Mark 9:23 - ASII LAKDAP Bible (BSI)

²³ Jesuq raq treto, “Tengto, ümniiraq Shiikeawe ma kam haü jiila! Ümniiraq kam haü jiila, phanrap milot haü!”

Hawa Naga Bible 2001

²³ Yesu rueq, “Mnoz rueq lot shuiux ngoz ruiux kuex, ngoz tueq kuex yvmx ngoc lac! Kvmluimx thuinz vhttax miqsaz tvkoc yaungx lot muq lvmz yvmx muinz vguez,” ngoz tueq jungx tueq.

Muklom

²³ Jesu aa batta “Ujin eq ujo ta chamma bat u? Miq ashey ma ukam atha ang ajo thaji sha ujin eq aa.”

Mark 9:23 Referencias Cruzadas

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

Matthew 14:29

Kiijiishe, Jesuq raq, “Kira,” nguta thaüto. Krai mren, Petar ka lai mong wa kham thaq na satkisaq raüta, Jesuq pha nü na kham thaq maq khum wanto.

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Mark 11:23

Ngi chongpha, tiitsang taironglaq. Jurwa kamtsantsii pharang rang maq, ara hiqlam kaü ara nangnga, tiikoq wan laq, laüta sammoktra jü mong na kü wan laq nguta thaü tlaq, kiimaq atsan mong na tsan nai thümak, shatmaq apaiq raq jamlai chongtlaq kra mihongwa nguta kamtlaq, raüla, apaiq miitu miklokuq.

Mark 9:22

“Apaiq ka jang pahea tha raq wa na liiqbaiq raüta, nai kham na liiq baiq raüta, atsea baiq tanto. Ümniiraq lot haü jiika, naishiq ara mangchan kuq phiidea!” nguta tiipaiqneato.

Mark 9:24

Kiijiishe, awe raq tresaq, “Ngi kamtiikang. Shatmaq ajom. I kamtsantsii ara tiijong kuqlaq!” nguta Jesuq bom ka treto.

Luke 17:6

Kiijiishe, Tatiwe raq treto, “Namshiq kamtsantsii ka jücha raise tin li jiimin, kam lanta namshiq raq ara manjong chong arma, ‘Ümrang chong maq tiiba wan laq. Laüta sammoktra jü mong na cham wan laq!’ nguta thaü han jiila mitai.”

John 11:40

“Ngi raq ümniima chongpha ira taimaü sha? Ümniiraq kamhan jiila, Shiikeawe khushü jonglu kra michhi haü nguta chongpha ihata?” nguta Jesuq raq apaiq bom ka treto.

Acts 14:9

Apaiq kiimin kiijaq nga raüta, Paul raq traho bom chongkuqtlaq kra tsangrakrak hea maq tiitsang taito. Kriiwe ka Paul raq chhito. Kiimaq apaiq raq Shiikeawe bomtsi ma kamtlo ngutiishe apaiq tho ka heto. Krai mren, apaiq tsi kiimin miheaki nguta sap raütiishe, apaiq raq atsiti we ka tiqtiq liito.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.