Matthew 13:22 - ASII LAKDAP Bible (BSI)

²² Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Hawa Naga Bible 2001

²² Shuiuq jungx nuex dvy tueq vlix htenc kuex bomjungc kuex tay wvnc ruiux muinz, majuiuc rullungx nuex rvwvlc tvmaung juing htenc nuiyc tsak vnyvmx lvp loay roc thuinz rueq bomjungc kuex luimz wvnc vtueq vthuey thuey lot muq rvtueq.

Muklom

²² Su bangna qhat aa uli sha iri miq mal, bara Shkewa raaq tat aa etha otho iri rollung tinthin etho tanglom angma tinthin eq Shkewa raaq sha damnak aa etho ning thiwang bangti tingo moq.

Matthew 13:22 Referencias Cruzadas

Tvtsvmc 52:7

“Liironglaq, arwekaü ka hansang maq si miitu Shiikeawe ma lam mak, shatmaq atsiiq tum miili kamto kiimaq abi kiimung kli apaiq khupwongti nguta kamsiqto.”

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

TAKSU LAK 11:28

Jurwa maiqmii tsiiqtum ma kam raüta sitlaq, kriiti ka lamsesat pejaq roktlaq ikha mirokki; Shatmaq kechu maiqse ka, raju nyiimjaq nümwa ikha miraq.

TAKSU LAK 23:5

Ümkampho ka maklii liipan niili, liihawe kaü biwan tlaq ikha, arakong cham raüta mibiwan.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

JEREMIA 4:3

Tatiwe raq Juda mungti ma nai Jerusalemti ma akha ngutlo, “Namshiq wak phu maq thaihü thun kra athei ronglaq. Namshiq raq tsamlai ka shukrü mong na naq wan rongkiq.

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 13:39

Kiimaq sanglai wanwati we wesang ngutlaq kriika thawe kra nangnga ngutlo. Tsamhan akhing ngutlaq kriika phangthum akhing kra nangnga ngutlo. Kiimaq tsamhantibi ngutlaq kriika rasetiim kra nangnga chongtlo.

Matthew 13:40

Sang ka jamkho riichom raüta wa na chaq baiq wantaq, kiikhiisii hali phangthum akhing ranaiq na Thawe rii maiqse ümchu wa siwan tlaq kra, riichom raüta wa na michaq baiq wan.

Matthew 13:7

Kiimaq tsamlai wiijam ka kiimko rang babaiqhü ba na rokto. Krai mren kiimko rang ka song wan nong raüta, tsamcham thun ka wiita tiijong lap mak kaqbaiqto.

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Luke 12:21

Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Luke 8:14

Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

Acts 8:18

Simon raq phungmaiqsetiim ma kiimwebi raq tsangshiq khum na jaq maq sham raüta achu jaükuq wan taq kra lümaq, Shiikeawe raq tsangshiq ma Asii Wenyi kewan kra chhito. Kra chhi raütiishe, apaiq raq Petar nai Johan ma kampho kuqto.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

1 Corinthians 1:20

Ikhiijiika, taksmabi thii ka ümbano? Riimakla phaqchi maiqsebi thii ka ümbano? Riimakla ara mangjong hiq wa tsitwe thii ka ümbano? Shiikeawe raq mangjong hiq wa taksmabi ka khanhü ma tiija baiqto!

1 Corinthians 2:6

Li jiimin, ngi raq taksma phaqchi tsütsa ka kamasham na maiqlati ma min phanchan kuq wan tiikang dea na. Shatmaq tiina ara chongtiikang taksma phaqchi arka mangjong hiq wa phaqchi ka riimak. Kiimaq ara mangjong hiq langti ningkun miimin riimak: Ara ningkun thun arka ajom wan miiqshmiiq sitlo.

1 Corinthians 2:8

Ara mangjong hiq langtibi hokhambi thun raq, ara phaqchi arka jurmin sap wan lot mak riito. Tsangshiq raq ara sapshat ngu raü jiika, achhai anyii Tatiwe ka pumsongkham na tübaiq mak mirwa.

1 Corinthians 3:18

Jurmin maiqmii nai maiqmii ka angok angi ma naq tiijan rongkiq. Namshiq phong wa weshi ra raq, ara mangjong hiqti maiqse maklii na, atsii we sitiikang nguta tiima tlaq jiila, apaiq ka riikhaqli atsii we ma jawan miitu, angok angi we ma mija laq.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

Galatians 1:4

Ümchaü ara abi ngarai pat arwa nashiq ka wase ma tiijawan miitu, Khristo raq apaiq miisaq ka nashiq ngarai thun miitu kuqto. Arka Shiikeawe, kiimaq Nawe raq thapthitaq kra lang raüta tsaito.

Ephesians 2:2

Kra lea wan lan akhing na, namshiq raq ara mangjong hiq na siti, abi maiqse rilung lam kra phan lanta silan. Krai mren, kiitiikaq, namshiq ka, ara ümchaü pat wa mangjong maiqse, Shiikeawe kiq khiiti ara jamsha wanti we, rawang win na siti abi winji welabi thun thaq na, hokham jati we wokhong na silan.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.