Mark 9:7 - ASII LAKDAP Bible (BSI)

⁷ Kra liipan bala niili, phumda kaü ashi satsaq raüta, tsangshiq ka nyamsaq li she pang wanto. Kiimaq phumda mong wa, “Arka I Se. Ngi raq apaiq pinthum lungwii tiikang. Apaiq bom ka taironglaq!” nguta maiq bom ashi she saükito.

Hawa Naga Bible 2001

⁷ Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

Muklom

⁷ Etho phun ka eq ning tha tathuk chakta etho phun wang ashey raaq kap tatta, “Ira i Miqwasa, barima nga tinmat ang; piq raaq shi tat inn!”

Mark 9:7 Referencias Cruzadas

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

Tvtsvmc 97:2

Phumthup nai ranyaq raq atro maq pangtlo; apaiq raq mung ka kechu maq nai tingting kappe maq shin raüta pengtlo.

DUNGWVNC 24:16

Kiimaq Tatiwe asi makse chat-hit chhainyii ka pum thaq na saükito. Israilnok maklii niika kra walü li chhaitlaq kriika pum khuthaq na walütu kaü nyairaitlaq ikha riito. Phum raq pum ka ratrok na saüli pangbaiqto. Kiimaq ramiishi ranaiq she angu na Tatiwe raq phum mong maq Mosheq ka heato.

DUNGWVNC 40:34

Kiijiishe Tombutiip ka phumda raq pang wanto. Kiimaq Tatiwe asi makse chathit chhainyii liliim raq Tombutiip ka mong wanto.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

Matthew 27:43

Apaiq raq Shiikeawe ma kamtlo. Kiimaq apaiq ka Shiikeawe Se nguta tiichong tlo. Ahea kata. Ikhiijiika, ümchaü Shiikeawe raq apaiq ka mitiichhii kuq sha, tiichhii kuq mak wa riijiiq, kra lii rong i shaq!” nguta slailiisiqto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 3:17

Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

Mark 1:11

Kiimaq ramungtan wa maiq bom ashi raq, “Ümniika I Se. Ngi ka ümniima kai khoqriiq tiikang,” nguta chongto.

Mark 9:6

Tsangtsam ka pinthum akii anyii raili riito. Kriikha maq, Petar raq jamkhii bom chang wa kiimin sap mak riito.

Mark 9:8

Kra tai raüta, tsangtsam raq trosaq raüta liito. Shatmaq, maiq ahin ka jumin chhi mak riito. Tsangshiq rai ka Jesuq lamlam li chhito.

Luke 3:22

Kiimaq, Asii Wenyi ka apaiq khuthaq na, haütaü kaü ikha satkito. Kiimaq kra akhing na ramungtan wa maiq bom ashi ka akha saüto, “Ümniika I Se shaq. Ngi ka ümniima pinthum khoqriiq tiikang.”

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 12:28

I We loi, maiqse ma üm khushü jonglu kli dea tiichhikuq laq!” nguta Jesuq ka Awe rai riibomto. Kiijiishe, “Ngi raq I khushü jonglu ka tiichhi kuq kang she. Kiimaq Ngi raq jangshi ri hali mitiichhi kuq nongha,” nguta ra wa maiq bom ashi raq Jesuq bom ka treto.

John 19:7

Kiijiishe, “Apaiq miisaq kra shiithum miitu naishiq nok thungtri asi. Ara jamkhano chongtiikai ngukla, apaiq raq apaiq ka Shiikeawe Se nguta tiichong tlo,” nguta mungmaiqse riitsaprai tlaq kriiraq, Pilat bom ka tre nongto.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 5:18

Ara bomtsi ara tai raütiishe, Jehudinok welabi raq apaiq ka atsea baiq chang, ngutiishe tsangshiq raq tri ka tiipha khato. Tsangshiq raq Jesuq ngeng wantaq arka, apaiq raq Asii Niitiitsak ranaiq tri raü kra jin wan lamlam li min riimak, shatmaq, Shiikeawe kiimin apaiq ma Awe nguta tiingo tlo ngutiishe ngeng wanto. Arka, apaiq kiimin Shiikeawe rai mren chhaq arang hoti we nguta tiingo riito.

John 5:37

Kiimaq ngi tiikaiti i We riimin la, ngi miitu tengteng hakhi kuqtlo. Namshiq raq apaiq bom ka jangshi min tai man shaq li. Kiimaq apaiq sham kiimin chhi man shaq li.

John 6:69

“Riita, ümchaü sanha naishiq raq ümniika Shiikeawe raq atiiki Asii Maiq Se nguta kamwan tiikai.”

John 9:35

Jesuq raq apaiq ka welabi raq sinagok wa shleq baiqto nguta tsütsa kra tai raüta, apaiq rai riihumkai kito. Apaiq rai riihum raütiishe, Jesuq raq apaiq ma akha waito, “Ümniiraq Maiq Se miika kam tlaü sha?”

Acts 1:9

Apaiq raq ara bom chongke lot ri li she, tsangshiq maklii rashra niili, apaiq ka ramungtan na shea wanto. Kiimaq ra wa phumda ashi raq, apaiq ka pang wan saqli pang wanto.

Acts 7:37

Kiimahali, Israilnok ma, ‘Shiikeawe raq ngi ka namshiq phana jamkho tiikitaq kiikha, apaiq raq namshiq phana, shammi weshi hali mitiiki nong. Kiimaq apaiq ka namshiqnok phan wa mishong,’ nguta tsii chongke wantiwe ka Mosheq riito.

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Romans 1:4

Kiimaq apaiq wenyi khum kriika, asii Shiikeawe Se. Apaiq ka asii Shiikeawe Se dea nguta tiichhike wan miitu, Shiikeawe raq apaiq ka amaa wa ningkun jonghea maq tiidong wanto.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

2 Peter 1:17

Apaiq ma Awejong, Shiikeawe raq Jesuq jonglu ka naishiq ma tiichhikuq wantaq akhing na, naishiq ka kiijaq Jesuq rai adam na asi riikai. Rakaü Hiq we Ajong Shiikeawe raq, Jesuq miitu naishiq ma akha chongkuqto, “Ahata I Se, sekhuq laqlaqse sitlaq kra. Ngi apaiq ma pinthum khoqriiq tiikang!”

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.