Mark 9:25 - ASII LAKDAP Bible (BSI)

²⁵ Jesuq raq maiqphong ka, tsangshiq tho niishe riitsap rai wan chhito. Kriikha maq, “Ümnaq nibii nai nütang tha. Ara no khum arwa dongho tlo laq. Ümniika ümtiikiimin ara no khum na jangwa nong maimak she!” nguta apaiq raq tha ka jobaiqto.

Hawa Naga Bible 2001

²⁵ Yesu rueq tsuinghez kox nuex nuk miqsaz kung kvnvp wvnc yaq kuex khiz vtueq, vshuy htaungc muex ngoc, “Nac bawc nuix tuingx htaungc lex, nox gvnz vwawc dung wvnc kuiuz, Yix maq mkaq muinz nyuip mvy muq, ngoz tueq ngaz rueq mnoz muex ngoz vphaungx!” ngoz kuq tueq.

Muklom

²⁵ Jesu aa miqtang tahum jang atha khita, ethi rangma piq aa ethi anaan tsija thima qhat eq batta, “Angong nia naqbang anaan tsija, nga batphang, iri miqwasa ri shingchak eq jol chuwang u etho baluk otho piq hanmong náng nak wey thu u!”

Mark 9:25 Referencias Cruzadas

JEKERIA 3:2

Kiijiishe Tatiwe rase raq Soitan ma, “O, Thawe lei! Tatiwe raq ümniika mitiishut baiq she! Jerusalem lungwiitiwe Tatiwe raq ümniika ümkhii riitii jiimin mitiishut baiq she dongdii. Ara ramwe Joshua ka nyeakii wa na akhiim wan she wa tiikhiimlap mak atsun baiq ikha.”

Matthew 12:22

Kra akhing na maiq wiijamti raq abi winji raq akaq, maiq weshi ka amak min achuk kiimaq anü min atang we kra, Jesuq phana shea wanto. Jesuq raq kriiwe thatsi ka tiihea kuqto. Krai mren apaiq ka abom she dongto, kiimaq amakpo kiimin piiqkito.

Matthew 17:18

Kra ngu raütiishe Jesuq raq abi winji no khum kiiwa dongho laq nguta aming kuqto. Krai mren tha ka no khum wa donghoto. Kiimaq no tha tsi ka heasaq she heakito.

Mark 9:15

Nokmaiqse phong raq, Jesuq ka chhi raüta, awang rai she riito. Kiimaq apaiq phana ju trang raüta, apaiq ka taoto.

Mark 9:24

Kiijiishe, awe raq tresaq, “Ngi kamtiikang. Shatmaq ajom. I kamtsantsii ara tiijong kuqlaq!” nguta Jesuq bom ka treto.

Mark 9:26

Krai mren, tha ka agilülü sii raito. Kiimaq no ka tiimalaq bok wanto. Raüta, no khum wa donghoto. No ka ama ikhiishe hiq na bumkito. Kra chhi raüta tarü raq, “Tsaikito she!” nguta bomto.

Luke 11:14

Maiq weshi ka nütang tha raq rom wanto. Jesuq ka kriiwe khum wa tha ka jobaiq rea riito. Tha ka jobaiq kiita, maiqwe ka abom asa wa liishe heakito. Kra chhi raüta mungmaiqse ka kai wangto.

Luke 4:35

Jesuq raq ashe tha winji ka, “Kaiq laq, laüta, arwe khum wa dongho tlo laq!” nguta jobaiqto. Kiijiishe Tha raq kriiwe ka hiq na tiikülam she, tsangshiq tarü makki na liiq baito. Raüta, tha ka apaiq khum kiiwiishe donghoto. Shatmaq, tha raq apaiq ka tiimitsi mak dea.

Luke 4:41

Abi winji thun kiimin, “Ümniika Shiikeawe Se!” nguta, agi asii wa trang la, maiq pahea khum wa, dongho raüta, pongpin riipin pintrangto. Jesuq raq abi winji kong ka, tiiki miilaq asea riito. Kiimaq tsangshiq ma, bom ka poshi min tiibom mak riito. Apaiq raq tsangshiq ka jamkhano tiibom mak ngukla, tsangshiq raq apaiq ka Khristo nguta asap. Kriikha maq apaiq raq tsangshiq ka tiibom mak.

Luke 8:29

Apaiq raq ara ngutaq arka, Jesuq raq kriiwe khum na abi winji sitlaq kriima, dongho tlo laq nguta ajo wishe kha maq nguto. Apaiq ka tha raq jang pahea rom wan lili riitlo. Ümtiikiiwa apaiq ka abi winji riishe rom wan tlaq, kra akhing niika, maiq raq ahok ajaq thun kra jinraü maq kha raüta thü raü jiimin, jinraü thun kra pantham panthit li pan baiq raüta, apaiq ka abi winji raq kumtsaiphii binjü kiina lüho lili riitlo.

Luke 9:42

No ka Jesuq pha nü na awarai liipan kiijii niili, abi winji raq apaiq ka tiimalaq hiq na liiq baiqto. Jesuq raq tha ka jobaiqto. Raüta, no thatsi kra tiihea kuqto. Raütiishe, awe jaq na kiinong kuqto.

Acts 16:18

Apaiq raq akha tsangshiq shakshaq rea arka, rahiq aluwiq she shakshaq rat wanto. Kriikha niishe, Paul ka atsütsa sihea she riito. Kriikha miishe, apaiq raq jechakse pha nü na lii raüta, apaiq khum wa abi winji ka, “Jesuq Khristo mang maq ngi raq ümniika ara jechakse khum arwa jobaiq tiikang, dongkikiq!” nguta jobaiqto. Krai mren, kra nyung khum wa tha ka kra liipan niili she donghoto.

Jude 1:9

Riita, ara tsangshiq phephiiq wan tlaq akhiika, Rase jong Maikel raq san tla, atinkhan ka bom mak riito. Mosheq maa ka ju raq lapshe chang wa nguta, Thawe rai riitsotaq akhing niimin, apaiq raq Thawe ma ason ka son mak dea riito. Shatmaq, apaiq raq Thawe miika, “Tatiwe riitiq ümniika mison kiiphaü!” ngutli bomkuqto.