Matthew 13:21 - Muklom

²¹ Etha otho ning tin mong náng awung eq wang moq etho chomrey saal ma hun angna. Shkewa raaq kam tungkang o tsamnang etho thahikham thu pha jo, ning aa kalo hun kam sha shingchak aa.

ASII LAKDAP Bible (BSI)

²¹ Shatmaq bomtsi ka tsangshiq tsan mong na atsaü na shang mak dea. Kriikha maq alu ka kham mak. Krai mren, ümra akhing niiwa, Shiikeawe bomtsi kra miitu maitai chamchao she saü tlaq, kiimaq maiqse raq tsangshiq ka tiichamchao tlaq, kra akhing na tsangshiq raq kamtsantsii ka thaq baiq saq lishe, thaq baiqtlo.

Hawa Naga Bible 2001

²¹ Yuq muinz bomjungc kuex tsuingshiq thuinz mungx nuex vruingx waungc muq baunglaung shiz saz dvyx httax tuex. Kvkhoc rvtueq bomjungc ningkhvnc nuex kuilc daz nuiyc vguirc vguenc rvhumc ruiux yuq, lvmx lvy dvyx dung kaz wuez tueq.

Matthew 13:21 Referencias Cruzadas

Matthew 10:22

I tungkang o, thaji miq eq nim raa chikrik pha nin. Etharin uthun nang thula kam shingchak moqtey tang sha ulun angna.

Matthew 11:6

Nga nàn phamong miqtang sha sunmaan.”

Matthew 13:20

Longkit náng, amaan sa buk náng qhat aa uli sha iri miq mal, bara Shkewa raaq tat eq, sungrang eq iri raaq raa kalo kap aa.

Matthew 13:57

Etho ning aa piq tha jungman chakta. Jesu aa batta, “Ashey rangsamal eq umung nia uhimtey tang sha dakchak eq thaji adak haq wang piq aa rangka kapna.”

Matthew 13:6

Etharin rangsal tha thalat atho, uli hapta tang tha qhuk tita chammatakoi uchíng sha awung náng wang moq angta.

Matthew 24:13

Utang uthun nángduk thanan eq jintong aa, piq hun lunna.

Matthew 26:31

Jesu aa ning ma batta, “Nim thaji thaney rangpal o nga raa shingchak eq jol chuwang nin, chammatakoi Asang likwit na thawit ang aa, ‘Nga kelwut rimtey sha tikwat náng, etho kelwut tang sha rong pan jol chuwang na.’”

Matthew 26:33

Peter aa piq ma batta, “Miqtang thaji eq nang shingchak phu jo tho, nga baluk otho nang shingchak pha mong ang náng.”

Mark 4:17

Etharin, Shkewa raaq ning tinmong náng wang moq tungkang o, ning tinmong na alo jin shing moq. Baluk otho Shkewa tung aa raaq tungkang o ning aa tsamnang etho tahikham rangham sey thu ajo, ning aa Shkewa sha kalo hun lakchak aa.

Luke 8:13

Longkit náng qhatta tha irimal miq, bara raaq tat eq sungrang eq han aa. Etharin uchíng sha haqmong náng wang moq; ning aa chomwey rangma han aa, etharin ning tari ma rangham thu ajo, ning eshiwang qhat aa.

John 6:26

Jesu aa ning ma thawel batta, “Nga nim ma asing asing batphang, nim aa patja jaksom khi tin tungkang o nga raa bi phamin, etharin nim aa banlo phaksat eq phut tin ethi tungkang o nga raa biphin.

Romans 2:7

Barey jaqhal jaksom som chey roq eq na etho phun amun, rangka etho timoq rollung sha bi aa, ning rangma Shkewa pattuk rollung kot na.

Galatians 5:6

Chammatakoi Khristo Jesu o hankhup qhan chol tia hankhup qhan hung chamtho ahung. Kam chen, bara tinmat tungkang o somlo aa, esha hun akhek.

Galatians 6:12

Bari miqtang rey rangkho o jaqhal ta miq ma takhi rangma tathin aa, ning aa nim ma hankhup taqhan rangma kachang chang aa bat phin. Ning tha Khristo bólq tungkang o tahikham moq angma irimal somlo aa.

Galatians 6:15

Hankhup qhan chol ang ajo tho tia hankhup qhan hung ang ajo tho chamtho ang moq, anal phanghun sha akhek.

Ephesians 3:17

Irimal ang ajo, kam tungkang o Khristo nim tin o tong na. Etho nim tinmat sha taching lo eq etho arong angma nga romtam chu ang.

Philippians 1:6

Shkewa nim jaktung o iri jaqhal jaksom raa phang somlo ta, etho Khristo Jesu saal o iri jaksom raa tathun náng thula piq aa somlo chey roq eq na ta nga han ang.

2 Timothy 1:15

Nang aa usam eq u, thaji Asia mungtey tang aa nga shingchak eq taphang. Ning shiwang Phygelus nia Hermogenes tho atha.

2 Timothy 4:10

Chammatakoi Demas aa iri mingkang ma tinmat eq nga shingchak eq qhing chuwang ta etho piq Thessalonica samhaq náng qhing chuwang ta. Crescens Galatia náng qhing chuwang ta, etho Titus Dalmatia náng qhing chuwang ta.

James 3:2

Hiqtang aa daqhan thaja eq som i. Utang tung aa raaq bat na thaja bat moq ang ajo piq sha khakla miqna ang aa; etho thaji hanphung sho jin táng eq aa.

1 Peter 1:5

Iri tang raa nim rangma, nim kam tungkang o Shkewa tarong wang nim raa uthun rangham o takhi lunwan rangma thalun phin.

Revelation 2:13

Nga usam sey ang, nang eshina tong u barina Thangwa tongching. Etharin nang aa i miing sey eq tongtu etho nga o kamtey miikkhi kottey Antipas sha ba samhaq na, barina Thangwa tong aa, tikwat chak rangham o tho nang aa nga o kam taphu.