Mark 9:7 - Hawa Naga Bible 2001

⁷ Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

ASII LAKDAP Bible (BSI)

⁷ Kra liipan bala niili, phumda kaü ashi satsaq raüta, tsangshiq ka nyamsaq li she pang wanto. Kiimaq phumda mong wa, “Arka I Se. Ngi raq apaiq pinthum lungwii tiikang. Apaiq bom ka taironglaq!” nguta maiq bom ashi she saükito.

Muklom

⁷ Etho phun ka eq ning tha tathuk chakta etho phun wang ashey raaq kap tatta, “Ira i Miqwasa, barima nga tinmat ang; piq raaq shi tat inn!”

Mark 9:7 Referencias Cruzadas

Tvtsvmc 2:7

Hokhvmx waz rueq, “Yehowa rueq jungx yaq kvjaz kuex ngaz rueq tvtay jungx shaungx, vpiq rueq ngaz muex, ‘Mnoz kuex Isaz rvtoq; majuiuc raungnuiyq dvyx ngaz kuex m-waz muex yaungx vtaungx.

Tvtsvmc 97:2

Phuemx htenc nuiyc raungnyauk rueq vpiq kuex tvroz tuimz nuex httax ruiux; vpiq rueq tsuingrux nuiyc tvrac vlvmz maq guimz lawc yaq.

DUNGWVNC 24:16

Yehowa ngauz vngax phelez kuex kanx kvyuq svt kaz tueq. Israel miqsaz rueq kvruex phelez yaq kuex kankhux nuex wvrluic ikhoc khiz tueq. Phuemx rueq kanx kvruex raungx tvruk puingc gay tueq, raungx mvshix vngoz nuex Yehowa rueq phuemx mungx maq Moshe kuex gvl tueq.

DUNGWVNC 40:34

Kvkaq Tap kvyuq phuemx rueq puingc wvnc koq tueq Yehowa ngauz vngax phelez kuex tap mungx nuex lez kaz tueq.

DANIEL 7:13

Raungyac nuex vruex romzyac tvkhic khiz yaq baunglaung, miq ikhoc vshiz kuex ngaz rueq khiz tauk. Piq kuex ngaz kox nuex kvnvp kaz vtueq, phuemx maq kvyop ruiux pattup tvraungx yaq waz kox nuex kaz vtueq vpiq khaungkac nuex httax yaq.

Matthew 27:43

Vpiq kuex Tishox muex tvluimc vtueq, ‘Ngaz kuex Tishox Saz rvtauk,’ ngoz tueq. Rvtueq, kvkhoc ngoz ruiux Tishox rueq vpiq kuex palc wvnc roc shuex haz, naungshiq rueq lawc ix!” ngoz wuez tueq.

Matthew 27:54

Kvkaq nolaungx yungx washiz nuiyc piq rulc vdvmz Yesu bvmc jix nolaungx bix kuex gaqyung mux wvnc tueq nuiyc vganc phvnx yaungx wvnc tueq htenc kuex khiz vtueq, tsuinghez hiyaz kawc yawc wuez tueq, “Vsuing vruex waz kuex Tishox Saz doc rvtueq!” ngoz tueq.

Matthew 3:17

Kvruex yimaq raungmungx maq kvjaz tvruingc kuex, “Vruex waz kuex ngaz rueq raungc raq vshaungx, ngaz rueq lungwawc hvlc Saz rvtueq,” ngoz tueq.

Mark 1:11

Kvkaq raungx maq bomc poshiz jungx tueq, “Mnoz kuex ngaz rueq lungwawx vphaungx Isaz shauk rvtoq, mnoz kuex ngaz rueq raungc raq vphaungx,” ngoz tueq.

Mark 9:6

Tsuingthuimx pinhtumc hiyaz kawc yawc ningkhvnc nuex piq rueq yvmx jungc juing wuez tuiuz muq rvtueq kvkhoc jungx tueq.

Mark 9:8

Tsuinghez rueq lvmx lvy kvroz rix lawc koq tueq Yesu maq lvy vtueq miq vbez kuex khiz muq shex.

Luke 3:22

Vsawc Siyac kuex hituiuc saz ikhoc vpiq htauk nuex svt kaz tueq. Raungmungx maq, “Mnoz kuex ngaz rueq lungwawx vphaungx Isaz rvtoq. Mnoz kuex ngaz rueq raungc raq vphaungx,” ngoz tueq raungx maq kvjaz dung tueq.

John 1:34

Kvkhoc jungx tueq rulc rv-ngvlc yaungx wvnc tueq kuex ngaz rueq khiz tauk,” ngoz tueq. Kvmaq raz tueq Yohan rueq, “Ngaz rueq nuimshiq muex jungx kuq ix, vruex waz kuex Tishox Saz rvtueq,” ngoz tueq jungx tueq.

John 1:49

Kvkaq Nathanael rueq, “Tvluingc waz lex, mnoz kuex Tishox Saz rvtoq! Mnoz kuex Israel phvnx Hokhvmx waz rvtoq!” ngoz tueq tvralc tueq.

John 12:28

Iwaz lex, mmuingc kuex ngauz vngax tvdung shuiuz!” ngoz tueq. Kvkaq raungmungx wawc thuic bomc vshiz kuex, “Ngvy muingc kuex ngauz vngax tvdung wvnc tauk, laukshiz hulawx tvdung yek shaungx,” ngoz tueq.

John 19:7

Nuk miqsaz htenc rueq, “Kvruex waz kuex vpiq pumz ngoc Tishox Saz ngoz tueq kv-ngoc ningkhvnc nuex vthueyc aungx yaq ngoz tueq nuiyshiq tvrac nuex jungx shec tueq,” ngoz tueq tvralc wuez tueq.

John 20:31

Yuq muinz Yesu kuex Tishox Saz Mesia rvtueq lvmz nuimshiq kvmluimx lvp tvkoc muinz, kvkhoc kvmluimx wvnc vtueq, vpiq muingc maq rullungx lvp wvnc tvkoc muinz vruex lvmz htenc kuex wuiyq shec tueq.

John 5:18

Ekvkhoc ngoc ningkhvnc nuex muinz Vguilc Raungnuiyq tvrac yanc gay dvyx muinz rvmuq, Tishox ngoc vpiq waz ngoz tueq ngoz ruiux, vpiq shauk pumz kuex Tishox rulc tv-ngvlc tvy ningkhvnc nuex muinz, Yuda miqsaz htenc rueq vpiq kuex vthvy gay tvkoc dvnc wvnc wuez tueq.

John 5:37

Ngvy tvkay jix waz Iwaz rueq muinz ngvy lvmz hakhix khvmc kuq yaq. Nuimshiq rueq mkaq muinz Iwaz thuic vbomc kuex tay muit doc, vpiq shvmx muinz khiz muit.

John 6:69

Mnoz kuex Tishox kox maq vhttuiuc kaz Vsawc Washiz rvtoq kuex nuiyshiq kvmluimx wvnc vtueq tuiuz wvnc tiq shex,” ngoz tueq.

John 9:35

Kvkhoc yurc gay tueq lvmz kuex Yesu rueq tay vtueq, kvruex waz rulc rvhumc tueq nuex, “Miq Saz kvmac mnoz kvmx vtuiux haz?” ngoz tueq wiz tueq.

Acts 1:9

Kvkhoc jungc kuy lot yix, kamx waz hez muik lawc nuex dvyx vpiq kuex raungx nuex shvlc wvnc rvhumc tueq, phuemx rueq muinz vpiq kuex yop wvnc vshuex.

Acts 7:37

‘Nuimshiq suiuz vsaz kvwawc ngaz vkhoc shvmmax washiz kuex Tishox rueq nuimshiq tvkoc tvdung shuex,’ ngoz tueq Israel miqsaz muex jungc kuy jix waz muinz Moshe rvtueq.

Acts 8:36

Tsuingnueyc lvmx khuemc lvmx maq yuix ruilx vshiz nuex httuiuc wvnc tueq. Kvkaq vyungx vlaungx waz rueq, “Vruex baung vyuq yuix vhttax, ngaz rueq yuix luip lvmz ruiux yuq vtuing shaung juing lvmx vhttax haz?” ngoz tueq.

Romans 1:4

Tishox kuiux waungc maq kuex Tishox Saz rvtueq lvmx tvkhic kuy tvkoc Tishox luimc vkawc yunghvlc maq vpiq kuex vthueyc wawc tvyuing tvtenc wvnc tueq.

Hebrews 2:1

Kvkhoc rvtueq naungshiq rueq lvmx tvyaq miq juing naungshiq rueq tay wvnc tiq tsuingrux lvmx nuex phaungx duingduing rvwak shuimc tvy juing rvtueq.

2 Peter 1:17

Vpiq muex Vwaz Tishox kox wawc tvtsanc nganc nuiyc ngauz vngax kuq tueq nuex Johvlc Ngauz vngax mungx wawc vpiq kox nuex httuiuc tueq tvruingc kuex, “Vruex waz kuex ngaz rueq lungwawx vshaungx Saz rvtueq!” ngoz tueq jungx tueq nuex nuiyshiq muinz kvyuq vpiq rulc vdvmz vhttax rvtiq.

1 John 5:20

Tishox Saz kuex httuiuc kaz yaq rvtueq, tsuingrux Tishox kuex tuiuz tay lot juing thuinz vpiq rueq naungshiq muex kuq shec phuex kuex naungshiq rueq tuiuz lvp vshix. Naungshiq kuex vpiq Saz Yesu Christu rulc vshiz dvyx yaungx vtueq tvraungx httax vtix ningkhvnc nuex, tsuingrux Tishox rulc muinz vshiz dvyx yaungx vtueq tvraungx httax vtix. Kvruex waz kuex tsuingrux Tishox rulc htummuq maqmuq rullungx muinz rvtueq.

Revelation 1:7

Lawc shuinz, vpiq kuex phuemx htauk nuex ngaungc vtueq httuiuc kaz yaq! Vpiq kuex paq maq shuy jix htenc rueq nuiyc miq lotlaz rueq vpiq khiz wvnc lvp shuex. Ghaq htauk wawc miqphvnx lotlaz muinz vpiq ningkhvnc nuex thuinbac yonzyex wuez tuex. Kvrulc rv-ngvlc m-yaungx wvnc kueq!