Matthew 13:22 - Muklom

²² Su bangna qhat aa uli sha iri miq mal, bara Shkewa raaq tat aa etha otho iri rollung tinthin etho tanglom angma tinthin eq Shkewa raaq sha damnak aa etho ning thiwang bangti tingo moq.

ASII LAKDAP Bible (BSI)

²² Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Hawa Naga Bible 2001

²² Shuiuq jungx nuex dvy tueq vlix htenc kuex bomjungc kuex tay wvnc ruiux muinz, majuiuc rullungx nuex rvwvlc tvmaung juing htenc nuiyc tsak vnyvmx lvp loay roc thuinz rueq bomjungc kuex luimz wvnc vtueq vthuey thuey lot muq rvtueq.

Matthew 13:22 Referencias Cruzadas

Matthew 12:32

Ashey miq eq Miqna Sa ma jashit raaq ajo piq ma tolchak eq na, etharin ashey miq Asang Tsija ma jashit raaq ajo, piq aa tolchak kap moq angna! Iri mingkang etho ukat ang pha mingkang sho tho piq aa tolchak kap moq angna.”

Matthew 13:39

Naamthing li wontey ralwa sha Thangwa. Cham khan sha iri mingkang thom saal, etho cham khantey tang sha rangkamwa tang.

Matthew 13:40

Naamthing phi eq kashey o khak eq takchakta mal iri mingkang uthom saal otho irimal angna.

Matthew 13:7

Chamtey tey uli tha su thamna qhatta, etho eshi tang tha tat phuk eq cha atho sutham they qhipchak eq ti ta.

Luke 12:15

Etho piq aa thaji miqtang ma batta, “Rangtun eq tong inn, kaplap tinthin wang rangtun eq tong inn; chammatakoi ashey miq chamtan tanglom ang ajo tho iriwang piq rollung sha chamtho ahung angna.”

Luke 12:21

Uthun ma Jesu aa batta, “Utang eq tho piq ni piq rangma lik angin thajoq shing aa, etharin Shkewa miiksiin na tanglom ang moq ang ajo piq rangma irimal hun angna.”

Luke 21:34

“Rangtung eq tong inn! Phaksat tang etho mokpang eq etho iri rollung rima ahan tathin eq nak tong inn. Irimal ang ajo eshi saal sha rikla thaman mal thupha na.

Luke 8:14

Su tham jaktung na uli qhat aa sha irimal miq, bara utat eq aa, etharin jio tinthin etho likti nginsang etho rollung sungrang tinthin tungkang o uli sha min moq.

Acts 8:18

Apostle tang aa jak shing ajo Asang Tsija kapta Simon aa khi eq Peter nia John ma ngin kot pha náng ta bat eq batta,

Romans 12:2

Iri mingkang miq dangjang mal nak ang inn, etharin nim thung anal ang eq nim dangjang shi cham kaley aa. Irimal ang ajo nim aa Shkewa tin sha sam nin; piq nim rangma aqhal, khakla, etho unuk ang eq tin shing aa.

1 Corinthians 1:20

Thung atal shi barina? Asam atol shi barina? Iri mingkang ro rapney jaqhal wang tung aa raaq may raaq aa miqtang thi barina? Iri mingkang thunglam tallam sha athom ta Shkewa takhi kot taphi!

1 Corinthians 2:6

Etharin arong kamtey tang ma í aa thunglam tung aa raaq bat i, etharin ira mingkang thunglam ang moq etho mingkang jaktáng o shingtey tang thunglam ang moq, bara kalo matwang angna.

1 Corinthians 2:8

Iri thunglam raa mingkang jaktáng o shingtey tang eq sam moq angta. Ning aa ira usam eq ta jo, ning aa phun amun Teyhungwa bólq na tatik ma kot moq ang wangta.

1 Corinthians 3:18

Utang eq tho piq ni piq sha athom ma hun ching ang moq. Nim wang chamtey iri mingkang rangma thunglam aa asam ta tathin ajo, piq sha athom ang ching. Irimal ang ajo piq sha asing eq asam atol angna.

2 Corinthians 4:4

Ning aa han moq, chammatakoi iri mingkang jashit rangwa aa ning khoti sha anak na shingchak ta. Piq aa ning khom na bara ulit ang aa, esha khi ma kot moq, eshi ulit sha Khristo phun amun tungtang qhal wang thupha; Khristo sha Shkewa mal hun ang aa.

Galatians 1:4

Hiqtang Shkewa tinuk wang mal hiqtang ma iri thaney nap jashit mingkang wang thalun ma, Khristo aa piq ni piq tha hiqtang ngarey rangma kochak ta.

Ephesians 2:2

Eshi rangham tho nim aa mingkang jashit tang jiphan tin; nim aa thangwa raaq tat tin, bara jinkhi moq mingkang jaktáng o shingtey tang, etho Shkewa raaq tat moqtey miqtang khom o ajong tsija ang aa.

1 Timothy 6:17

Iri mingkang tanglom miq tangma tharangka moq angma etho kalo thun aa lik aa ngin sho tungmang shing moq ma raaqkhat kot u. Etharin ning aa Shkewa o tungmang cham shing aa bara hiqtang sungrang thaji tinlak eq kot aa.

2 Timothy 4:10

Chammatakoi Demas aa iri mingkang ma tinmat eq nga shingchak eq qhing chuwang ta etho piq Thessalonica samhaq náng qhing chuwang ta. Crescens Galatia náng qhing chuwang ta, etho Titus Dalmatia náng qhing chuwang ta.