Mark 9:24 - ASII LAKDAP Bible (BSI)

²⁴ Kiijiishe, awe raq tresaq, “Ngi kamtiikang. Shatmaq ajom. I kamtsantsii ara tiijong kuqlaq!” nguta Jesuq bom ka treto.

Hawa Naga Bible 2001

²⁴ Kvkaq vwaz kuex guyc vtueq, “Ngaz kvmluimx vtaungx, yuq muinz ngvy kvmluimx thuinz hungx muq. Pinhtumc httaz wvnc tvkoc ngaz muex romc kuq wvnc luit!” ngoz tueq.

Muklom

²⁴ Ethiwa they ring eq batta, “Nga ukam eq ang! Etharin ukam eq ma lam takhi phu!”

Mark 9:24 Referencias Cruzadas

2 SAMUEL 16:12

Jursap Tatiwe raq, ngi chamchao ka michhi laq. Raüta apaiq raq manson tlaq kra lana, ngi ma phanshi ra achu shiimantiq mikuqlaq.”

2 HOKHVMX 20:5

Hejekia, Tatiwe sengi pengti phana walaq, laüta apaiq ma akha chongwakiq nguta tiiwato, “Ngi, Tatiwe, ümti Dawit Shiikeawe raq, ümnaq achu jaü ka taikang. Kiimaq ümmak phai satlaq kriimin chhikang she. Ngi raq ümthatsi ka mitiihea kuq kang. Kiimaq ranaiq tsam sijai na ümniika Shomjam na miki haü.

Tvtsvmc 126:5

Jurwa tsamlai wantlaq akhing na aho lam maq wantaq, kriiti raq chojong chise miishe tsam ka mijut wanlaq!

Tvtsvmc 39:12

Ngi achujaü tailaq, Tatiwe lei, laüta ngi hoqsii tiikang ara tailaq; Ngi hoqtiikang na ümnaq kilaüta khrumlaq. Ititiim thun wiita ikha ngi armin alose miitu ümwanwe ma jatiikang.

JEREMIA 14:17

Tatiwe raq ngi ma ngi chamchao hoqsii tiikang kriika tsangshiq ma chonglaq nguta aming kuqto: “Imakphai sawa ka ranaiq rawa misalaq, ngi ka atsaq min tsaq mang she dea mihoqsiqha, jamkhano ngukla inok ita ka bunlak buncha bukto, raüta tsihea mo tiihoto.

Mark 9:23

Jesuq raq treto, “Tengto, ümniiraq Shiikeawe ma kam haü jiila! Ümniiraq kam haü jiila, phanrap milot haü!”

Mark 9:25

Jesuq raq maiqphong ka, tsangshiq tho niishe riitsap rai wan chhito. Kriikha maq, “Ümnaq nibii nai nütang tha. Ara no khum arwa dongho tlo laq. Ümniika ümtiikiimin ara no khum na jangwa nong maimak she!” nguta apaiq raq tha ka jobaiqto.

Luke 17:5

Kiijiishe, kiimwebi raq Tatiwe ma, “Naishiq kamtsantsii ara atiima riikuq laq,” nguta chongto.

Luke 7:38

Apaiq ka Jesuq jai na chapto. Raüta, amakphai ka rajun wa ikha hoqsiqto. Amakphai sa raq, Jesuq hokphi ka jobai she riito. Apaiq raq, Jesuq hokphi kra akhudap maq tiiwe tatkuqto. Raüta, anü maq shupto. Kiimaq homseng tai maq, Jesuq hokphi ka jut kuqto.

Luke 7:44

Kra, ngu raütiishe, apaiq ka kra jechak nyung phanü na lii raüta, Simon nangnga nguto, “Riita, ümniiraq arnyung ara chhi tlaü sha? Ngi ka ümjam na wakang. Shatmaq, ümniiraq i hok he ma kham min tsümkuq maü dea. Shatmaq, arnyung raq i hok ka amakphai maq heraüta, akhudap maq tiiwe tatkuqto.

Acts 10:19

Petar ka riisham mak maq chhitaq kra, jamlai wa riita ahiq nguta rashi hiqwia tiima rai tlaq liipan niili, Asii Wenyi raq apaiq ka thaüto, “Liilaq! Ümnaq heakaiti maiq wetsam ka arjaq saükito she.

Acts 10:31

Raüta, apaiq raq ngi ma, ‘Kornelias lei! Shiikeawe raq ümnaq achu jaü ka taito she. Kiimaq ümniiraq miitsan miijan maiqse ma khrum kuq tlaü thun kiimin chhito she.

2 Corinthians 2:4

Ngi raq namshiq ma kra lak tiiho wan kang, i tsan na tsaühea atsi walü wa ikha, kiimaq chapa tsi raq atsai chang khan, chamchao lam maq, kiimaq makphai rok wa lam maq waiq kang. Ngi raq kra lak waiq kang ka, namshiq tsan mibi laq nguta riimak. Shatmaq, ngi raq namshiq ka ümtinkhan wa lungwii tiikang, kra namshiq raq misap laq nguta waiqkang.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

2 Thessalonians 1:11

Arningkhan tiina, naishiq raq namshiq miitu, wranaiqshe achu jaükuq tiikai. Arka, Shiikeawe raq namshiq ka, athuk atsom maiqsetiim miidea mitiija wan laq, nguta achu jaükuq tiikai. Namshiq raq kamasham jaqsham ahea, ümchuwa sham tlan kra, Shiikeawe raq apaiq ningkun maq, kunli dea tiihongtha kuq raü jaq ahea, nguta achu jaü tiikai.

2 Thessalonians 1:3

Naphu nanotiim lei, naishiq raq namshiq miitu, Shiikeawe ma wranaiqshe kechutum chang akhek sitlo. Arka riikhaqli athuk atsom jaqsham ashi. Ara jamkhano chongtiikai ngukla, namshiq kamasham ka pinthum kham ama wan ikha jonglu wan tlo. Kiimaq namshiq raq kongti miitu lungwiitsii rüm tlan kra, barap na nyam wan tlo chhi tiikai.

2 Timothy 1:4

Nanai kiim riiphea ranaiq na, ümmakphai roktaq irka, ngi raq laqbaiq mang. Ümchaü min, ngi ka ümniirai sham riichhiro raq haü tiikang. Ümniirai riihum ka ngi ma pinthum chochi jonghea.

Hebrews 12:17

Kra shaphaq baiqjai she, maalam jai niitiq, apaiq raq awe jaq wa chhikhu we rii achu shiiman ka kuqlaq nguta, ümtinkhan wa hoqsiito. Shatmaq, apaiq miika kuq mak she riito. Jamkhano ngukla, apaiq raq jamlai wa shut lam tantaq kra, tiitanglot mak she riito. Apaiq ka makphai trok raüta rit wan nongto. Shatmaq, hum mak she riito.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.