Matthew 13:23 - ASII LAKDAP Bible (BSI)

²³ Kiimaq tsamlai hiq win ba na arok kriika, maiq ümriiti riiwa Shiikeawe bomtsi ka tai raüta, atak riiwan tlaq, kriiti ka shiiton tlo. Raüta, kamasham rilung na atsi ango pahea dong man tlo. Raüta tsamnyam nyamshi niili tsamrai ka shishi shi, rairoq trok kiimaq rairoqtsam dong mantlo.”

Hawa Naga Bible 2001

²³ Ghaq vhvlx htauk nuex vdvy vlix kuex bomjungc tay vtueq tuiuz tay wvnc jix ngoc rvtueq: tsuingshiq kuex vsuing vthuey thuey vtueq wvyvmc kuex tawx shashiz, wvyvmc tawx rok tvruk, wvyvmc tawx rokthuimx thuey ngoz wvnc tueq,” ngoz tueq.

Muklom

²³ Etho jaqhal haq na qhat aa uli sha iri miq mal, bara Shkewa raaq tat aa etho sam eq aa, ning aa bangti tingo kot aa; chamtey tey shey pangshashey, chamtey tey shey pang roktharok etho chamtey tey shey pang roktom kot aa.”

Matthew 13:23 Referencias Cruzadas

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

EJEKIEL 36:26

Ngi raq namshiq ma tsantsii anye she mikuqha kiimaq khutsai min anye she mikuqha. Ngi raq namshiq wanshakshak longkaü tsantsii kra alam she mirbaiqha. Lata ibom taiti tsantsii she mikuqha.

Matthew 12:33

“Petsi ka tsihea phan pansea ma jiila, achong kiimin chonghea phan riichang. Achong ka abi phan jiika, atsi kiimin abi miraq. Petsi chong ka chonghea phan sha chongbi phan wa kriika, atsi kriimaq tiisap kitlo.

Matthew 13:8

Shatmaq tsamlai wiijam ka hiq awin wiq ba na rokto. Krai mren tsam ka aheawiq dong manto. Kiiwa tsamnyam wiijam na, nyamshi niili rai shishi shi dongto. Kiimaq tsamnyam wiijam niika, nyamshi niili rairoqtrok rok dongto. Kiimaq tsamnyam wiijam niika, nyamshi niili rairoqtsam tsam dongmanto.”

Matthew 3:10

Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Matthew 3:8

Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Mark 10:15

Ngi chongpha, tai ronglaq, jurwa ara nosere akha ja raüta, Shiikeawe Mungtan ka tao mak, kriiti ka ümtiikiimin Shiikeawe Mungtan na saülot mak miraq.”

Mark 4:20

Shatmaq, maiq wiijam ka tsamlai hiq ngam na arok ikha. Tsangshiq raq bomtsi ka taitlo. Raüta langtlo. Kiimaq atsi ango riiwan tlo. Wiijam raq rairoqtsam, wiijam raq rairoqtrok kiimaq wiijam raq rairoqshi shi she tsi ngo tlo.”

Luke 13:9

Kra chhintsii jai she rawii atsi ahea tsikuq raü jiikla, tiibomhü she! Kiimaq tsikuq mak li riishatshat jiika, ümniiraq atiidaq baiq mimai she.’ ”

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

Luke 8:8

Shatmaq, tsamlai wiijam ka hiqngam na rokto. Krai mren, tsam cham ka aheawiq jong lu wanto. Raüta, tsam ka aheawiq dong man wanto. Raüta tsamnyam nyam nyamshi niili tsamrai ka rai shishi dong manto.” Ara chongkuq raütiishe, Jesuq raq abom ka akha shatto, “Juwa ni asi, kriiti raq tiitsang tai ronglaq!”

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

John 8:47

Juwa Shiikeawe pha wa aki, kriiti riili Shiikeawe bomtsi ka tiitsang tai tlo. Shatmaq, namshiq ka Shiikeawe setiim ka riimak. Kriikha maq, namshiq raq apaiq bomtsi ka tai roman.”

Acts 16:14

Kiijaq naishiq traho bom chongke tai wanti phong wa, jechak nyung ashi ka Lidia riito. Apaiq ka Thajatira chela wa aki rongmin khea piikiiti nyung. Apaiq ka Shiikeawe shomnoqti nyung. Kiimaq, Tati raq apaiq tsan achhü maq, Paul raq traho bom chongkuqtaq kra mitiitsang tai wanlaq nguta atsan tsii kilü ka dikuqto. Krai mren, apaiq raq Jesuq Khristo ma kamto.

Acts 17:11

Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

2 Corinthians 9:10

Shiikeawe ka maiqse ma achhi ajang chang tsamlai chomrom keti we. Kiimaq maiqse ma phaqnai sea chomrom keti we. Krai mren, Shiikeawe raq, namshiq ma tsamlai achhi ajang ma, namshiq ma ümchuwa ra wan tlaq, kra mikuq. Raüta, jamlai wa chhi jang tlan kra, mitiijong luwan. Akhiisii hali, ara ümchaü namshiq raq ümchuwa honglu phongtsoktsok kuqne wan lan, kra dong man wan raüta, namshiq raq asho awo tsam mijut wan han.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Philippians 4:17

Ara chongtiikang arka, ngi raq namshiq jaq wa kongphiq jaqmiiq siika, akhing khing na, lapphaqsiq wan ruq riiha jaq nguta ngo nang ka riimak. Ngi riika namshiq ma aliip apha riiwe ka apapa, liip pha wan raü jaq nguta tiima lalata chongtiikang.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

1 Thessalonians 4:1

Riita, chongtiikai krai mren, phunainotiim lei, namshiq raq Shiikeawe tiichochi chang rilung kli she si ronglaq. Arka namshiq raq naishiq rilung wa, jaqtho lap wan lan she. Riita, ümchaü sanha, namshiq ma nohotin trantsii chongkuq tiikai krai mren, namshiq ka ümchaü sitlan kra thaq niimin achat lantiishe, asii arai maq si ronglaq.

2 Thessalonians 2:10

Raüta, kra thun jaqsham ka chhi raüta, juwa wamungtan na kaihoti sitlaq thun ka, lamjiq nü niishe milaoho. Tsangshiq tiichhii wan chang, Tsütsa Ahea ka tsangshiq ma chongkuqto. Shatmaq, tsangshiq raq tao mak, shishe wan kha maq, Shiikeawe raq tsangshiq ka wamungtan na michaq baiq. Raüta, mishthen baiq.

Hebrews 4:2

Jamkhano akha tsii chongkuq tiikai ngukla, Tsütsa Ahea ka tsangshiq raq jamkho taitaq kiikhiisii hali, nashiq riimin tai kai she. Tsangshiq raq Tsütsa Ahea ka taito. Kriika tengto. Shatmaq tsangshiq ma amet dong chang jam min ahü riito. Jamkhano ngukla, tsangshiq raq kra taitaq tsütsa kiima, Shiikeawe raq tsangshiq ma nü mitiitsak kuqha nguta kiq kham kuqtaq kriika, tengteng dea mikuq nguta, kam mak dea riito.

Hebrews 6:7

Shiikeawe raq ra tiijun raüta, hiqngam ka awin wiq ma tiija tlo. Raüta petsi wiqtsam ahea wiq tiidong man tlo. Krai mren, petsi ka maiqse ma aphaq asea chang chamtraq tiidong man kuq tlo.

Hebrews 8:10

Riita ija, ümchaü sanha, Ngi raq rawiichii ji na Israilnok ka, I tongshong anye miishe mitiiham nong ha. Arka, Ngi Tatiwe raq chongtiikang. Ngi raq I thungtri raütu thun ka, tsangshiq khutsai na mithii kuq ha, Kiimaq tsangshiq tsan mong na miwaiq kuq ha. Lata, Ngi ka tsangshiq Shiikeawe ma mija ha. Kiimaq tsangshiq ka I sengi ma mija.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.