueq, “Vruex waz kuex Yosep saz Yesu rvmuq haz? Vnyuiuz vwaz kuex naungshiq rueq tuiuz yaq. Kvkhoc rvyruiux, majuiuc vpiq rueq ngaz kuex raungmungx maq vsvt kaz ngoz tueq ngoz yaq nguinx?” ngoz tueq.

John 6:61

Kvkhoc kungjix bix kvbot nyvnx yaq kvjaz kuex Yesu rueq tuiuz ningkhvnc nuex, “Vruex kvjaz vmac nuimshiq thuinz haz bac yaq nguinx?