Mark 9:7 - Muklom

⁷ Etho phun ka eq ning tha tathuk chakta etho phun wang ashey raaq kap tatta, “Ira i Miqwasa, barima nga tinmat ang; piq raaq shi tat inn!”

ASII LAKDAP Bible (BSI)

⁷ Kra liipan bala niili, phumda kaü ashi satsaq raüta, tsangshiq ka nyamsaq li she pang wanto. Kiimaq phumda mong wa, “Arka I Se. Ngi raq apaiq pinthum lungwii tiikang. Apaiq bom ka taironglaq!” nguta maiq bom ashi she saükito.

Hawa Naga Bible 2001

⁷ Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

Mark 9:7 Referencias Cruzadas

Matthew 27:43

Piq aa Shkewa tha kamta. Shkewa nuk ajo, thanga piq aa cham thalun aa, chammatakoi piq aa batta, ‘Nga Shkewa Miqwasa.’”

Matthew 27:54

Jesu bantey ralkoltey tang solwa ni adak ralkoltey tang aa haq kung shin etho chamlang angta tha khi eq, rapney cho eq batta. “Asing sing ira Shkewa Miqwasa angta.”

Matthew 3:17

Etho mungtan wang ashey raaq kap tatta, “Ira i tinmat i Miqwasa. Piq rangma nga rapney sungrang ang.”

Mark 1:11

Etho mungtan wang ashey raaq kap tat ta, “Nang raa itinmat i Miqwasa. Nang ma nga rapney sungrang ang.”

Mark 9:6

Atom ujiphantey tang ucho angta, ethi rangma Peter aa chamta batta tha sam moq angta.

Mark 9:8

Kalo hun ning aa ngik lang eq siin atho ethina Jesu chen etho adak utang tho ahung angta.

Luke 3:22

etho Asang Tsija tha hanphung o wotopin mal uhann o qhat kata. Etho rangmungtan wang raaq tatat qhong raaq ta, “Nang raa itinmat sa. Nga nang o rapney sungrang ang.”

John 1:34

Piq raa hun Shkewa Miqwasa ta nga khi eq miikkhi kotáng.”

John 1:49

Nathanael aa piq ma thawel batta, “Tatalteywa, nang raa Shkewa Miqwasa; nang Israel tang Lungwang!”

John 12:28

Iwa, ba miing phun amun u.” Etho mungtan wang ashey raaq tatat ta, “Nga esha phun amun táng etho wey phun amun eq náng.”

John 19:7

Jehudi tang aa piq ma thawel batta, “Piq raa jin tikwat ma í ma tho thong atha, chammatakoi piq aa piq ni piq sha Shkewa Miqwasa ta batta.”

John 20:31

Etharin nim aa Jesu raa hun Khristo, Shkewa Miqwasa ta han ma etho han eq piq miing o rollung kap rangma iri tang witta.

John 5:18

Eshi tungkang o Jehudi tang aa piq tha tikwat ma ahan wey tathinta, chammatakoi piq aa Sabbath saal o thong chen tashit moq angta, etharin Shkewa ma Iwa ta raaq eq Shkewa rol piq tha shingta.

John 5:37

Nga takatteywa Iwa, piq atho imiikkhi kot aa. Nim aa baluk otho piq raaq kap tat min ang tin, etho piq sham kapkhi min ang tin,

John 6:69

Nang raa Shkewa Asang Miq ta í aa uhan sey ti etho usam sey ti.”

John 9:35

Piq tha synagogue him wang latchak ta ta Jesu aa kap tat ta, piq jam tho tachong eq batta, “Nang aa Miqna Sa o kam shing u i?”

Acts 1:9

Piq aa ira bat jio, ning aa siin chey ta tho ning rel wang tunsol chuwan ta, etho phun eq piq tha ning miikthim o hop chak ta.

Acts 7:37

Iri Moses rey Israel tang ma batta, ‘Shkewa nim pho notang wang nim rangma nga mal ashey rangsamal takat na.’

Acts 8:36

Ning lam náng kachey atho, ning ni amaan jung rel náng thuta, ethi najaq aa batta, “Ira ro jung atha. Nang aa jung jin thalam pha mu i?”

Romans 1:4

Etho Asang Tsija tarong o utik wang weyjey tungkang o piq sha Shkewa Miqwasa ta takhi ta. Piq sha hiqtang Teyhungwa Jesu Khristo.

Hebrews 2:1

Eshirangma hiqtang aa tat ti raaq tang sho ahan tin kot ching, irimal ang ajo hiqtang adak lam náng ka mi ang ni.

2 Peter 1:17

Baluk o Ajong phun amun Shkewa wang iri raaq thu tapha, “Ira i tinmat sa, nga piq ma sungrang ang ang!” Eshi tok o piq aa piq Shkewa wang rangka etho phun amun kapta.

1 John 5:20

Hiqtang ira tho usam eq i, Shkewa Miqwasa ka tapha etho hiqtang thaji ma thunglam kota phi, ethi rangma hiqtang aa asing Shkewa tha sam i. Hiqtang Asing Shkewa jamoq kara eq tong i; chammatakoi hiqtang Usa Miqwasa Jesu Khristo jamna kara eq tong i. Piq sha asing Shkewa, etho pattuk rollung.

Revelation 1:7

Siin inn, piq phun tang jamoq kapha; thaji miik eq piq sha khina, utang eq piq tasam ta, ning aa tho piq tha ukhi eq na, etho mingkang thaji miqtang ma piq tungkang o tin tashit na. Irimal hun cham ang aa! Amen.